ანტარქტიდა

კონტინენტი

ანტარქტიდა (ბერძენ. ἀνταρκτικός) — კონტინენტი დიხაუჩაშ ობჟათე გეოგრაფიული პოლუსიშ მუკ-მუკის. დიხაუჩაშ არძოშე რგილი აბანი რე დო დახე ედომუშამი ფორილი ჸინით, ნამუშ სისფსქათ 1,6 კილომეტრის (1 მილი) ოჭირინდუანს. თეწკჷმა თინა დიხაუჩაშ უდიდაში ტიოზი რე. მუკ-მუკის გარტყჷ ობჟათეშ ოკიანეშ წყარეფი (თაშნეშე ჩინებული მუჭოთ ინდოეთიშ, რჩქალი დო ატლანტიშ ოკიანეეფიშ ობჟათე ნორთეფი). კონტინენტიშ ფართობი აკმადგინანს 12,4 მლნ კვ. კმ (თაშნეშე 1,6 მლნ. კვ. კმ. აკმადგინანს შელფური ჸინეფი).

ანტარქტიდაშ აბანდვალა
ანტარქტიდა

ანტარქტიდას მიოგორეს 1820 წანაშ 16 ღურთუთას (28 ღურთუთა), რუსეთიშ ექსპედიციაქ ფადეი ბელინსჰაუზენიშ დო მიხაილ ლაზარევიშ დუდალათ, ნამუეფქჷთ კონტინენტის 69°21′ ობჟ. გნ. 2°14′ ბჟად. გრ. კოორდინატეფწკჷმა მიახოლეს (თეჟამიანი ბელინსჰაუზენიშ ჸინამი შელფიშ რაიონს).

ანტარქტიდა ქვერსემი გოჸინილი კონტინენტი რე. თაქ ჩხოლეფიშ ხვალე მუდგაზმარენ გვარობას შეულებუ რინა. კონტინენტიშ წყარპიჯეფწკჷმა სელაპეფი დო პინგვინეფი ხენა, ოკიანე ჩხომით რე დიდარი. ჸინამ წყარს დიხაუჩაშ უდიდაში ჩხოლი, ლენი ვერშაპი გილანჩურუნს. ანტარქტიდას ირალი მახორუეფი ვა ჸუნს, მარა კანკალე მენცარი თაქ მუდგაზმარენი თუთაშ გოძვენას ოხორანს დო რკვიეფს ატარენს.

რესურსეფი ინტერნეტის რედაქტირაფა

 
ვიკიოწკარუეს? რე ხასჷლა თემაშენ: