ჯონ ფოსტერ დალესი
ჯონ ფოსტერ დალესი (ინგლ. John Foster Dulles; დ. 25 ფურთუთა, 1888 — ღ. 24 მესი, 1959) — ამერიკალი პოლიტიკოსი, იურისტი, დიპლომატი, ააშ-იშ სახენწჷფო მელამოსე 1953-1959 წანეფს, დუაიტ ეიზენჰაუერიშ ადმინისტრაციას. დალესი რდჷ შანულამი ფიგურა რგილი ლჷმაშ ორდოიანი პერიოდის. დალესიშ ბაბუს, ჯონ უოტსონ ფოსტერს 1892-1893 წანეფს დო ბიძიას, რობერტ ლანსინგის 1915-1920 წანეფს უკინებუდეს სახენწჷფო მელამოსეშ პოსტი. ჯ. ფ. დალესიშ ჯიმა ალენ დალესი ნინალენდჷ ცენტრალური ოთოლორე სააგენტოშ დირექტორო 1953-1961 წანეფს.
| ჯონ ფოსტერ დალესი John Foster Dulles | ||
 დალესი 1949 წანას | ||
| ააშ-იშ 52-ა სახენწჷფო მელამოსე | ||
|---|---|---|
| პოსტის გერინაშ ბორჯი | ||
| 26 ღურთუთა, 1953 – 22 პირელი, 1959 | ||
| პრეზიდენტი | დუაიტ ეიზენჰაუერი | |
| წიმოხონი | დინ აჩესონი | |
| მონძე | კრისტიან ჰერტერი | |
| პოსტის გერინაშ ბორჯი | ||
| 7 კვირკვე, 1949 – 8 გერგობათუთა, 1949 | ||
| წიმოხონი | რობერტ ფერდინანდ ვაგნერი | |
| მონძე | ჰერბერტ ლემანი | |
| დუნაბადი | 25 ფურთუთა, 1888 ვაშინგტონი, ააშ | |
| ნაღურა | 24 მესი, 1959 (71 წანერი) ვაშინგტონი, ააშ | |
| ნთხორუ აბანი | არლინგტონიშ ნაციონალური სასაფლა | |
| მენოღალობა |  ააშ | |
| ერუანობა | ამერიკალი | |
| პოლიტიკური პარტია | რესპუბლიკური პარტია | |
| მუმა | ალენ მეისი დალესი | |
| ნანა | ედიტ ფოსტერი | |
| ალმასქუ | ჯანეტ პომეროი ევერი | |
| სქუალეფი | ჯონი, ლილიასი, ევერი | |
| გონათაფა | პრინსთონიშ უნივერსიტეტი ჯორჯ ვაშინგტონიშ უნივერსიტეტი | |
| საქვარუა | პოლიტიკოსი, იურისტი, დიპლომატი | |
| ჯილდოეფი | დუდიშალაშ მენდალი (1959) სილვანუს ტეიერიშ პრემია (1959) | |
| ხეშმოჭარუა |  | |
ჯ. ფ. დალესი გურაფულენდჷ ჯორჯ ვაშინგტონიშ უნივერსიტეტიშ სამართალიშ სკოლას. გურაფაშ თებაშ უკულ მუშენდჷ იურიდიული კომპანიას Sullivan & Cromwell-ის. მაართა მოსოფელიშ ლჷმაშ ბორჯის დალესი მუშენდჷ ოურდუმე ინდუსტრიეფიშ სხუნუს (WIB). 1919 წანას რდჷ ააშ-იშ წჷმმარინაფალი პარიზიშ ოთინჩალე კონფერენციას. 1924 წანას დალესიქ მიშეღჷ შანულამი თია დოზიშ გეგმაშ ფორმირაფაშა. ჸათე გეგმაქ დასტაბილურჷ კონფლიქტური ჸოფირალა ევროპას.
დალესი რდჷ რესპუბლიკარეფიშ საპრეზიდენტო კანდიდატიშ, ტომას ედმუნდ დიუიშ გალენური პოლიტიკაშ კონსულტანტი 1944 დო 1948 წანეფს. 1949 წანას დალესიქ გინირთჷ სენატორო. სენატის თინა მოღალენდჷ ხვალე ოთხი თუთაშ გოძვენას, მუშენდა 1949 წანაშ 28 მანგის, ნიუ-იორკიშ შტატიშ სპეციალური გიშაგორუეფს დემარცხჷ. დალესიქ მიპალუ ხონარეფიშ 48 %, თიში კონკურენტიქ ჰერბერტ ლემანქ 52 %. პრეზიდენტი ჰარი ტრუმენქ დალესი ქუდარინუ გალენური პოლიტიკაშ ელმაჩამალო. ჸათე პოსტიშ გერინაშ ბორჯის, თინა ფოკუსირაფილი რდჷ უმოსო ინდო-რჩქალი ოკიანეშ (Indo-Pacific) რეგიონიშა. 1950-1952 წანას, დალესიქ გინირთჷ სან-ფრანცისკოშ ხეკულუაშ არქიტექტორო. ჸათე ხეკულუაშ ნძალათ, ოფიციალურო გეთუ მაჟირა მოსოფელიშ ლჷმაქ აზიას. თაშნეშე, დალესიქ მიშეღჷ კაბეტი თია ააშ-იაპონიაშ ალიანსიშ დორსხუაფაშა დო ავსტრალიაშ, ახალი ზელანდიაშ დო ააშ-იშ თხილუაშ ხეკულუაშ გოჭყაფაშა.
1953 წანას ეიზენჰაუერქ დალესი ქუდარინუ სახენწჷფო მელამოსეთ. დალესი რდჷ მოხუჯე აგრესიული პოლიტიკაშ კომუნიზმიშ მეხჷ. პოსტიშ გერინაშ ბორჯის, თინა ოცადუდჷ ოურდუმე ალიანსეფიშ, გიშაკერზაფილო ნატოშ განძალიერაფას. დალესი რდჷ ანტი-კომუნისტური ობჟათე-ბჟაეიოლი აზიაშ ხეკულუაშ ორგანიზაციაშ ართ-ართი თარი არქიტექტორი. დალესიქ ხე შეუნწყუ გინორთას, ირანს 1953 წანას დო 1954 წანაშ გვატემალაშ გინორთას. დალესიქ ხუჯი დუკინჷ საფრანგეთის ინდოჩინეთიშ მაართა ლჷმაშ მიმალობას. ჯ. ფ. დალესიქ ღურუ 1959 წანაშ 24 მესის, 71 წანერქ. დასაფულებური რე არლინგტონიშ ნაციონალური სასაფლას.