გერტრუდ ელიონი
გერტრუდ ბელ ელიონი (ინგლ. Gertrude Belle Elion; დ. 23 ღურთუთა, 1918, ნიუ-იორკი, ააშ — ღ. 21 ფურთუთა, 1999, ჩაპელ-ჰილი, ოორუე კაროლინა, ააშ) — ამერიკალი ბიოქიმიკოსი დო ფარმაკოლოგი, ნობელიშ პრემიაშ ლაურეატი ფიზიოლოგიაშ დო მედიცინაშ დარგის (ჯორჯ ჰითჩინგსი დო ჯეიმს ბლეკიწკჷმა ართო). გერტრუდ ელიონიშ ინოვაციურ მეთოდეფით გიმიგონეს შხვადოშხვა ახალი მედიკამენტი: იმუნოსურპრესორი აზატიოპრინი, ნამუთ გიმირინუაფჷ ორგანოეფიშ ტრანსპლანტაციაშ ბორჯის, ანტივირუსული მედიკამენტი აციკლოვირი, გიმირინუაფჷ ჰერპესიშ ინფექციაშ კურნალობაშო დო ზიდოვუდინი (AZT), გიმირინუაფჷ შიდსის კურნალობაშო.
| გერტრუდ ბელ ელიონი | |
| ინგლ. Gertrude Belle Elion | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
ფურთუთა 21, 1999 (81 წანერი) |
| ღურაშ აბანი: | |
| მენოღალობა: | |
| ომენცარე სფერო: | |
| სამუშაშ აბანი : | |
| ალმა-მატერი: | |
| ჯილდოეფი დო პრემიეფი: |
გარვან-ოლინიშ მენდალი (1968) |
ბიოგრაფია
რედაქტირაფაგერტრუდ ელიონქ დებადჷ ნიუ-იორკის, 1918 წანაშ 23 ღურთუთას, რობერტ ელიონიშ, ლატვიარი ურიაშ დო ბერტა კოენიშ, პოლონარი ურიაშ ფანიას. 15 წანერ ჸოფე გერტრუდი, ბაბუ ღურუნ, კუჭიშ კიბოთ. ჸათე პერიოდშე გინუჭყვიდჷ გერტრუდის მედიცინაშ გურაფა. გურაფულენდჷ ჰანტერიშ კოლეჯის დო ნიუ-იორკიშ უნივერსიტეტის. გურაფაშ თებაშ უკულ გერტრუდ ელიონი მუშენდჷ ონკოლოგიაშ ერუანულ ცენტრის, ამერიკაშ ონკოლოგიურ ასოციაციას, ჭყანთხილუაშ მოსოფელიშ ორგანიზაციას. 1971-1999 წანეფს ელიონი რდჷ დიუკიშ უნივერსიტეტიშ ფარმაკოლოგიაშ პროფესორი. გერტრუდ ელიონიშ ნახანდეფით დო ექსპერიმენტეფშა გერსხილ მეთოდეფით რე გიმოგონებული შხვადოშხვა მედიკამენტეფი: მერკაპტოპურინი, ალოპურინოლი, აზატიოპრინი, პირიმეტამინი, ტრიმეტოპრიმი, აციკლოვირი, ნელარაბინი.
პერსონალური რინა
რედაქტირაფაგერტრუდ ელიონქ ჰანტერიშ კოლეჯიშ თებაშ უკულ, შეხვადუ ნიუ-იორკ-სიტი კოლეჯიშ სტატისტიკაშ სპეციალობაშ სტუდენტის ლეონარდ კანტერს. გერტრუდი დო ლეონარდი ჸოროფილეფ რდეს, მარა 1941 წანაშ 25 ღურთუთას, ლეონარდიქ დოღურჷ ინფექციური ენდოკარდიტით. ლეონარდიშ ღურაშ უკულ, გერტრუდი ვართ გათხუებე დო ვართ სკუა ჸუნდუ. გერტრუდ ელიონიშ ჰობი რდჷ მუსიკა, ოპერა დო ბალეტი. ღურჷ 1999 წანაშ 21 ფურთუთას, 81 წანერქ, ოორუე კაროლინაშ ნოღა ჩაპელ-ჰილის.
ლიტერატურა
რედაქტირაფა- (2004) Gertrude Elion : Nobel prize winner in physiology and medicine, 1st, Rosen Pub. Group. ISBN 9780823938766. OCLC 50285519.
- Mary Ellen Avery Gertrude Elion National Academy of Sciences Biographical Memoirs, VOLUME 78, 2000 BY NATIONAL ACADEMY PRESS WASHINGTON, D.C
რესურსეფი ინტერნეტის
რედაქტირაფა
