ანჯელო სეკი
ანჯელო სეკი (იტალ. Angelo Secchi; დ. 28 მანგი, 1818, რეჯო-ემილია, მოდენაშ დო რეჯოშ ოჰერცოგე — ღ. 26 ფურთუთა, 1878, რომი, იტალიაშ ომაფე) — იტალიარი კათოლიკე პაპა დო ასტრონომი, რომიშ კოლეჯიშ ობსერვატორიაშ ხემანჯღვერი 28 წანაშ გოძვენას, ასტრონომიული სპექტროსკოპიაშ პიონერი დო ართ-ართი მაართა მენცარი, ნამუთ ანტკიცენდჷ ნამდა ბჟა მურიცხი რე.
| ანჯელო სეკი | |
| იტალ. Angelo Secchi | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
ფურთუთა 26, 1878 (59 წანერი) |
| ღურაშ აბანი: | |
| მენოღალობა: | |
| ომენცარე სფერო: | |
| სამუშაშ აბანი : | |
| ალმა-მატერი: | |
| ჯილდოეფი დო პრემიეფი: |
ლონდონიშ ომაფე ჯარალუაშ ურცხოალი მაკათური (1856) |
_crowned.svg){kind=small}
გურაფულენდჷ იეზუიტეფიშ გიმნაზიას. უკულ გურაფა გაგინძორჷ რომიშ კოლეჯის. 1847 წანაშე რდჷ კათოლიკე პაპა. 1848 წანაშ რომიშ რევოლუციაშ უკულ, ოცხოვრებშა ბრიტანეთიშა მიდართჷ, სოდეთ სტონიჰერსტიშ კოლეჯიშა გემშართჷ. ჸათაქ სეკიქ გეჩინებაფუ სტონიჰერსტიშ ობსერვატორიაშ დირექტორი, იეზუიტი ასტრონომი ალფრედ უელდი, ნამუშ გოლინათ ასტრონომიული რკვიებეფით დეინტერესჷ. მალასჷთ სეკიქ ბრიტანეთიშე ამერიკაშა მიდართჷ დო მუშობა ჯორჯტაუნიშ უნივერსიტეტის ქიდიჭყჷ. სეკიქ იტალიაშა დირთჷ 1850 წანას. ფრანჩესკო დე ვიკოშ რეკომენდაციათ, სეკი ქჷდანიშნეს რომიშ კოლეჯიშ ობსერვატორიაშ დირექტორო. ჸათაქ თინა ღურაშახ მუშენდჷ.
ანჯელო სეკიქ მიოგორუ სუმი კომეტას, აკადგინჷ თუთაშ კრატერიშ კოპერნიკიშ ზუსტი რუკა, თაშნეშე აკადგინჷ მოროხიშ ფერადი ილუსტრაციეფი, ეჭარუ მოროხიშ ჟინპიჯიშ არხეფი. სეკიქ გიმირკვიუ ბჟაშ შანეფი, მიოგორუ ბჟაშ სპიკულეფს. 1860-1870-იან წანეფს სეკი ხემანჯღვერენდჷ ექსპედიციეფს, ნამუეფიშ ღანკი ბჟაშ გეუკუმელაფაშ რკვიება რდჷ.
ანჯელო სეკიშ ომენცარე ინტერესეფიშ სფერო რდჷ ასტრონომიული სპექტროსკოპია. თიქ გიმიგონჷ ჰელიოსპექტოგრაფი, მურიცხეფიშ სპექტოგრაფი დო ტელესპექტოგრაფი.
ანჯელო სეკიქ მიშეღჷ დიდი თია მურიცხეფიშ სპექტრიშ რკვიებაშა დო წჷმარინუ მურიცხეფიშ სპექტრული კლასიფიკაციაშ მუში ვერსია, ნამუსჷთ სეკიშ კლასიფიკაციას უძახჷნა. სეკიქ, მურიცხეფი სპექტრიშ მეჯინათ გორთუ ხუთი ტიპო. უკულიან პერიოდეფს სეკიშ კლასიფიკაცია დოთირუ ჰარვარდიშ სისტემაქ, მარა სეკიშ ჸათე კონტრიბუციას უღუდუ დიდი შანულობა ასტროფიზიკაშო, მუშენდა სეკი რდჷ მაართა მენცარი ნამუქჷთ დარსხუ მურიცხეფიშ კლასიფიკაციაშ პრინციპი.
სეკი თაშნეშე მოღალენდჷ ფიზიკას, ოკიანოლოგიას დო მეტეოროლოგიას. გიმიგონჷ სეკიშ დისკო დო მეტეოროგრაფი.