ბუხენვალდიშ საკონცეტრაციე კარე

ბუხენვალდი — გერმანალ ფაშისტეფიშ საკონცენტრაციე კარე, ნამუქჷთ აკიქიმინჷ 1937 წანას, ვაიმარიშ გოხოლუას. დუდმაართაშე ეტერსბერგი ჯოხოდჷ. 8 წანაშ გოძვენას ბუხენვალდიშ პატიმარი 239 000 კოჩი რდჷ. დიო გერმანალი ანტიფაშისტეფი, მაჟირა მოსოფელიშ ლჷმაშ წანეფს — შხვადოშხვა ერუანობაშ წჷმმარინაფალეფი. მიარე პატიმარქ დიო ხოლო ბუხენვალდიშ აკოგაფას დოღურჷ. თინეფს ექსპლუატაციას უწიენდეს ბუხენვალდიშ გოხოლუას მადვალი შხვა ორეწუალე ფირმეფიშ მაპალუეფი. ვაადამიერულ პიჯალეფქ, შქირენაქ, მონკა ხანდაქ დო ლახუაქ მასობური ღურალა გჷმიჭანუ გიშაკერზაფილო ბუხენვალდიშ ფილიალ „დორს“, სოდე აკეთენდეს ფურინჯ-ოჭუმინაფალეფს („ფაუ“). 10 000-შახ კოჩი, თინეფს შქას 8 500 სხუნუეფიშ ოურდუმე ჭკორეფი, ბუხენვალდის ღურათ დასაჯეს. გვალო გოჭყორდჷ 18 ერუანობაშ 56 000 პატიმარქ. 1944 წანაშ 18 მარაშინათუთას გერმანალეფქ დოჸვილეს ერნსტ ტელმანი. 1943 წანას აკიქიმინჷ კარეშ ოერეფოშქაშე კომიტეტიქ, ნამუსჷთ დუდენდჷ გერმანალი კომუნისტი ვ. ბარტელი. 1945 წანას ორგანიზაციას 178 ბუნა რდჷ. 1945 წანაშ 11 პირელს, ბუხენვალდიშ პატიმარეფქ საირიქანო პოლიტიკური ცენტრიშ დუდალათ ეიბუძოლეს დო კარე მოჯალაგეს. 1958 წანას ბუხენვალდის გინწყჷ მემორიალურ დგჷმილეფიშ კომპლექსიქ ბუხენვალდიშ ნაკიბირეფიშ დო გერგეზეფიშ უღურჸოფაშო.

ლიტერატურა

ქორთული სხუნუეფიშ ენციკლოპედია, ტ. 2, ხს. 596, ქართი, 1977 წანა.

გალერეა

კარეშ მინალი კარი
კრემატორიუმი
მემორიალი