გერგობა

გერგობა — ქირსიანული ჯეგეშ, გერგი კაპადოკიარიშ ჯოხოდვალაშ დღალობა. ოხვამერი კალენდარიშ მეჯინათ, ეიშანუაფუ 23 პირელს (ახ. სტილით 6 მესი) დო 10 გერგობათუთას (ახ. სტილით 23 გერგობათუთა). ოკათური გერგობა შხვადოშხვა აბანს შხვადოშხვა ჯოხოდვალათ იტარებუაფუდჷ: ქართლის — გერისთობა, უსანეთობა, ატოცობა; კახეთის — ალავერდობა, ჩე გერგობა; სამარგალოს — ილორობა დო შხვა.

გერგობა
ჯეგე გერგი
ტიპი	ქირსიანული
შხვანერო	გერგობა
შანულობა	ჯეგეშ დღახუ
იშინუანა	ქორთუ ქირსიანი მართლმადიდებელეფი
თარიღი	23 პირელს (ახ. სტილით 6 მესი) დო 10 გერგობათუთას (ახ. სტილით 23 გერგობათუთა)
ზეიმობა	ტრადიციული ღორონთიშნინალა ჯეგე გერგიშ პატიოცემელო

ოკათე ლეგენდა

საქორთუოს არსებენდჷ ჯეგე გერგიშ ჯოხოდვალაშ 363 ოხიდა დო გიმახვამალი (ლეგენდაშ მეჯინათ, წმ. გერგიშ ღურაშ უკული ღორონთქ თიში რსხული დორთუ დო ქიანას აკოფაჩჷ. ირდიხას, სოდე თიშ ნორთეფქ მოხვადუნ, გიმახვამალეფი დაწესეს).

ოკათრ რიტუალეფი

აწყურიშ ჩე გერგიშ ოხვამე

კახეთის 14 მარაშინათუთას ინწყუაფუდჷ აწყურიშ ჩე გერგიშ ოხვამე დღალობა: კათა სუმშა დო შკვითშა მუკულუანდჷ გოლუანს, ბუნა დიდებას ღურჭულანდჷ. ოხვამეშ ოზეს სხაპუნდეს ჩეთ მონწყილი „ხატიშ ჭკორეფი“. კანკალე ხატიშ ურემეფს დო მონკა ჯაჭვით დოხარგელი ჩოქუათ მულუანდჷ ოხიდას დო კირდეს ერზამილჷ სანთელს მიკმაჭაბანდჷ. კარიშ მინალწკჷმა გითმინჯირუდჷ „ხატიშ ჭკორი“, ნამუსჷთ არძა მინმაულარი კუჩხის გითმიობიჯგუანდჷ. წირუაშ უკული იჸვილუაფუდჷ შინაწირა ჩხოლარი, მაფურინჯე, ინწყუაფუდჷ შუმა-ჭკომუა, ნამუთ შხირას მუსხირენ დღას იგჷნძორებუდჷ.

სამარგალოს, სუჯუნაშ ოხიდას, 23 პირელიშ სერს ოტახაფუანდეს საპატიო კოჩის, ნამუთ მაჟირა ოჭმარეს ჯეგეშ „ნებას“ ოჩინებაფუანდჷ ოხიდაწკჷმა აკოშაყარელ მორწუმეეფს.

ლიტერატურა

• სურგულაძე ი., ქსე, ტ. 3, გვ. 166, თბ., 1978
• ჯავახიშვილი ივ., ქართველი ერის ისტორია, წგნ. 1, თბ., 1960
• Чурсин Г. Ф. Народные обычаи и верования Кахетии, Тфл., 1905