თარ მენიუშა მიშულა

ბჟადალი საჰარა (ესპ. Sahara Occidental; წიმოხონი ჯოხოდვალა ესპანეთიშ საჰარა, ისტორიული ჯოხოდვალა: ვადი-ზაჰაბი (რიო-დე-ორო) — ,,ორქოშ წყარმალ" დო სეგიეტ-ელ-ჰამრა — ,,ჭითა ხჷრჷჩი") — ტერიტორია ოორუე-ბჟადალ აფრიკას, ნამუშ სამართლებურ სტატუსი დო სუვერენულობაშ ოკითხუ ასეშახ ვაგჷნოჭყვადელე დო კინე სხუნუაშ საგანიე. ბჟადალშე ელ-მოლს ომძღჷ ატლანტიშ ოკიანე. თიში მახურგე ქიანეფიე: ოორუეშე - მაროკო, ოორუე-ბჟაეიოლშე - ალჟირი, დო ობჟათე-ბჟაეიოლშე - მავრიტანია.

ბჟადალი საჰარა
الصحراء الغربية
ბჟადალი საჰარა
ნანანოღა
(დო უდიდაში ნოღა)
ელ-აიუნი
ოფიციალური ნინა(ეფი) არაბული
ფართობი
 -  გვალო 266,000 კმ2 (77-ა)
მახორობა
 -  2009 ფასებათ 513,000 (177)
 -  მეჭედალა 1.3 ად/კმ2 (228-ო)
ვალუტა მაროკოული დინარი (MAD)
ბორჯიშ ორტყაფუ UTC 0
ქიანაშ კოდი ESH
Internet TLD .ma (.eh დოჯაშთილი, მარა ვეგმირინუაფუ)
ოტელეფონე კოდი 212

ბჟადალი საჰარაშ ტერიტორია ვერგებე ოფუტეშ მეურნეობაშო, ჩხე სქირე კლიმატიშ, ქუალონაშ დო ქვიშამი დიხეფიშ გეშა. თეშ უმუჯინალო, აბანობური ჭყიშეფი ამრავლენა შხურეფს, თხალეფს დო არქემეფს. ბჟადალი საჰარაშ ტერიტორიას იდვალუადუ ფოსფატეფიშ დიდარი მადანი, გჷშაკერძაფილო ბუ-კრაას. მადანს ხანდაქ დიჭყჷ 1970-იანი წანეფს. მახორობა — 513 ვთშ. (ფასაფა 2009 წანათ), გჷშაკერძაფილო ბერბერეფი დო არაბეფი (საჰარავი).

რესურსეფი ინტერნეტისრედაქტირაფა