გაგაჩიშ ტვინი

გაგაჩიშ ტვინი (ლათ. medulla spinalis) — გაგაჩამეფიშ ცენტრალურ ნერვულ სისტემაშ ორგანო, ნამუთ იდვალუაფუ გაგაჩიშ არხის. მეღებული რე იკოროცხუდას, ნამჷ-და გაგაჩიშ დო დუდიშ ტვინიშ შქას ხურგი გინმურს პირამიდული ინჭკეფიშ გინოკვათუაშ დონეს (მარა თე ხურგი პიჯული რე). გაგაჩიშ ტვინიშ დინოხოლე რე ხვერელე, ნამუსჷთ ჯოხო ცენტრალური არხი (ლათ. canalis centralis). გაგაჩიშ ტვინი თხილერი რე ტვინიშ ქექე, ბონდღილი დო ჸონიერ დაცხეფით. გაგაჩიშ ტვინიშ არხიშ დო დაცხეფს შქას ოფირჩა გოფშაფილი რე გაგაჩიშ ტვინიშ სითხათ. გაგაჩიშ ტვინიშ გალენი ჸონიერი დაცხიშ დო მალეფიშ ჸვილეფიშ შქას დვალირ ოფირჩაშა ეპიდურალური უჯოხონა დო გოფშაფილი რე ციმუამ რშვილით დო ვენური ნორშვით.