ალექს ფერგიუსონი
სერ ალექსანდერ ჩეპმენ „ალექს“ ფერგიუსონი (ინგლ. Sir Alexander Chapman "Alex" Ferguson; დ. 31 ქირსეთუთა, 1941) — შოტლანდიარი მობურთე დო კუჩხბურთიშ მაწვართალი. ფერგიუსონი 1986-2013 წანეფს 27 წანაშ გოძვენას რდჷ ოკუჩხბურთე კლუბ „მანჩესტერ იუნაიტედიშ“ თარი მაწვართალი 1986-2013 წანეფ. ათე პოსტის მუშობას ალექს ფერგიუსონქ მიარე ტიტული მიგჷ დო მიარე რეკორდი ორხველჷ. თიქი „მანჩესტერ იუნაიტედი“ მოსოფელიშ ართ-ართ უნძალიერაშ კლუბო გინართინუ. თიში ნარდი რენა ჩინებული მობურთეეფი რაიან გიგზი, დევიდ ბექჰემი, ნიკი ბატი, პოლ სკოულზი, გერი ნევილი, როი კინი, რიო ფერდინანდი, უეინ რუნი, კრიშტიანუ რონალდუ.
![]() | |
პიჯული ინფორმაცია | |
---|---|
დაბადებაშ ჯოხო |
ალექსანდრ ჩეპმენ ფერგიუსონი[1] |
დაბადებაშ თარიღი | 31 ქირსეთუთა, 1941 |
დაბადებაშ აბანი | გლაზგო, შოტლანდია |
სპორტი | |
სპორტი | კუჩხბურთი |
კლუბი | მანჩესტერ იუნაიტედი |
ბიოგრაფია
რედაქტირაფადებადჷ გლაზგოს, დარსანს. 1958-60 წანეფს ლაჸაფენდჷ „კუინზ პარკის“.
მობურთეშ კარიერაშ თებაშ უკული ჟირი ლუდხანა ორხველუდჷ. ომაწვართალე კარიერა „ისტ-სტირლინგის“ დიჭყჷ. 1974 წანაში გიმათუთას ომუშებელო „სენტ-მირენშა“ გინორთჷ. მაართა, მუთი ფერგიუსონქ ახალ კლუბის ღოლუნ, კაპიტანიშ ბუნაშე გოტება რდჷ. თიქი მობურთეს ოდებიუტე მატჩის ფოტოს თიში უკახალე კითეფით ლათინური V-შ გუმოსახება ვაპატიუ. 1978 წანაშ მანგის ფერგიუსონქ „აბერდინწკჷმა“ გაფორმჷ კონტრაქტი დო ლუდხანაქ მიოტებელქ აჸუ. „აბერდინი“ შოტლანდიაშ ართ-ართი სადიო კლუბი რდჷ, მარა ჩემპიონატი 1955 წანაშ უკული ვაფუდჷ მუნაგებჷ. ფერგიუსონქ ნასხუნას ჟირ წანაშა მიოჭირინუ დო „სელტიკიშ“ დო „რეინჯერსიშ“ ჰეგემონია დახუ. 1983 წანას „აბერდინი“ მასმა შოტლანდიური კლუბიქ იჸუ, ნამუქით ევროთასეფს გომორძგუას მიოჭირინუნჷ: თასეფიშ თასიშ ფინალს ალფრედო დი სტეფანოშ გოწვართილი „რეალ მადრიდი“ დამარცხჷ.
ათე გომორძგუაშ უკული ფერგიუსონქ ვემიღჷ „არსენალიშ“, „რეინჯერსიშ“ დო „ტოტენჰემიშ“ მერზიაფეფი. 1986 წანას თინა შოტლანდიაშ ნაკორობაშ მაწვართალიშ მუმახვარეთ, ჯოკ სტინსიშ, თარი მაწვართალიშ ღურაში უკული მაწვართალო მუშენდჷ. 1986 წანაშ მუნდიალს ფერგიუსონიშ ნაკორობაქ ართი ქულა იშუ.
