გორდიანე I
მარკუს ანტონიუს გორდიანუს სემპრონიანუს რომანუსი (ლათ. Marcus Antonius Gordianus Sempronianus Romanus; დ. დოხ. 158 — ღ. პირელი, 238), შინელი რე მუჭოთ გორდიანე I — რომიშ იმპერატორი 22 დღაშ გოძვენას, მუშისქუა გორდიანე II-წკჷმა ართო, ამშვი იმპერატორიშ წანას.
| გორდიანე I ლათ. Gordianus I | ||
.jpg) დენარი გორდიანე I-შ გჷმოხანტუათ | ||
 რომიშ იმპერატორი | ||
|---|---|---|
| პოსტის გერინაშ ბორჯი | ||
| მელახი – პირელი, 238 | ||
| წიმოხონი | მაქსიმინუსი | |
| მონძე | პუპიენუსი დო ბალბინუსი | |
| დუნაბადი | დოხ. 158 ფრიგია | |
| ნაღურა | პირელი, 238 (80 წანერი) კართაგენი, აფრიკა | |
| მუმა | მეციუს მარულუსი (?) | |
| ნანა | ულპია გორდიანა (?) | |
| ალმასქუ | ფაბია ორესტილა (?) | |
| სქუალეფი | გორდიანე II ანტონია გორდიანა | |
| რელიგია | რომაული რელიგია | |
გორდიანე რდჷ ოურდუმე მოღალე. ხემანჯღვერენდჷ რომიშ ლეგიონეფს სირიას. 216 წანას ნინალენდჷ რომიშ პროვინცია ბრიტანეთიშ მამართალო. იმპერატორი ჰელიოგაბალუსიშ ხეშულობაშ ბორჯის, მოღალენდჷ კონსულო. ალექსანდრე სევერუსიშ მართუალაშ პერიოდიშე, გორდიანე რდჷ აფრიკაშ პროვინციაშ მამართალი. 235 წანას დოჸვილეს ალექსანდრე სევერუსი. ხეშულობა ხეშა ქაშეჸოთჷ მაქსიმინუსიქ, ნამუსჷთ პოპულარობაქ ვეიაჭოფუ. 238 წანას (ზუსტი თარიღი უჩინებუე) მაქსიმინუსიშ მეხჷ ქუმოხვადჷ არყებაქ აფრიკაშ პროვინციას. არყებულეფქ დოჸვილეს ოგაფურეფიშ მაშაყარალეფი დო იმპერატორო გეგმაცხადეს გორდიანე, ნამუთ ჸათე ბორჯის დოხოლაფირო 80 წანერი რდჷ. გორდიანექ უკულ წორო-იმპერატორო ქჷმწარინუ მუში ქომოლსქუა გორდიანე II.
გორდიანე I სარგებლენდჷ ხარხიშ დო გოლინიანი პოლიტიკური ლიდერეფიშ ალარინათ. მალას, რომიშ სენატიქ ხოლო ქიჩინჷ ახალი იმპერატორი დო თიში კანდიდატურა დანტკიცჷ. გორდიანეწკჷმა გლახა ურთიართალა უღჷდჷ აფრიკაშ მეზობელი პროვინციაშ ნუმიდიაშ მამართალს, კაპელიანეს, ნამუთ მაქსიმინუსიშ მოხუჯე რდჷ. კაპელიანექ მუში აკოანჯარაფილი ნძალეფით აფრიკაშა გემშეჭკირჷ დო 238 წანაშ პირელს, კართაგენიშ ლჷმას დამარცხჷ გორდიანე I-შ დო გორდიანე II-შ ჯარეფი. ბურჯაფის დოღურჷ გორდიანე II-ქ. სქუაშ ღურაშ ამბეშ გაგებაშ უკულ გორდიანე I-ქ დუდი დიჸვილჷ.