გოჭკადილი
გოჭკადილი — ოფუტე საქორთუოს, სამარგალო-ჟიმოლენი შონეშ აკანიშ მარტვილიშ მუნიციპალიტეტის, ოდიშიშ დჷკის, წყარმალუ აბაშაწყარიშ მარძგვანი ოძგაშე, ზუღაშ დონეშე 240 მეტრა, მარტვილიშე 8 კმ., სანაკშე 48 კმ. 2014 წანაშ ეჭარუაშ მუნაჩემეფით ოფუტეს ოხორანს 427 კოჩი.[1]
 | |
|---|---|
| გოჭკადილი | |
| ქიანა | საქორთუო |
| აკანი | სამარგალო-ჟინ შონე |
| მუნიციპალიტეტი | მარტვილიშ მუნიციპალიტეტი |
| ზუღაშ დონეშე | 240 მ |
| მახორობა | 427 კოჩი (2014) |
კანიონი
რედაქტირაფაოფუტე გოჭკადილიშ კანიონს იჩუალუაფუ 75 მილიონი წანაშ წოხოლე დიხაუჩას მახორუ ნოტყეფიშ გოსკანჩილი ძვალეფი, მუდგათ თინა მოსოფელს მასუმა კილაგორუა რე, ნამუშ ტერიტორიასჷთ პრეისტორიული ფარანიშ ნოტყეფიშ ნასქილედეფი ართათ დიდი მუდანობათიე წჷმორინაფილი. თე კილაგორუაქ 2010 წანაშ კვირკვეს ილიაშ სახენწჷფო უნივერსიტეტწკჷმა ჸოფილი დიხაუჩაშ დაგურაფალი მენცარობეფიშ ინსტიტუტიშ სტუდენტეფიშ დო მაგისტრანტეფიშ ოვეშური-ოგურაფალი პრაქტიკაშ ბორჯის მოხვად. მარაშინათუთას ილიაშ სახენწჷფო უნივერსიტეტიქ ოვეშური დაკვირათ ექსპედიცია მანწყუ, ნამუსჷთ ოკათუდეს პალეონტოლოგეფი ვიაჩესლავ ჩხიკვაძე დო ვასილ გაბუნია. თე ექსპედიციეფიშ უკული იკეთინ განცხადებაქ, ნამდა გოჭკადილს წყარმალუ აბაშაწყარიშ ლეხერს დინოზავრიშ ჟირი ნოქურქ კილარჩქინდ.[2]. ოფუტე გოჭკადილიშ კანიონი 2010 წანაშ 4 გჷმათუთას ნაკრძალო გეგმიცხადუ[3]. 2011 წანას ილიაშ უნივერსიტეტიქ მაჟირაშა მანწყუ მუსხირენ კილმაგორალი ექსპედიცია გოჭკადილიშ კანიონს. კანიონიშ ნამთინე ქვიბის კილარჩქინდ უჯვეშაში ადამიერიშ ჸოფაშ ნასქილედეფქ, თინეფიშ ძვალეფქ, ნასუფრალქ. თეშ გალე, ნაძირეფიე ნოტყეფიშ გინოშენებული სახეობეფიშ ძვალეფით, თინეფი შქას ქვიბიშ თუნთიშ დო ბიზონიშ ნასქილედეფი. ექპედიციაშ ართ-ართი მაკათურიშ, ვასილ გაბუნიაშ თქუმათ, კანიონს კილარჩქინელი ნოქური დინოზავრიშ ნოკუჩხურეფიშ მეთე რე, მორო თეშე გინოჭკირილო რაგადი ძნელიე თეიშახ, სოიშა ვა მოხვადუ კვლია დო დოგურაფა კილარჩქინელი მოღეეფიში[4].
სქოლიო
რედაქტირაფა- ↑ მოსახლეობის საყოველთაო აღწერა 2014. საქართველოს სტატისტიკის ეროვნული სამსახური (ნოემბერი 2014). კითხირიშ თარიღი: 7 ნოემბერი, 2016.
- ↑ სენსაციური კილარჩქინა მარტვილს, გაზეთი რეზონანსი
- ↑ მარტვილიშ რაიონს ლეხერქ ნაკრძალო გეგმიცხადუ[ღურელი რსხილი]. რუსთავი 2.com 4 გჷმათუთა, 2010.
- ↑ დინოზავრიშ ნოქურშე მარტვილიშ ექსპედიციაშ სიახალეეფი, 24 საათი