გერმანალეფი (ნემეცეფი, ლემეცეფი) — ინდოევროპული ნინეფიშ ფანიაშ ბუნაშ კათა (გერმანულო Deutsche), გერმანიაშ ჯინჯი მახორუეფი (გვალო 80,6 მილიონი). გვალო მოსოფელს გერმანელეფიშ რიცხუ 90 მილიონს ოჭირინდუანს. არძაშე უდიდაში დიასპორეფი რე: ააშ-ს 5,1 მილიონი, კანადას 1,2 მილიონი, რუსეთის 843,000, ბრაზილიას 700,000, ყაზახეთის 958,000. გერმანალეფი ორხველჷნა ევროპეიდული რასაშ ატლანტურ-ბალტიურ ჸას. გერმანული ეთნოსიშ ჯინჯი ჯვეშგერმანული ტომეფი რენა - ფრანკეფი, საქსეფი, ბავარეფი, ალემანეფი დო შხვა.

გერმანულნინამი ოფირჩა ეევროპას

გერმანულნინამი ოქიანუ რედაქტირაფა

გერმანულნინამ ოქიანუს ედომუშამო, ვარ-და ნორთობურო იშენი აკადგინანს გეჸვენჯი ქიანეფი, ვარ-და ქიანეფიშ რეგიონეფი: ავსტრია, შვეიცარია, ლიხტენშტაინი, ბელგია, ლუქსემბურგი, ობჟათე ტიროლი.

ნინა დო ერუანობა რედაქტირაფა

გერმანალი კათაშ ოდაბადური ნინა რე გერმანული. გერმანული ნინა ოდაბადური ნინა რე ავსტრიაშ, შვეიცარიაშ დო ლიხტენშტაინიშ მახორუეფშო, მარა თე კათეფი ოფიციალურო ვეკოროცხუნა გერმანალეფო. თიშენ, ნამდა გერმანიაშ ფედერაციული რესპუბლიკაშ მენოღალობა ვა უღჷნა.

გერმანალეფიშ ეთნოგენეზი რედაქტირაფა

გერმანალეფიშ ეთნიკურ-კულტურული ართამობაშ იდეაქ XVIII-XIX ოშწანურეფს გორჩქინდჷ რელიგიურო, ეთნიკურო დო კულტურულო შხვადოშხვანერ გერმანიას, მარა ტერმინი გერმანალი („დოიჩი“) უმოსი ჯვეში რე.

გერმანალეფი ქირსიანულ რელიგიას მეთხოზჷნა (უმოსო რენა კათოლიკეფი დო პროტესტანტეფი).