თარ მენიუშა მიშულა

ბატატი, გემუანი კარტოფილი (ლათ. Ipomoea batatas) — აბილილიშ გვარიშ კვირკვილამი ჩანარი დიხაშ ცურუშობურეფიშ ფანიაშე. ტროპიკულ ქიანეფს მოჸუნა მიარეწანამი, სუბტროპიკულს — ართწანამი კულტურათ. ბატატის 1—5 მ სიგჷრძაშ ოხოხია ღერი უღუ, ფურცელი ნთელუამი დო თოთიშურო რე დორთილი. პიორი ვარდიშფერი ვარდა ჩე. გუმნაღელი ოთხასამი კოლოფი რე. ბატატიშ ჯინჯეფი ვეგეტაციაშ თებაშ ბორჯის წჷმოქიმინუნს შხვადოშხვა ფორმაშ დო ფერიშ კვირკვილს, ნამუთ მონდინაფაშ ბორჯის იკათუანს 24—28% ცაცლაბის დო შანქარს. კვირკვილი იწონუ 200 გ-შე 3 კგ-შახ. ბატატიშ ოდაბადე რე მექსიკა დო ცენტრალური ამერიკა. ფართოთ რე გოფაჩილი ინდოეთის, ინდონეზიას, ჩინეთის, იაპონიას, ესპანეთის, იტალიას დო ააშ-ს. თაშნეშე მოჸუნა თურქმენეთის დო საქორთუოს — ხვალე ოცადებელჷ მუნაკვათეფს. ბატატიშ კვარკვილს ოჭკომალო გიმირინუაფუ, აკეთენა კონსერვს, ქვირს, ცაცლაბის, მაჭარს, დიხაშჟინი ნორთი ჩხოლარიშ ოჩამალო საუჯგუშო რე.

წარმებარედაქტირაფა

8 ლიდერი ქიანა ბატატიშ წარმებათ — 2011
ქიანა ბატატიშ მილიონობათ ტონა
  ჩინეთი 81.7
  უგანდა 2.8
  ნიგერია 2.8
  ინდონეზია 2.0
  ტანზანია 1.4
  ვიეტნამი 1.3
  ინდოეთი 1.1
  ააშ 1.0

ლიტერატურარედაქტირაფა