ახალი აბასთუმანი (ჯოღეჯიანიშ ენწერი)
ახალი აბასთუმანი, ჯოღეჯიანიშ ენწერი – ოფუტე საქორთუოს, სამარგალო-ჟიმოლენი შონეშ აკანიშ ზუგდიდიშ მუნიციპალიტეტის, ოდიშიშ რზენს, წყარმალუ ინგირწყარიშ კვარჩხანი ოძგაშეს, ზუღაშ დონეშე 110 მეტრა, ზუგდიდიშე 5 კმ. 2014 წანაშ[1] წანაშ ეჭარუაშ მუნაჩემეფით ოფუტეს ოხორანს 2084 ადამიერი.
| ოფუტე | |
|---|---|
| ახალი აბასთუმანი (ჯოღეჯიანიშ ენწერი) | |
| |
| ქიანა | საქორთუო |
| აკანი | სამარგალო-ჟიმოლენი შონე |
| მუნიციპალიტეტი | ზუგდიდიშ მუნიციპალიტეტი |
| ზუღაშ დონეშე | 110 მ |
| მახორობა | 2084 კოჩი 2014 |
| |
ოფუტეშ ისტორია
რედაქტირაფაახალბასთუმანს ობაღინაფალო ღმალიერი დო ინტერესუანი ისტორია უღჷ. ოფუტე იდვალუაფუ ობჟათე კავკაციაშ გვალეფიშ გოდჷკჷაფას. მუთუნი ბორჯის ბურილი ტყათ დოფორილი ოფუტე ღმალიეირი ჸოფე მიარეფერუანი ფაუნათ დო ფლორათ. ნოტყეფშე გჷშაკერძაფილო ბრელი ნოხვე ტყარი ღეჯეფი. წორეთ თაჸურეშე წჷმოდირთუ ართი ვერსიათ ოფუტეშ დაჭყაფუ ჯოხო ჯოღეჯიანი. მოშინაფილი ტყა დადიანეფიშ დორხველობას ჸოფე დო თინეფიში ოჸოროფული ოჯინური აბანი ჸოფე. ოფუტეშ მაართა მახორუ ბათა ჭკადუა რდჷ, ნამუსუთ ინგირიშ გინაჯინუს სუკის ისირით გინორთვილი ჯარგვალი ქიგუდგჷმჷ. უკული ოფუტეს ქჷდუხორელენა: თოდუეფი, ქობალიეფი, ჟვანიეფი, ფარცვანიეფი, ქარჩავეფი, ქადარიეფი. ოფუტეშ შქაბანიას კვირკველიაშ ოხვამე გეუკიდჷ, ჭყონიშ დო ცჷშ მურუეფშე დო ოეკლესიე რიტუალეფიშ შერსულება ქუდუჭყაფჷ. ირფელქ თექ შანულამი როლი ილაჸაფუ მუჭოთ კულტურულინ თეშ შურიელი რინაშოთ.
ოფუტეშ ისტორიას ქიმინჷნდეს ადამიერეფი, ნამუეფქუთ ღირსუანი თიამიშეღეს ოფუტეშ ეკონომიკური და კულტურული გოვითარაფაშ საქვარშა. ჸოფილი ჯოღეჯიანიშ ენწერი ამდღა ნოღაშ ტიპიშ მეჭედას დოხორინელი ოფუტე რე, ნამუქჷთ მიარე გოსოფური მამულისქუა ურდჷ ქიანას. ართ–ართი თინეფშეიანიე მაჟირა მოსოფელიშ ლჷმაშ გერგეზი გრიგოლ პეტრეშ სქი სხულუხია დო სოციალისტური ხანდაშ გერგეზი ვინარი გრიგოლიშ ცირასქუა სხულუხია.
ოფუტე ამდღა
რედაქტირაფათეჟამო დიდი ხანდა მითმეურს ოფუტეშ ინფრასტრუქტურაშ უკულნეშიანი გოვითარაფა დო რსულჸოფაშო. გიკიდჷ ხინჯეფქ წყარმალუ ინგირს, მალას დიჭყაფუ შარაშ ორეაბილიტაციე სამუშეფი. ოფუტეს წჷმოძინელო ფუნქციონირენს ომედიცინე ამბულატორია, მაღალკვალიფიციური კადრეფით, ბიბლიოთეკა, ზუგდიდიშ მუნიციპალიტეტიშ გამგეობაწკჷმა რენჯი ქორეოგრაფიული ანსამბლი ,,ცისკარი“. მალას დიჭყაფუ ოფუტეშ ტერიტორიაშ გაზიფიცირაფა.
ოფუტეს ფუნქციონირენს ბაღი (25 ბაღანა), თაშნეშე კომპიუტერული ტექნიკათ გონწყილი სკოლა (300 მოგურაფე).
გჷმორინაფილი ლიტერატურა
რედაქტირაფაზუგდიდიშ მუნიციპალიტეტიშ გამგეობაშ ვებ-ხასჷლა Archived 2013-04-11 ვებ-ხასჷლას Wayback Machine.
სქოლიო
რედაქტირაფა- ↑ მოსახლეობის საყოველთაო აღწერა 2014. საქართველოს სტატისტიკის ეროვნული სამსახური (ნოემბერი 2014). კითხირიშ თარიღი: 7 ნოემბერი, 2016.