არტურ კორნბერგი
არტურ კორნბერგი (ინგლ. Arthur Kornberg; დ. 3 მელახი, 1918, ნიუ-იორკი, ააშ — ღ. 26 გჷმათუთა, 2007, სტენფორდი, კალიფორნია, ააშ) — ამერიკალი ბიოქიმიკოსი. ძირუ დო დიგურუ დნბშ ბიოლოგიური სინთეზიშ მექანიზმეფი. 1959 წანას გინოჩეს ნობელიშ პრემია ფიზიოლოგიაშ დო მედიცინაშ დარგის (სევერო ოჩოაწკჷმა ართო).
| არტურ კორნბერგი | |
| ინგლ. Arthur Kornberg | |
_-_restoration1.jpg) | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
გჷმათუთა 26, 2007 (89 წანერი) |
| ღურაშ აბანი: | |
| მენოღალობა: | |
| ომენცარე სფერო: | |
| სამუშაშ აბანი : |
სინთელუანობაშ ერუანული ინსტიტუტი |
| ალმა-მატერი: | |
| ჯოხოშინელი მოგურაფეეფი: | |
| ჯილდოეფი დო პრემიეფი: |
პოლ-ლუისიშ პრემია (1951) |
ბიოგრაფია რედაქტირაფა
არტურ კორნგბერგიქ დებადჷ 1918 წანაშ 3 მელახის, ნიუ-იორკის, ურიეფიშ ფანიას. არტურ კორნბერგი გურაფულენდჷ აბრაამ ლინკოლნიშ ჯოხონობაშ სკოლას, უკულ ნიუ-იორკიშ სიტი-კოლეჯის დო როჩესტერიშ უნივერსიტეტის, სოდეთ მიპალუ მედიცინაშ დოქტორიშ ხარისხი. გურაფაშ თებაშ უკულ რდჷ სტრონგ მემორიალ ჰოსპიტალიშ სტაჟიორი 1941-1942 წანეფს. არტურ კორნბერგი შხვადოშხვა ბორჯის მუშენდჷ სინთელუანობაშ ერუანულ ინსტიტუტის, ვაშინგტონიშ უნივერსიტეტის (სენტ-ლუისი) დო სტენფორდიშ უნივერსიტეტის. 1953 წანაშე კორნბერგი რდჷ პროფესორი დო მიკრობიოლოგიაშ დეპარტამენტიშ დირექტორი ვაშინგტონიშ უნივერსიტეტის (სენტ-ლუისი). 1959 წანაშე რდჷ პროფესორი დო ბიოქიმიაშ დეპარტამენტიშ დირექტორი სტენფორდიშ უნივერსიტეტის. კორნბერგიშ ინტერესეფიშ სფერო რდჷ: ბიოქიმია, ფერმენტეფიშ ქიმია, დნბ, დნბ-იშ რეპლიკაცია დო შხვეფი. 1956 წანას ვაშინგტონიშ უნივერსიტეტის (სენტ-ლუისი) კორნბერგიქ აკეთჷ დნბშ პოლიმერული ფერმენტიშ იზოლაცია, ნამუსით ამდღა დნბ-პოლიმერაზა I-ის უძახუნა. 1939 წანას კორნბერგიშ დიდაქ დუღურუ განგრენათ,ნაღველიშ ბუშტიშ ოპერაციაშ უკულ. განგრენაშ მიზეზი რდჷ სპორეფიშ ინფექცია. ჸათე ამბეშ უკულ კორნბერგიქ დეინტერესჷ სპორეფით დო დიჭყჷ სპორეფიშ დოგურაფა. კორნბერგი გურაფულენდჷ სპორეფიშ დნბს, რეპლიკაციაშ მექანიზმის დო ოინტერესჷდჷ მუჭო იჩუალუაფუდჷ დნბ სპორეფს დო მუჭო ორთუდჷ სპორა ახალ თოლეფიშ გენერაციას. არტურ კორნბერგი რდჷ ნობელიშ პრემიაშ, პოლ-ლუისიშ პრემიაშ, მენცარობაშ ერუანული მენდალიშ, გაირდნერიშ პრემიაშ დო შხვა პრემიეფიშ ლაურეატი. ღურჷ 2007 წანაშ 26 გჷმათუთას, სტენფორდის.
ნახანდეფი რედაქტირაფა
- "Germ Stories". University Science Books, 2007
- For the Love of Enzymes: The Odyssey of a Biochemist. Harvard University Press, Cambridge, MA, 1989
- The Golden Helix: Inside Biotech Ventures. University Science Books, 2002
- Enzymatic Synthesis of DNA, John Wiley & Sons, 1961
- DNA Synthesis, W. H. Freeman and Co., San Francisco, 1974
- DNA Replication, W. H. Freeman and Co., San Francisco, 1980
- DNA Replication (2nd Edition) ტანია ბეიკერიწკჷმა ართო., W. H. Freeman and Co., New York, 1992
პერსონალური რინა რედაქტირაფა
არტურ კორნბერგიშ მაართა ოსური რდჷ სილვი რუტ ლევი, ბიოქიმიკოსი. სილვი რუტი მონაწილენდჷ კორნბერგიშ მენცარულ ექსპერიმენტეფს. არტურს დო სილვის ჸუნდეს სუმი სკუა: როჯერ კორნბერგი, ტომას კორნბერგი დო კენეტ ენდრიუ კორნბერგი. როჯერ კორნბერგი რე სტენფორდიშ უნივერსიტეტიშ სტრუქტურული ბიოლოგიაშ პროფესორი დო 2006 წანაშ ნობელიშ პრემიაშ ლაურეატი ქიმიაშ დარგის. ტომას კორნბერგიქ ძირუ დო დიგურუ დნბ პოლიმერაზა II დო III 1970 წანას დო რე კალიფორნიაშ უნივერსიტეტიშ (სან-ფრანცისკო) პროფესორი. კენეტი რე არქიტექტორი დო დიზაინერი. სილვი კორნბერგიქ ღურუ 1986 წანას. არტურ კორნბერგიშ მაჟია ოსური რდჷ შარლენ უოლშ ლევერინგი. ლევერინგიქ ღურუ 1995 წანას. კორნბერგიშ მასმა ოსური, 1998 წანაშე, რდჷ კაროლინ ფრეი დიქსონი.
რესურსეფი ინტერნეტის რედაქტირაფა
- Stanford University page
- Obituary in The Independent. 3 November 2007.
- Obituary in The Times. 7 November 2007.
- Obituary in New York Times. October 28, 2007.
- The Arthur Kornberg Papers - Profiles in Science, National Library of Medicine
- Never A Dull Enzyme Autobiography by Arthur Kornberg, July 1989.
- Arthur Kornberg, Nobel Laureate and Towering Biomedical Scientist, Dies at 89
- National Academy of Sciences Biographical Memoir