ალესანდრო მანძონი
ალესანდრო ფრანჩესკო ტომაზო ანტონიო მანძონი (იტალ. Alessandro Francesco Tommaso Antonio Manzoni; დ. 7 მელახი, 1785, მილანი, მილანიშ ოჰერცოგე — ღ. 22 მესი, 1873, მილანი, იტალია) — იტალიარი ჭარუ, ნოველისტი, პოეტი, დრამატურგი დო ფილოსოფოსი. შინელი რე რომანით "შანილეფი", ნამუქჷთ 1827 წანას გიშართჷ დო ავტორს დიდი პოპულარობა მოუღჷ. "შანილეფი" ისტორიული რომანი რე დო მერჩქინელი რე მოსოფელიშ ლიტერატურაშ შედევრო. რომანი იტალიაშ გოართოიანაფაშ სიმბოლო რე დო თის დიდი შანულობა უღუდჷ მუში პატრიოტული მოტივეფით, თეხანური გოართოიანაფილი იტალიური ნინაშ დორსხუაფაშო.
| ალესანდრო მანძონი | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
მესი 22, 1873 (88 წანერი) |
| ღურაშ აბანი: |
მილანი, იტალია |
| ერუანობა: | |
| საქვარუა: | |
| პერიოდი : |
1801–1873 |
| Magnum opus: |
|
| ჟანრი: |
ისტორიული ლიტერატურა, პოეზია, ტაგედია |
| ნინა: | |
| ჯილდოეფი: |
იტალიაშ გირგვინიშ ორდენი |
|
| |
ალესანდრო მანძონიქ ჭარალუათ ორდოიანი წანეფიშე დეინტერესჷ. მაართა ნაჭარეფი გჷმაბჟინუ 1800-იან წანეფს. 1801 წანას მანძონიქ გჷმაბჟინუ მითოლოგიური ალეგორია "დუდიშალაშ ტრიუმფი". 1820 წანას გიშართჷ დრამაქ "გრაფი კარამანოლა", ნამუთ იტალიური რომანტიზმიშ მანიფესტო იკოროცხუ. რდჷ კლასიციზმიშ ოპონენტი. კლასიციზმი გაკრიტიკებული რე მანძონიშ დრამას "ადელგიზი" დო ნამთინე თეორიულ ნახანდეფს. 1821 წანას ნაპოლეონ ბონაპარტიშ ღურაშ ინსპირაციათ ჭარუ სტანცა "ხუთი მესი", ნამუთ ასე ხოლო ართ-ართი პოპულარული ლირიკული ნაწარმები რე იტალიას.
ალესანდრო მანძონი რდჷ იტალიაშ გირგვინიშ ორდენიშ კავალერი, წიმინდეეფიშ მავრიკიშ დო ლაზარეშ ორდენიშ კავალერი დო წიმინდე იოსებიშ ორდენიშ კომანდორი. მანძონიქ თაშნეშე მიპალუ პრუსიაშ ართ-ართი უმაღალაში ჯილდო ღრისებაშ ორდენი. ართ პერიოდის მანძონი რდჷ იტალიაშ სენატიშ მაკათური. მანძონიქ ღურუ 1873 წანაშ 22 მესის, 88 წანერქ. ნთხორილი რე მილანიშ მონუმენტალეშ სასაფლას.
რესურსეფი ინტერნეტის
რედაქტირაფა- ალესანდრო მანძონი ენციკლოპედია ბრიტანიკას
- ალესანდრო მანძონი Catholic Encyclopedia-ს (1913)
- ალესანდრო მანძონი - ნახანდეფი პროექტ „გუტენბერგის“
- მანძონიშ ნახანდეფი LibriVox-ის