პარიზი

პარიზი (Paris) — საფრანგეთიშ ნანანოღა დო ქიანაშ არძაშე უდიდაში ნოღა. პარიზი რე ილ-დე-ფრანსიშ რეგიონიშ ადმინისტრაციული ცენტრი, ნამუთ იკათუანს პარიზის დო მუშ გოხოლუაშ ტერიტორიეფს. პარიზი ევროპაშ მაჸონაფალი კულტურული, ბიზნეს დო პოლიტიკური ცენტრი რე მუში ნეოკლასიკური არქიტექტურათ. პარიზი რე მოდაშ ინდუსტრიაშ ართ-ართი თარი ცენტრი. პარიზი მა-19 ოშწანურაშე მოჸონაფილი არძაშე რომანტიული ნოღაშ რეპუტაციათ რგებაფულენს.

პარიზი Paris შილა გერბი ქიანა  საფრანგეთისაფრანგეთი რეგიონი ილ-დე-ფრანსიილ-დე-ფრანსი დეპარტამენტი პარიზი კოორდ. 48.866667,2.33305648°52′00″ ოორ. გ. 2°19′59″ ელ. გ. დინოხოლენი დორთუალა 20 ოლქი ნოღაშ მერი ბერტრან დელანოე ორდოიანი ჯოხოეფი Lutetia Parisiorum ფართობი 20 980 კმ² ოფიციალური ნინა ფრანგული მახორობა 2 240 621 კოჩი (2012) მეჭედალა 2033 კოჩი/კმ² აგლომერაცია 12 341 418 ბორჯიშ ორტყაფუ UTC+1 ტელ. კოდი +33 1 ოფოსტე ინდექსი 75001-75020 დო 75116 ოფიციალური ვებ-ხასჷლა www.paris.fr პარიზი

ნოღა იდვალუაფუ ოორუე-ცენტრალურ საფრანგეთის წყარმალ სენაშ ოპიჯეეფს. პარიზის ბრელი რე მუზეუმეფი, გალერეეფი, რესტორანეფი დო სერიშ კლუბეფი. პარიზის არძაშე უმოსი სუმარი ჸუნს მოსოფელს - მეხოლაფირო 30 მილიონი კოჩი წანომოწანას. პარიზიშ არძაშე უმოსი ჩინებული სიმბოლო რე 324 მეტრაშ სიმაღალაშ ლითონიშ ეიფელიშ ჸორში.

პარიზიშ ადმინისტრაციულ სამძღოეფს 2004 წანაშ მუნაჩემეფით ოხორანდჷ 2.144.700 კოჩი, ეკონია ოშწანურაშ მალობას ნოღაქ მირდჷ დო გიფაჩჷ. თე ბორჯიშო პარიზიშ ურბანულ აკანეფს 9,9 მილიონი კოჩი ოხორანს, აგლომერაციას-11,5 მილიონი (1999).

ჯოხოდვალა

პარიზიშ დუდშეიანი ჯოხო რდჷ Lutetia (/lutetja/), ან Lutetia Parisiorum, (ფრანგ.: Lutèce ([lytɛs]), ნამუქუთ უკული დეკუნტარჷ დო გინირთჷ Paris-ო. ჯოხო მოურს პარიზიშ გალიურ ტომშე, ნამუთ შილებე კელტურ-გალიური სიტყვა პარიოს რდასჷნი, მუთ ჩუანს ჯოხო, მარა თენა ოეგებიეთ. პარიზი შილებე რდას კელტური სიტყვა, „პარიზიო“ ჯოხო „მოხანდე კათას“ დო „მოხელეეფს.“

თე ბორჯიშო პარიზის 310 000-შე უმოსი ურცხოალი ოხორანს, მუთ ნოღაშ მახორობაშ 14,5% რე. ემიგრანტეფიშ უმეტაშობა რენა პორტუგალიაშე, მაროკოშე, ალჟირშე დო ევროპაშ შხვა ქიანეფშე მოულირ კათა.

• 
  ეიფელიშ ჸორში
• 
  Notre Dame
• 
  Sainte Chapelle
• 
  St. Etienne du Mont
• 
  Seine, Pont Saint-Michel
• 
  Maison Hemingway
• 
  Rue Mouffetard
• 
  Sacré-Cœur
• 
  Vue depuis Montmartre

რესურსეფი ინტერნეტის

• პარიზიშ ოფიციალური ვებ-ხასჷლა Archived 2010-01-27 ვებ-ხასჷლას Wayback Machine.

ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.