თარ მენიუშა მიშულა

ობჟათეშ ოკიანე (თაშნეშე ანტარქტიკაშ ოკიანე) — წყარიშ ორენი, ნამუთ ანტარქტიდას ელმოლს ომძღჷნ. თე ოკიანე მოსოფელს სიდიდათ მაანთხა ოკიანე რე, თიში ხურგეფი არძაშე გვიან გითანჯჷ დო ოკიანეთ მოსოფელიშ ჰიდროგრაფიულ ორგანიზაციაქ (მჰო) ოფიციალურო ხვალე 2000 წანას იჩინჷ, თიშ უმკუჯინალო, ნამდა მეზუღე-მარკუალეფი თე ოკიანეს დიდი ხანიე თე ჯოხოთ მითმიშინუანდესჷნ (უმკუჯინალო კინე ტერმინ „ოკიანეშ“ შანულობასჷნ, ნამუთ შანენს კონტინენტეფოშქაშე წყარიშ მასივს). ობჟათეშ ოკიანეს აკა ობჟათე ამერიკაწკჷმა უღჷ საროტი, რჩქალი დო ატლანტიშ ოკიანეეფშე გიშართილიე პირობითი მა-60 პარალელიშ ობჟათეშე მადვალუ ნორთით.

დიხაუჩაშ ოკიანეეფი

გინოჭყვიდირშე იმოქმედჷ ოკიანოგრაფეფიშენი ოკიანეშ მალობეფიშ შანულობაშ ბოლო ბორჯიშ გეგორუეფქ. შხვა წყუეფით, თინეფს შქას ააშ-იშ ერუანული გეოგრაფიული ჯარალუა, ატლანტიშ, რჩქალი დო ინდოეთიშ ოკიანეეფიშ ხურგებს ალმახანაშა ანტარქტიკაშახ მიოჩქუნა. ფართობი — 20327000 კმ². ობჟათეშ ოკიანეშ არძაშე ღანჩო აბანიე ობჟათე სანდვიჩიშ რღამილი — 7235 მ.

ობჟათეშ ოკიანე

ზუღეფი ანტარქტიდაშ ელმოლსრედაქტირაფა

თელარა ობჟათეშ ოკიანესრედაქტირაფა

ჸინჩი კლიმატიშ უმკუჯინალო, ობჟათეშ ოკიანე თალარაშ გოფშა რე.

 
ობჟათეშ ოკიანეშ ქვინჯი მაკ-მიორდოშ საროტიშ რაიონს. სურათიშ უკახალე იძირებე ჸინიშ კირდე. სურათიშ წოხოლე — ზუღაშ ქვინჯიშ ფაუნაშ წუმმარინაფალეფი: მოლუსკეფი, ზუღაშ ზღაფურსხანეფი, ზუღაშ ლეჩქვეფი, ოფიურეფი

ობჟათეშ ოკიანეშ პოლარული დვალუაშ ჭყოლოფუათ, თაქ მკვეთრი შანულამი პირობეფიშ სეზონურ დინამიკაშ აბანიე - ჩხანაშ რადიაციშ ფოტოსინთეზიშო. თეჯგურა პირობეფს, ნთელ წანაშ განობას ფიტოპლანქტონეფიშ დიდი ამპლიტუდაშ მუდანობური თირუეფი დო ობჟათეშ ოკიანეშ ოორუეშე ბჟადალშა გოპეულეუაშ ზონეფიშ თირუეფი იძირებე, ოორუე ნორთის აფუნი ადრე იჭყაფუ, დო ობჟათეს - გვიანს. ობჟათე ოკიანეშ დაბალ განედეფს გოპეულუაშ პიკი ჟირშა გოვითარაფას ოჭიშუანს, დო მაღალს - ხვალო ართშა. ობჟათეშ ოკიანეშ ჟინპიჯიშ წყარეფს მკვეთრას გიმიხანტუაფუ ბიოლოგიური განედური ზონალობა. ოკიანეშ ქვინჯიშ მარინჯეფს თეჯგურა ზონალობა ვაუღჷნა, თიშენ ნამდა, თინეფიშ გოვითარაფას თარ როლს ლაჸაფენს ოკიანეშ ქვინჯიშ რელიეფი დო ბარიერეფი, ნამუთ ხეს ვაუნწყუნს ოკიანეშ ფლორა დო ფაუნაშ სიხვეიანესჷნ. ობჟათე ოკიანეშ ფიტოპლანქტონეფიშ მიარეფერუამობაშ შქას უმენტაშო დიატომური წყარჩანარეფი რე (დოხოლაფირო 180 სახეობა). ლენწვანე ჩანარეფს ოკიანეშ ქვინჯიშ ფლორაშ ჭიჭე ნორთი უკებჷ. თაშნეშე ობჟათეშ ოკიანეს, ზოოპლანქტონიშ, კრილეფიშ, ბრელ მუდანობაშ ზუღაშ ლეჩქვეფიშ დო ჩხინჭკანამეფიშ დიდი რესურსი უღჷ. თე ოკიანეს მუსხირენ ჩხომეფიშ ოჯახიშ სახეობა რე წუმმორინელი, გონსაკუთრაფილო ბრელიე ნოტოტენიაშობურეფი. ფურინჯეფშე ბრელი მუდანობათიე პინგვინეფი. ოკიანეს ხე ვეშაპეფი: (ლენი ვეშაპი, ფინვალი, სეივალი, პუხა ვეშაპი დო შხვეფი) დო სელაპეფი (უედელიშ სელაპი, ღაჭაჭიაჭკომია სელაპი, ზუღაშ ლეოპარდი, ზუღაშ ნჯილო)[1].

სქოლიორედაქტირაფა

რესურსეფი ინტერნეტისრედაქტირაფა


ოკიანეეფი
ოორუე ჸინუამი ოკიანე • ატლანტიშ ოკიანე • ინდოეთიშ ოკიანე • რჩქალი ოკიანე • ობჟათეშ ოკიანე