ბასილისკოსი (ბიზანტია)

ბასილისკოსი (ლათ.: Flavius Basiliscus, უჩნ.- ზოთონჯი 476 / 477) — ბჟაეიოლ რომიშ იმპერატორი 475-476 წანეფს. ლეონ I-აშ ოხორასქილი. ხვისტაშა ეშართჷ იმპერატორ ზენონიშ ხვისტაშე გითორაგვაფაშ უკული. ხვისტაშა ეშულას საეგებიოთ ოხვარუდჷ დორხველი და, იმპერატორ ლეონ I-იშ რქვილი, ვერინა.

ბასილისკოსი
Flavius Basiliscus
ბასილისკოსიშ ამნახანტი სოლიდუსის
ბიზანტიაშ იმპერიაშ იმპერატორი
დუდალ. დაჭყაფუ:	9 ღურთუთა, 475
დუდალ. დათებუ:	მარაშინათუთა, 476
წიმოხონი:	ზენონი
მონძე:	ზენონი
დაბ. თარიღი:
ღურ. თარიღი:	ზოთონჯი 476/477
ღურ. აბანი:	კაპადოკია
დინასტია:	ლეონიდეფიშ (თრაკიული)
რელიგია:	მართმადიდებელობა

ბასილისკოსიშ მართუალაქ დუდშეხე გჷმიჭანუ კათაშ გოღვინჯინაფა. თიშ გეშა, ნამჷ-და ზენონქ, რტინაშის, მიხუჯჷ იმპერიაშ ხაზნაშ ღალა. ბასილისკოსიქ აძვილებურქ იჸუ მუძინუდუკო გინაგაფუეფშა. თეს ქეგიაძინჷ გოიღვინჯინაფაშ დორხველი დაშე, ვერინაშეთ. მუჭოთ რაგადანა, თიშ შქურინით, ნამჷ-და ხვისტას ვაცილებედკონ, ღურათ დასაჯჷ თიში შურიმშინე.

კათაშ გოღვინჯინაფა გაუფრაშჷ, თიქ, ნამჷ-და ბასილისკოსქ გიშაშქჷ ედიქტი, ნამუშჷთ გოუქვიფალო გეგმაცხადჷ 451 წანაშ ქალკედონიშ მა-4 ოხვამური კათუაშ გინოჭყვიდირეფი დო ნებეფს აკადგინჷ მონოფიზიტი დუდპაპეფი. თე ირფელიშ უკული, მართუალაშ 20 თუთაშ უკული, ინტრიგეფიშ დო აკორაგადიშ, ხარჯიშა, გითორაგვაფილქ იჸუ ხვისტაშე ზენონიშით. ფანიაწკჷმა ართო გეგნახორეს დო გეგმოკილჷ კაპადოკიაშ ართ-ართ ჯიხაზურგას, სოდე შქირენით გოჭყორხდეს. თიში მართუალაშ ბორჯის, 476 წანას, კონსტანტინოპოლიშ ოჯარალე ბიბლიოთეკას (დორსხუაფილი რდჷ იმპერატორ იულიანე განელიშით) გორჩქინელჷ ბარბანჩია დაჩქირქ, ქეიკიბირჷ 120000-შახ ხენაჭარა.

ლიტერატურა

• ვ. ასათიანი, „ბიზანტიური ცივილიზაცია“, თბ., 2006 წელი. გვ. 479

წიმოხონი: ზენონი

ბიზანტიაშ იმპერატორი 474- 475

გეჸვენჯი: ზენონი