გრან პალე
გრან პალე (ფრანგულო Grand Palais — დიდი დოხორე) — იდვალუაფუ პარიზის, მა-8 ოლქის, შანზ-ელიზეშ ოძგაშეს. მუში ფართობი რე 40 000 კვ.მ. ირალი დარბაზეფიშ მოხ მუზეუმს ინწყუაფუ კუნტახანური გჷმოფინუეფი.
ისტორია
რედაქტირაფა"ხელუანობაშ დიდი დარბაზიქ" დიკიდჷ 1897 წანას ფართო, მარა ვაკომფორტული ინდუსტრიაშ დოხორეშ აბანს. თინა მეზიმაფილი რდჷ 1900 წანაშ 15 პირელშე 12 გერგობათუთაშახ ტარებული მოსოფელიშ უნივერსალური ექსპოზიციაშო. დგჷმილიშ ართ-ართი ფრონტონიშ მიკნაჭარა მოჩინებაფუანა, ნამდა თე ობიექტის რესპუბლიკა უჯღუნს ფრანგული ხელუანობაშ სიდიადას. დუდშე თინა მერჩქინელი რდჷ ნანანოღას მონწყილი დიდი ოფიციალური მანიფესტაციეფშო.
1975 წანას შენობაშ ნეფიქ მერჩქინელქ იჸუ ისტორიულ მონუმენტაო, 2000 წანას ედოშამო დგჷმილქ იკოროცხჷ ისტორიულ ობიექტო.
