ბერნარდო ბერტოლუჩი
ბერნარდო ბერტოლუჩი (დ. 16 მელახი, 1941, პარმა) — იტალიარი კინორეჟისორი დო ჭარუ. ააშ–შ კინოაკადემიაშ პრემია ოსკარიშ მაღვენი ფილმიშო „ეკონია იმპერატორი“.
| ბერნარდო ბერტოლუჩი | |
 | |
| მოღალობა | |
|---|---|
|
ბიოგრაფიული ჩინებეფი
| |
| დაბადებაშ თარიღი | |
| დაბადებაშ აბანი | |
| მენოღალობა |
1962-ამდღარშა |
| მუმა |
ატილო ბერტოლუჩი (1911-2000) |
| ნანა |
ნინეტა ჯიოვანარდი |
| ალმასქუ |
ადრიანა ასტი (დათხი.) |
| ჯილდოეფი: | |
ბიოგრაფია
რედაქტირაფაბაღანობა დო ფანია
რედაქტირაფაბერნარდო ბერტოლუჩიქ დებადჷ იტალიაშ ნოღა პარმას, ემილია რომანიაშ რეგიონს. მუამუში, ატილიო, რდჷ ხელუანებაშ ისტორიკოსი, პოეტი დო კინო კრიტიკოსი. ბერნარდოს უღუდჷ პროფესიულ ურთიართობა ჩინებული იტალიარ კინორეჟისორეფწკჷმა: პიერ პაოლო პაზოლინწკჷმა დო სერჯო ლეონეწკჷმა. ლეონექ სცენარიშ ჭარუა თხუ ახალი ბერნარდოს, მარა უკული დიწონჷ გორკვიაფილი სამანჯელეფიშ გურშენ.
ბერტოლუჩის ჸუნს ართი ჯიმა, თეატრიშ დირექტორი დო დრამატურგი ჯუზეპე. ბერტოლუჩიშ მაართა ჩილი რდჷ ადრიანა ასტი, ნამჷთ ოკათუდჷ მუში ორდოიანი ფილმის „რევოლუციაშ წოხოლე“. 1978 წანას ოსურო მიჸონჷ კლერ პეპლოუ, ბრიტანალი სცენარისტი.
მაართა ფილმი
რედაქტირაფა1962 წანას თიქ ქჷდიტუ უნივერსიტეტი დო თიმ წანას გჷნიღჷ მუში მაართა ფილმი „La Commare Secca“. ფილმი ჯუაშ ჸვილუაშ გეშა. ათეში უკული თიქ გჷნიღჷ ფილმი „რევოლუციაშ წოხოლე“ (1964), ნამჷთ ძამი ჯგირო მიღჷ კინო კრიტიკაქ.
კინოაკადემიაშ ჯილდო
რედაქტირაფა1987 წანას ბერნარდო ბერტოლუჩიქ გინიღჷ ფილმი „ეკონია იმპერატორი“, ბიოგრაფიული ფილმი ჩინეთიშ ეკონია იმპერატორიშ პუ იშ გეშა. ათე ფილმი ოსკარეფიშ გინოჩამაშ ცერემონიალს დეჯილდუ თი ჩხორო პრიზით, ნამუსჷთ წჷმორინაფილი რდჷ: საუჯგუშო ფილმი, საუჯგუშო რეჟისორი, საუჯგუშო ადაპტირაფილი სცენარი, საუჯგუშო ოპერატორული ნახანდი, საუჯგუშო მონტაჟი, საუჯგუშო კოსტუმეფიშ დიზაინი, საუჯგუშო ხანტურული გოფორმაფა, საუჯგუშო ორიგინალური მუსიკა, საუჯგუშო ხონარიშ ეფექტეფი.
ფილმოგრაფია
რედაქტირაფა- 1962 - კვარზალუა (La commare secca)
- 1964 - რევოლუციაშ წოხოლე (Prima della rivoluzione)
- 1965 - ნავთობიშ შარათ (La via del petrolio)
- 1966 - არხი (Il canale)
- 1968 - პარტნიორი (Partner)
- 1969 - ჸოროფა დო რისხანება (Amore e rabbia)
- 1970 - კონფორმისტი, (Il conformista)
- 1970 - ბორბოლიაშ სტრატეგია (Strategia del ragno)
- 1973 - ეკონია ტანგო პარიზის (Ultimo tango a Parigi)
- 1976 - მაეჩა უკუნი (Novecento)
- 1979 - თუთა (La luna)
- 1981 - ოძიცე კოჩიშ ტრაგედია (La tragedia di un uomo ridicolo)
- 1987 - ეკონია იმპერატორი (The Last Emperor)
- 1990 - ცაშ ოფორი (The Sheltering Sky)
- 1993 - ჭიჭე ბუდა (Little Buddha)
- 1996 - გოდინელი სისქვამე (Stealing Beauty)
- 1998 - ქართა (Besieged)
- 2002 - ვითი წუნით გვიანო: ჩელო (Ten Minutes Older: The Cello)
- 2003 - ორცებუანეფი (The Dreamers)
- 2012 - მა დო სი (Me and You)
რესურსეფი ინტერნეტის
რედაქტირაფა- ბერნარდო ბერტოლუჩი — კინოფილმეფიშ ინტერნეტ მუნაჩემეფიშ ბაზას (ინგლისური)
- Ebiri, Bilge (September 2004). Bernardo Bertolucci. Senses of Cinema: Great Directors Critical Database.