ბარდონი

ბარდონი თაშნეშე ბარდი (ლათ. Pisum) — ართწანიანი დო მიარეწანიანი ჩანარიშ გვარი პოპოქიშობურეფიშ ფანიაშე. გვარს აკოართიანაფილი რე 6-7 გვარობა. კულტურას ფართას რე გოფაჩილი რჩქვანელობური ბარდონი (Pisum sativum), ნამუთ ართწანიანი ოაფუნე ვარდა ოდამორჩილე ჩანარი რე. ბარდონს 30-180 სმ-შახ სიმაღალაშ ღერი უღუ, ფურცელი ჭკობასუალამიშობური რე, პიოლი ჩე, მუშითმატვერე.

ნოსქვიშე ცხალუაშ უკული ივითარებუ პოპოქი, ირ პოპოქის 3-11 ტაბაცა ვარდა პუჭკონილი შხვადოშხვა ფერიშ თასი რე. ჯგირო ხარენს ობაღე ავიაციაშ დო დაღარი ბჟე ვარდა ნეიტრალური რეაქციაშ დიხაჭაბუამ დიხას.

ბარდონ კულინარიას გჷმირინუანა, აკეთენა ღარღილს, ქვირს, კონსერვს დო შხვა. ბარდონიშ ოჭკომალი ჯიშეფი ჩხოლარეფშოთ მოჸუნა. ბარდონიშ ოდაბადეთ ბჟაეიოლი ავღანეთი დო ოორუე-ბჟადალი ინდოეთი იკოროცხუ. საქორთუოს მოჸუნა უმენტაშო მაღალგვალამ რეგიონეს (ჯავახეთი, მესხეთი, თრიალეთი, თუდოლენი იმერეთიშ კანკალე აბანს დო შხვა). დორაიონაფილი ჯიში რე ახალქალაქური ბარდონი.

ლიტერატურა

• ქორთული სხუნუეფიშ ენციკლოპედია, ტ. 2, ხს. 206, ქართი, 1977 წანა.