გრეის ჰოპერი
გრეის ბრიუსტერ მიურეი ჰოპერი (ინგლ. Grace Brewster Murray Hopper; დაბადებაშ გვარი - Murray; დ. 9 ქირსეთუთა, 1906, ნიუ-იორკი, ააშ — ღ. 1 ღურთუთა, 1992, არლინგტონი, ვირჯინია, ააშ) — ამერიკალი ინფორმატიკოსი დო ააშ-იშ ოზუღე ნძალეფიშ კონტრადმირალი.
| გრეის ჰოპერი | |
| ინგლ. Grace Hopper | |
.jpg) | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
ღურთუთა 1, 1992 (85 წანერი) |
| ღურაშ აბანი: |
არლინგტონი, ვირჯინია, ააშ |
| მენოღალობა: | |
| ომენცარე სფერო: | |
| სამუშაშ აბანი : |
ვასარიშ კოლეჯი |
| ალმა-მატერი: | |
| ჯილდოეფი დო პრემიეფი: |
|
.jpg){kind=small}
ბიოგრაფია
რედაქტირაფაგრეის ჰოპერი გურაფულენდჷ მათემატიკას, იელიშ უნივერსიტეტის, სოდეთ თხილუ ოდოქტორე დისერტაცია. გურაფაშ თებაშ უკული მუშენდჷ ვასარიშ კოლეჯიშ მათემატიკაშ პროფესორო. მაჟირა მოსოფელიშ ლჷმაშ ბორჯის ჰოპერიქ ქაკათჷ ააშ-იშ ოზუღე ნძალეფიშ რეზერვეფს. ჰოპერიქ კომპიუტერულ-ტექნოლოგიური კარიერა დიჭყჷ 1944 წანას. ჸათე პერიოდის ჰოპერი ოკათუდჷ Harvard Mark I-იშ ომენცარე ბუნას, ჰოვარდ ეიკენიშ ხემანჯღვერობათ. 1949 წანას ჰოპერიქ ომუშებუშა გეგნორთჷ კომპანია Eckert–Mauchly Computer Corporation-იშა, სოდეთ ჰოპერიქ მიშეღჷ დიდი თია კომპიუტერი UNIVAC I-შ გოვითარაფაშა. ჸათე კომპანიას მუშობაშ ბორჯის ჰოპერი ხემანჯღვერენდჷ კობოლიშ კომპილატორი, კომპიუტერულ-პროგრამული ნინაშ გოვითარაფას. 1952 წანას ჰოპერიქ დარსხუ პროგრამული ლინკერი, ნამუქჷთ იჭარჷ A-0 System-შო. 1954 წანაშე ჰოპერი რდჷ Eckert–Mauchly Computer Corporation-იშ ავტომატური პროგრამაშ დეპარტამენტიშ მადუდე. 1950-იან წანეფს ჰოპერიშ ხემანჯღვერობათ გიშართჷ FLOW-MATIC-იშ კომპიუტერულ ნინაქ. თის გიარსხუ კობოლიშ უკულიან გოვითარაფაქ. 1959 წანას ჰოპერი ოკათუდჷ CODASYL-იშ კონსორციუმს. კონსორციუმქ მიშეღჷ დიდი კონტრიბუცია კობოლიშ, CODASYL Data Model-იშ დო შხვა ტექნიკური სტანდარტეფიშ დორსხუაფაშა დო გოვითარაფაშა. 1966 წანას ჰოპერიქ ოზუღე რეზერვეფი ქიდიტუ, მარა ართ წანაშ უკულ კინ დირთჷ. 1986 წანას ჰოპერიქ გათუ ოურდუმე კარიერა დო მუშობა ქიდიჭყჷ ამერიკულ კომპიუტერულ კომპანია Digital Equipment Corporation-იშ კონსულტანტო. გრეის ჰოპერიქ ღურუ 1992 წანაშ 1 ღურთუთას, 85 წანერქ. ნთხორილი რე არლინგტონიშ ერუანულ სასაფლას.
გრეის ჰოპერი რდჷ შხვადოშხვა პრემიეფიშ დო ჯილდოეფიშ ლაურეატი. 1991 წანას ჰოპერიქ მიპალუ ტექნოლოგიაშ ერუანული მენდალი. 2016 წანაშ 22 გერგობათუთას, ღურაშ უკულ, ჰოპერის, ააშ-იშ პრეზიდენტიქ ბარაკ ობამაქ გინოჩჷ დუდიშალაშ ოპრეზიდენტე მენდალი. გრეის ჰოპერი რდჷ შხვადოშხვა ომენცარე ინსტიტუტეფიშ საპატიო დოქტორი. ჰოპერიშ ჯოხონობაშ რე იელიშ უნივერსიტეტიშ ართ-ართი კოლეჯი.
რესურსეფი ინტერნეტის
რედაქტირაფა
- Oral History of Captain Grace Hopper – Interviewed by: Angeline Pantages 1980, Naval Data Automation Command, Maryland.
- RADM Grace Hopper, USN Ret. ვებ-ხასჷლას Wayback Machine (archived February 24, 2010) from Chips, the United States Navy information technology magazine.
- Grace Hopper: Navy to the Core, a Pirate at Heart Archived September 22, 2017, ვებ-ხასჷლას Wayback Machine. (2014), To learn more about Hopper's story and Navy legacy navy.mil.
- The Queen of Code (2015), a documentary film about Grace Hopper produced by FiveThirtyEight.
- Norwood, Arlisha. "Grace Hopper". National Women's History Museum. 2017.