1986 წანაშ 6 გერგობათუთას ფერგიუსონი „მანჩესტერ იუნაიტედიშ“ თარი მაწვართალო დარინესჷ. ფერგიუსონქ ბუნა დატებაფუ კევინ მორანს, ნორმან უაითსაიდის, პოლ მაკგრატის. ხოლო იდესჷ მაიკ დაქსბერქ, გორდონ სტრაჩანქ, იესპერ ოლსენქ, პიტერ დევენპორტიქ, რემი მოუზესიქ, ფრენკ სტეპლტონქ. თიქ „ბრისტოლ სიტიშე“ გეგნიყონჷ რალფ მილნი. გვიანო, თიქი მილნის შინუ, ნამდა თენა რდჷ არძაშე გლახა ტრანსფერი თიში ომაწვართალე კარიერას. ბუნაშ აკოდგინალუას გიშარჩქინდეს ნიჭიერი ახალეფქ პოლ ინსი დო ლი შარფიქ. ახალი ბუნათ ფერგიუსონქ 1990 წანაში ასოციაციაშ თასი მიგჷ. თენა რდჷ თიში მაართა ტიტული მანჩესტერს. ათე გომორძგუათ ფერგიუსონქ ქესქილიდუ „იუნაიტედიშ“ მაწვართალიშ პოსტი.
ართი წანაშ უკული, 1991 წანას იოჰან კრუიფიშ „ბარსელონა“ დამარცხჷ თასეფიშ მაღვენჯეფიშ თასიშ ფინალს. 1992-93 წანეფიშ სეზონს მაართათ მიგჷ ჩემპიონიშ ტიტული. ათეში უკული ფერგიუსონქ „ლიდსიშე“ ერიკ კანტონა იჸიდჷ. კანტონაშ პერიოდის, მანჩესტერქ ხუთ სეზონს, ოთხშა მიგჷ პრემიერლიგა.
1995 წანას ასოციაციაშ თასიშ ფინალს ბუნაქ „ევერტონწკჷმა“ დემარცხჷ. ათეში უკული ფერგიუსონქ კინი ახალეფს მეჩჷ შანსი.
1999 წანას დიაფალქ ელისაბედ II-ქ ალექს ფერგიუსონი აიარო აკურთხჷ მუში სპორტული ნასამართიშო.[2]
1999 წანას ჩემპიონეფიშ ლიგაშ ფინალიშ მოგებაშ უკული ფერგიუსონქ პენსიაშა ულაშა დიჭყჷ ფირქი. თინა ფიქრენდჷ, ნამდა ათეჯგურა კონკას უმოსის დღას ვემიოჭირინუანდჷ დო მალას 60 წანას ათენდჷ. ათე ბორჯის კლუბი შმეიხელქ დო ირვინქ დიტეს დო ფერგიუსონქ კინი მიაჸუნჷ ბუნაშ გინოახალებას. ფერგიუსონქ ედვინ ვან დერ სარიშ მოჸონაფას ეცადჷ, თიშენ ნამჷდა რაიმონდ ვან დერ გოუ ჯინჯიერი მეკარეთ ვერგუდჷ, მარა ვემიხერხინჷ. 2000 წანაშ გიმათუთას თიქი ულაშ გეშა გაცხადჷ.
2001 წანაშ 29 ეკენიას „მანჩესტერქ“, ნამჷთ მაართა ტაიმიშ უკული 0-3 აგენდჷ „ტოტენჰემწკჷმან“, 5-3 მიგჷ. 2001 წანაშ ქირსეთუთას ფერგიუსონს საბოლოლათ ულამუდჷ პენსიაშა ულა დო ათეშენ კლუბისით ქუწუ. მარა თისი ფანიაშ მაკათურეფქ გინაფირქებაფეს დო ათეში უკული თინა ხოლო 11 წანას ქორდჷ მანჩესტერს. 2001-02 წანეფიშ სეზონი კლუბიქ ქინაჸოთჷ: პრემიერლიგას მასმა აბანს გეუჯერდჷ, ჩემპიონეფიშ ლიგას გვერდფინალს ლევერკუზენიშ „ბაიერწკჷმა“ დემარცხჷ. უკულიანი სეზონს ფერგიუსონქ რუდ ვან ნისტელროი დო ხუან სებასტიან ვერონი იჸიდ, მუსჷთ კლუბის დიდი ფარაქ ოხარჯებაფუ, იაპ სტამიშ მანგიორო ლორან ბლანი მიჸონჷ, მუქჷთ გიშართ, ნამდა ვაგამართჷ.
