ბაღჷრე (ლათ. Passer) — მაფურინჯეეფიშ გვარი ბაღჷრეშობურეფიშ რანწკიშე. მუსხირენი გვარობა სინანთროპული რე. ჭკომჷნა ბწკარეულობას, ბუბუ ბარტყეფს ჭანდეფს ჩანა. გვარს გოართოიანაფილი რე 16 გვარობა. დოხორელ პუნქტეფს (ოორუეშ დო ნორთობურო შორიშ ბჟაეიოლიშ მოხ) გოფაჩილი რე ჸუდეშ ბაღჷრე (Passer domesticus), ნამუთ კანკალე აბანს, გიშაკერძაფილო ობჟათეშე, გორკვიაფილ ზარალს მეთმიორინუანს ბწკარამ კულტურეფს, გინმუღჷ შხვადოშხვა მანებელეფი დო ჸუდეშ მაფურინჯეეფიშ ლახარეფიშ გჷმმაჭანალეფი. ფართას რე გოფაჩილი მინდორიშ ბაღჷრე (Passer montanus). უმენტაშო ჭკომუნს ჭანდეფს დო ზვერი ჩანარეფიშ თასეფს, ნამუშით ძალამი სარგებელი მოუღუ ოფუტეშ მეურნობაშო, მორო კანკალეშა ბწკარეულიშ ნათასეფს გავალს მეთმიორინუანს. მორჩილ აზიას დიდი მუდანობათ რე ესპანური ანუ უჩაგურიში ბაღჷრე (Passer hispaniolensis), ნამუთ მოლენკავკაციას ხოლო მუთმოფხვადჷნა.
