აღიაღი თაშნეშე არღია (ლათ. Lutra lutra) — მახვამილაფარი ძუძუშმაწუალი ჩხოლარი კვინორიშობურეფიშ ფანიაშე. თიშ რსხულიშ სიგჷნძა რე 55-95 სმ, წინა — 6-10 კგ. კანკალეშა აღიაღიშ წონა 17 კგ-შახ ონჭუ. გაგაჩიშჸურე შქირუ ფერიშ რე, ქვარა ღილე, ვარჩხილიშფერი. გოფაჩილი რე ევროპას, აზიას დო ოორუე-ბჟადალ აფრიკას. საქორთუოს დახე ირდიხას აფხვადჷნა. ვერტიკალურო 2300 მ-შახ ონწჷ. გიშმაგორჷნს ტყაშ წყარმალუეფიშ წყარპიჯეფს, ძალამ მერკეთ ტობეფს. ჯგირო ნჩურუნს დო ჸვითუნს. ჭკომუნს ჩხომეფს, გორდეფს, წყარიშ მემინდორე ჭუკეფს, კიბოიაშნერეფს, ღვენწკეფს, მაფურინჯეეფს, თინეფიშ მართვეეფს. მაკება 8-10 მარას იგჷნძორებუ. 2 წანაშე ართშა ხანს სუმ ერჩქის. აღიაღიშ ბოწოწი ძალამ სქვამი დო გარზე რე.

ლიტერატურარედაქტირაფა