ბიულენთ ეჯევითი
მუსტაფა ბიულენთ ეჯევითი (თურქ. Mustafa Bülent Ecevit; დ. 28 მესი, 1925 — ღ. 5 გერგობათუთა, 2006) — თურქი პოლიტიკოსი, სახენწჷფო მოღალე, მენცარი, პოეტი, ჭარუ დო ჟურნალისტი, თურქეთიშ პრემიერ-მინისტრი 1974, 1977, 1978-1979 დო 1999-2002 წანეფს.
| ბიულენთ ეჯევითი Bülent Ecevit | ||
 ეჯევითი 2000 წანას | ||
| თურქეთიშ მა-16 პრემიერ-მინისტრი | ||
|---|---|---|
| პოსტის გერინაშ ბორჯი | ||
| 11 ღურთუთა, 1999 – 18 გერგობათუთა, 2002 | ||
| პრეზიდენტი | სულეიმან დემირელი აჰმეთ ნეჯდეთ სეზერი | |
| წიმოხონი | მესუთ ილმაზი | |
| მონძე | აბდულა გიული | |
| პოსტის გერინაშ ბორჯი | ||
| 5 ღურთუთა, 1978 – 12 გერგობათუთა, 1979 | ||
| პრეზიდენტი | ფაჰრი კორუთურქი | |
| წიმოხონი | სულეიმან დემირელი | |
| მონძე | სულეიმან დემირელი | |
| პოსტის გერინაშ ბორჯი | ||
| 21 მანგი, 1977 – 21 კვირკვე, 1977 | ||
| პრეზიდენტი | ფაჰრი კორუთურქი | |
| წიმოხონი | სულეიმან დემირელი | |
| მონძე | სულეიმან დემირელი | |
| პოსტის გერინაშ ბორჯი | ||
| 26 ღურთუთა, 1974 – 17 გერგობათუთა, 1974 | ||
| პრეზიდენტი | ფაჰრი კორუთურქი | |
| წიმოხონი | ნაიმ თალუ | |
| მონძე | სადი ირმაკი | |
| დუნაბადი | 28 მესი, 1925 სტამბოლი, თურქეთი | |
| ნაღურა | 5 გერგობათუთა, 2006 (81 წანერი) ანკარა, თურქეთი | |
| ნთხორუ აბანი | თურქეთიშ სახენწჷფო სასაფლა | |
| მენოღალობა |  თურქეთი | |
| პოლიტიკური პარტია | ოკათე რესპუბლიკური პარტია (1943-1980) დემოკრატიული მეკვარჩხანე პარტია (1985-2006) | |
| მუმა | ფაჰრი ეჯევითი | |
| ნანა | ნაზლი ეჯევითი | |
| ალმასქუ | რაჰშან ეჯევითი | |
| გონათაფა | რობერტიშ კოლეჯი ლონდონიშ უნივერსიტეტიშ ბჟაეიოლმარჩქინჯალაშ დო აფრიკანისტიკაშ სკოლა | |
| საქვარუა | პოლიტიკოსი, სახენწჷფო მოღალე, მენცარი, პოეტი, ჭარუ, ჟურნალისტი | |
| რელიგია | ისლამი | |
| ხეშმოჭარუა |  | |
ეჯევითი გურაფულენდჷ სტამბოლიშ რობერტიშ კოლეჯის. გურაფაშ თებაშ უკულ მუშენდჷ თურქეთიშ საელჩოს, ლონდონს, 1946-1950 წანეფს. ჸათე ბორჯის ეჯევითი გურაფულენდჷ ლონდონიშ უნივერსიტეტიშ ბჟაეიოლმარჩქინჯალაშ დო აფრიკანისტიკაშ სკოლას. ანკარაშა დორთაშ უკულ, ეჯევითი მუშენდჷ გაზეთი "ულუსი"-შ ჟურნალისტო. ულუსი ქემალისტური ოკათე რესპუბლიკური პარტიაშ (ორპ) ოფიციალური ორგანო რდჷ.
1957 წანას, ეჯევითიქ გიშაგორილქ იჸუ ერუანული ასამბლეაშ მაკათურო. 1961-1965 წანეფს უკინებუდჷ ხანდაშ მინისტრიშ პოსტი. 1966 წანას გინირთჷ ორპ-შ გენერალური მელამოსეთ. 1972 წანას ეჯევითიქ ქიდეკინჷ ორპ-შ დუდმახვენჯიშ პოსტი დო ჟირი წანაშ უკულ გინირთჷ თურქეთიშ პრემიერ-მინისტრო. პრემიერ-მინისტრობაშ ბორჯის თიქ გეგმაცხადჷ ამნისტია პოლიტ-პატიმარეფიშო. ეჯევითიშ ინიციატივათ 1974 წანას თურქეთიშ ჯარეფქ კვიპროსიშა გემშეჭკირეს.
ეჯევითიქ ხოლო ჟირშა, 1977 დო 1978-1979 წანეფს აფორმირჷ თარობა. 1980 წანას მოხვალამირი ოურდუმე გინორთაშ უკულ, ეჯევითის პოლიტიკური კარიერაქ მიოტებელქ აჸუ. 1985 წანას, ეჯევითიშ ოსურქ, რაჰშანიქ დარსხუ დემოკრატიული მეკვარჩხანე პარტია (დმპ). 1987 წანას დმპ-შ ლიდერო ბიულენთ ეჯევითიქ გინირთჷ. 1999 წანაშ საპარლამენტო გიშაგორუეფიშ უკულ, გიჭყჷ დმპ-შ, ოდაბადეშ პარტიაშ დო ნაციონალისტური ჸარაფიშ პარტიაშ კოალიციური თარობაქ. თარობას დუდენდჷ ბიულენთ ეჯევითი. კოალიციური თარობაქ ატარჷ შხვადოშხვა შანულამი ეკონომიკური დო პოლიტიკური რეფორმეფი. თურქეთიქ ქიდიჭყჷ დახოლება ევროპაშ რსხუწკჷმა. 2002 წანას კოალიციური თარობაშე ნაციონალისტური ჸარაფიშ პარტიაშ გიშულალ უკულ, თარობაქ აკოცუ. 2002 წანაშ გიშაგორუეფს მარცხიშ უკულ, ეჯევითიქ პრემიერ-მინისტრიშ პოსტი ქიდიტუ. 2004 წანას თიქ პარტიაშ დუდმახვენჯიშ პოსტიშე ხოლო მიდართჷ.
ლიტერატურა
რედაქტირაფა
|
თე სტატია პოლიტიკური მოღალეშ გეშა დიოდღარო მერკე რე. თქვა შეგილებუნა ქუმმეხვარათ დო აკაფშათ თინა. |
|
თე სტატია თურქეთიშ დო თურქეფიშ გეშა დიოდღარო მერკე რე. თქვა შეგილებუნა ქუმმეხვარათ დო აკაფშათ თინა. |