გიორგი (გია) ჯიჭონაია (დ. 1969 წ. 26 მესი, ზუგდიდი) – ქორთუ პოეტი, ჭარუ. ჭარჷნს ჟირ ნინაშა – მარგალურო დო ქორთულო.

გია ჯიჭონაია

1993 წანას გათუ ქართიშ სახენწჷფო უნივერსიტეტიშ ისტორიაშ ფაკულტეტი. 1989 წანას გჷშაშქჷ მაართა პოეტური კათელი „მოკოდჷ იბხვამკონი“, 2004 წანას სონეტეფიშ კათელი „ჸოროფაშ სონეტი“. 2014 წანას გიშართჷ გია ჯიჭონაიაშ 4 ტომქ ციკლიშე „ადამიერულ ჸოფაში გურიშმაყვილარი ოჯინუშ ქრონიკა“:

  1. „ჭარილეფი ბედინერალას“ (სონეტეფი). „თუთაშ აბანა“ (ლერსი პროზათ).
  2. „21-ა უკუნიშ ოსურეფიშ ილუზიეფი“. (ნოველეფი).
  3. „ეკონია გილაგაგინი“. (ნოველეფი, თხობელუეფი, ლიტერატურული არიკეფი).
  4. „ორქოშ ხანა“, ლირიკური დრამა. ლერსეფი, სონეტეფი.
ფაილი:Gia Jichonaia Books.jpg
ადამიერული ჸოფაშ გურიშმაჸვილარი ოჯინუშ ქრონიკა, 4 ტომი

2020 -ის გჷშართჷ „კოლხიშ კირიბეფქ“, „ხვალახობაშ ელეგიეფქ“, „ყებურწკჷმა ორაგადე რობაიეფქ“, ნამუსჷთ ჭარუეფიშ სხუნუშ პრემია ქიმეჩეს. მიგონჷ ლერსიშ ახალი ფორმა, ნამუსჷთ გიოდჷ „კირიბეფი“. კირიბეფქ მაართათ იჭარჷ მარგალურო, უკული შხვადოშხვა ნინეფშა ითანგჷ. მარგალურო ჭარილი „კოლხიშ კირიბეფიშ“ უკრაინულო თანგილ კათელს კიევს 2019 წანას ქიმეჩეს უკრაინა-საქორთუოშ კულტურული ურთიართობაშ უმაღალაში, დავით გურამიშვილიშ ჯოხოდვალაშ ოერეფოშქაშე პრემია. ქართის კირიბეფს ქიმიაჩჷ ილია ჭავჭავაძეშ ოერეფოშქაშე პრემიაქ. 2021 წანას ქართის მარგალურო გჷშართჷ გია ჯიჭონაიაშ ნაჭარა კირიბეფქ, სონეტეფქ, რობაიეფქ დო ალმაშარე არზეფიშ კათელქ „კინოხონიშე წიმეხონიშა“.

2021 წანას კოლხიშ კირიბეფიშ ინგლისურო თანგილ კათელქ გჷშართჷ საფრანგეთის (მაბეშტალი edidion999)[1] გია ჯიჭონაიაშ მარგალური კირიბეფი თანგილი რე ქორთულო, ინგლისურო, ფრანგულო, იტალიურო დო რუსულო.

გია ჯიჭონაიაშ კირიბეფი გეძჷ პოპულარულ ვებ-ხასჷლა amazon.com-ს.[2]

გია ჯიჭონაია რე „დიდაღორონთიშ წირდე გაქუნალიშ ორდენიშ“ მაკათური.

გია ჯიჭონაიას ჸუნს ალმასქუ თამარ ჯინორია (დ. 1971) დო ჟირი სქუა: ნინო (დ. 1998) დო გიორგი (დ. 2009).

სქოლიო რედაქტირაფა

რესურსეფი ინტერნეტის რედაქტირაფა