ოხიდა

ოხიდა — საკულტე დგჷმილი ღორონთიშნინალაშ დო რელიგიუ წეს-რჩქვანელობეფიშ ორსულებერო. ოხიდაშ სახე დო თიშ გოვითარაფაშ ისტორია გოპიჯაფილი რე ვახვალე საკულტე მოთხირობეფით, ვარინ შხვადოშხვა კათაშ დო ქიანაშ არქიტექტურაშ დო ოაკოგაფე ტექნიკაშ გოვითარაფაშ დონეთ დო ომანგეთ მანჯენს გჷმოხანტილ ერუანულ ხასიათის.

ჯვეშ ქორთულ ძეგლეფს ოხიდა მუთმოფხვადჷნა მუჭოთ ღორონთიშ ჸუდეშ, ოხვამურ ჸუდეშ (ოხვამე), თეშ ღორონთიშ (მაფა, თარი) რეზიდენციაშ, დოხორეშ, შანულობათ. კინ თე შანულობათ გჷმირინუაფუ — ოზქო, პალატი, დარბაზი, დოხორე, დგიმი. მაფაშ ვარდა თარიშ დოხორეწკჷმა რდჷ იროიანი მარენჯი ოურდუმე-ომეურნე მანინალე პიჯეფიშ შტატი — ოხიდული.

ლიტერატურა

• ჩხატარაიშვილი ქ., ქორთული სხუნუეფიშ ენციკლოპედია, ტ. 9, ხს. 671, ქართი, 1985 წანა.