ჯორჯ ჰითჩინგსი
ჯორჯ ჰერბერტ ჰითჩინგსი (ინგლ. George Herbert Hitchings; დ. 18 პირელი, 1905, ჰოკიემი, ვაშინგტონი, ააშ — ღ. 27 ფურთუთა, 1998, ჩაპელ-ჰილი, ოორუე კაროლინა, ააშ) — ამერიკალი ექიმი დო მედიკოსი, ნობელიშ პრემიაშ ლაურეატი ფიზიოლოგიაშ დო მედიცინაშ დარგის 1988 წანას (გერტრუდ ელიონი დო ჯეიმს ბლეკიწკჷმა ართო). ჰითჩინგსიქ დიდი თია მიშეღჷ მალარიაშ, ლეიკემიაშ, ბაქტერიული ინფექციეფიშ დო შხვა ლახარეფიშ ახალ წამალეფიშ გოვითარაფაშა. ჰითჩინგსი გურაფულენდჷ ფრანკლინიშ სკოლას. სკოლაშ უკულ გურაფა გაგინძორჷ ვაშინგტონიშ უნივერსიტეტის, სოდეთ ქიმიას გურაფულენდჷ. 1933 წანას ჯორჯ ჰითჩინგსიქ მიპალუ დოქტორიშ ხარისხი ჰარვარდიშ უნივერსიტეტიშ მედიცინაშ სკოლას. გურაფაშ თებაშ უკულ მუშენდჷ ჰარვარდიშ უნივერსიტეტის დო კეისიშ ბჟადალი ორეზერვე უნივერსიტეტის. 1942 წანაშე მუშენდჷ მენცარული რკვიებეფიშ ველქამიშ ლაბორატორიას, სოდეთ იმუშუ გერტრუდ ელიონიწკჷმა. 1967 წანაშე ჰითჩინგსი რდჷ ბაროუზ-ველქამიშ რკვიებეფიშ ცენტრიშ ვიცე-პრეზიდენტი. 1970-1985 წანეფს იმუშუ დიუკიშ უნივერსიტეტის, ექსპერიმენტალური მედიცინაშ დო ფარმაკოლოგიაშ პროფესორო. 1969 წანას ჰითჩინგსიქ მიპალუ პასანოშ ფონდიშ პრემია, 1972 წანას ედინბურგიშ უნივერსიტეტიქ გინოჩუ კამერონიშ პრემია. 1989 წანაშე ჰითჩინგსი რდჷ ლონდონიშ ომაფე ჯარალუაშ მაკათური.
| ჯორჯ ჰითჩინგსი | |
| ინგლ. George Hitchings | |
 ჯორჯ ჰითჩინგსი 1988 წანას | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
ფურთუთა 27, 1998 (92 წანერი) |
| ღურაშ აბანი: |
ჩაპელ-ჰილი, ოორუე კაროლინა, ააშ |
| მენოღალობა: | |
| ომენცარე სფერო: | |
| სამუშაშ აბანი : | |
| ალმა-მატერი: | |
| ჯილდოეფი დო პრემიეფი: |
გაირდნერიშ პრემია (1968) |
რესურსეფი ინტერნეტის რედაქტირაფა