2003 წანაშ ფურთუთას, ასოციაციაშ თასის „არსენალიშ“ აწმარენჯო მიკოჸონაფილი მატჩიშ უკული, ნამჷთ თინეფქ 2-0 წაგეს, თისი დო დევიდ ბექჰემს აკართეს. ბექჰემქ მათხილეეფს ვემეხვარჷ სილვაინ ვილტორიშ გოლის. მარა თინას მიოჩქუდჷ ნამდა ვემეჩილათე. მიკანწყუმუს გოღვიზინაფილ ფერგიუსონქ ბუცის კუჩხი მიოგჷ დო ბექჰემს თოლს მახვამილუ. მაჟირა დღას ფერგიუსონქ ბექჰემიშ ბუნაშე ულა მითხუ. ათეში უკული ბექჰემქ გლახათ ილაჸაფჷ ჩემპიონთა ლიგაშ მაბრუოთფინალურ აკოხვალამას „რეალ მადრიდიშ“ აწმარენჯო „სანტიაგო ბერნაბეუს“, ნამუთ მანჩესტერელეფქ 1-3 წაგეს. უკულიან მატჩის „ნიუკასლწკჷმა“ ფერგიუსონქ ბექჰემიშ მანგიორო ოლე გუნარ სოლსკიაერი ოლაჸაფინუ დო მატჩი 6-2 მიგჷ, ათეშენ თიქი „რეალ მადრიდწკჷმა“ ჸუდეშ აკოხვალამას ბექჰემქ ომალათირე სკამს დიტუ დო ხვალე 63-ა წუნს მინაშქჷ ვერონიშ მანგიორო. 85-ა წუნს ბექჰემქ ოჯარიმე გეშქუმალათ გომორძგუაშ გოლი გენთიღჷ, მარა 4-3 გომორძგუა „იუნაიტედის“ ვაუბაღჷ დო ლიგაშე გიშალჷ. მარა კლუბიქ თი წანას ჩემპიონიშ ტიტული მიგჷ.
2002-2008 წანეფს ფერგიუსონიშ მოხვარეთ პორტუგალიარი კარლუშ კეირუში მუშენდჷ. ფერგიუსონს კეირუში მანჩესტერს მუში მონძეშ საუჯგუშო კანდიდატო მიოჩქუდჷ, მარა კეირუშიქ 2008 წანას პორტუგალიაშ ნაკორობაშ თარი მაწვართალიშ პოსტიშ დაკინებაშენ ჰოია თქუ.
2004 წანაშ ღურთუთას კლუბის „ფულემიშე“ ლუის საჰაქ ქაკათჷ. მარა საჰა შხირას ილახებუდჷ დო ფერგიუსონქ გინოჭყვიდჷ, ნამდა თიშა ბუნა ვეინწყუედჷ. ათეშენ თინა 2008 წანას „ევერტონს“ ქიმეჩჷ. 2004 წანაშ მესის 7 მლნ ფუნტო თიქი ალან სმიტი ქიჸიდჷ. 2003-04 წანეფიშ სეზონი ბუნაქ მასმა აკანს გათუ დო მიგჷ ასოციაციაშ თასი. ფინალს თინეფქ „მილუოლი“ 3-0 დამარცხეს. 2006 წანას „იუნაიტედიქ“ ხვალე ლიგაშ თასიშ მოგება მახერხჷ. 2006 წანას თიქ მაიკლ კერიკი იჸიდჷ, თიშენი ნამდა ცენტრალური ოშქაშემათხილე პოლ სქოულზი 30-ს რდჷ გინოჩილათირი.
ფერგიუსონიშ ხემანჯღვერუათ ეკონია მატჩი „მანჩესტერ იუნაიტედის“ 2013 წანაშ 13 მესის უღუდჷ დო „ვესტ ბრომვიჩ ალბიონწკჷმა“ 5-5 ილაჸაფჷ.
ჯილდოეფი
რედაქტირაფა- ჩემპიონეფიშ ლიგა
- გომორძგვილი (2): 1999, 2008
- ფინალისტი (2): 2009, 2011
- თასეფიშ მაღვენჯეფიშ თასი
- გომორძგვილი: 1991
- პრემიერლიგა
- გომორძგვილი (13): 1993, 1994, 1996, 1997, 1999, 2000, 2001, 2003, 2007, 2008, 2009, 2011, 2013
- ვარჩხილიშ პრიზიორი (5): 1995, 1998, 2006, 2010, 2012
- ასოციაციაშ თასი
- გომორძგვილი (5): 1990, 1994, 1996, 1999, 2004
- ფინალისტი (3): 1995, 2005, 2007
- ლიგაშ თასი
- გომორძგვილი (4): 1992, 2006, 2009, 2010
- ფინალისტი (3): 1991, 1994, 2003
ლიტერატურა
რედაქტირაფა- ალექს ფერგიუსონი, „ჩქიმი ავტობიოგრაფია“ — „არტანუჯი“, ქართი, 2014 ISBN 978-9941-445-51-4
რესურსეფი ინტერნეტის
რედაქტირაფასქოლიო
რედაქტირაფა- ↑ Sir Alexander Chapman Ferguson. mufcinfo.com. MUFCInfo. კითხირიშ თარიღი: 2011-07-12.
- ↑ “Sir Alex's crowning glory“, BBC News, British Broadcasting Corporation (BBC), 20 კვირკვე, 1999.