ბაშმალა სუბტროპიკული, იაპონური ცქუმუნტური, ლოქვა (ლათ. Eriobotrya japonica) — იროწვანე სუბტროპიკული ჯა ვარდა ბართვი ვარდიშობურეფიშ ფანიაშე. ჩანარი 6-8, ოშა-გოშათ 9 მ სიმაღალაშახ ირდუ. ჩანარიშ გუმნაღელი რგვალი რე (დიამეტრი — 3 სმ-შახ, კულტურული ფორმაშ — 10 სმ-შახ), ოვალური ვარდა სხულიშნერი ფორმა უღუ, წვენამი რე, მობჟე-გემუანი; ნარინჯიშფერი ვარდა ჸვინთელი რე. ჩანარი მოჸუნა კავკაციაშ უჩა ზუღაშ წყარპიჯის დო ყირიმიშ ობჟათე რაიონეფს, თაშნეშე შქა აზიაშ კანკალე რაიონს. ჩანარი პირანს გერგობათუთა-ქირსეთუთას, გუმნაღელი მონდიდუ მეს-მანგის. ჩანარს გჷმირინუანა ლადირო დო გჷნომუშებულო (კომპოტი, მურაბა დო შხვა), თასშე აკეთენა ყავაშ სუროგატის. ბაშალა სუბტროპიკული ჯგირი დეკორატიული ჩანარი რე. იმიარებუ თასით დო ჸონუათ.
