დანიელ კარლტონ გაიდუზეკი
დანიელ კარლტონ გაიდუზეკი (ინგლ. Daniel Carleton Gajdusek; დ. 9 ეკენია, 1923, იონკერსი, ნიუ-იორკი, ააშ — ღ. 12 ქირსეთუთა, 2008, ტრომსე, ნორვეგია) — ამერიკალი ექიმი, ნობელიშ პრემიაშ ლაურეატი ფიზიოლოგიაშ დო მედიცინაშ დარგის 1976 წანას (ბარუხ სამუელ ბლამბერგიწკჷმა ართო). გიმირკვიუ კურუშ ლახარა დო თიში მიზეზეფი.
| დანიელ კარლტონ გაიდუზეკი | |
| ინგლ. Daniel Carleton Gajdusek | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
ქირსეთუთა 12, 2008 (85 წანერი) |
| ღურაშ აბანი: | |
| მენოღალობა: | |
| ომენცარე სფერო: | |
| სამუშაშ აბანი : | |
| ალმა-მატერი: | |
| ჯილდოეფი დო პრემიეფი: |
ნობელიშ პრემია ფიზიოლოგიაშ დო მედიცინაშ დარგის (1976) |
ბიოგრაფია
რედაქტირაფადანიელ კარლტონ გაიდუზეკიქ დებადჷ 1923 წანაშ 9 ეკენიას, ნიუ-იორკიშ შტატიშ ნოღა იონკერსის, სლოვაკეფიშ ფანიას. გურაფულენდჷ როჩესტერიშ უნივერსიტეტის. როჩესტერიშ უნივერსიტეტიშ უკულ გურაფა გაგინძორჷ ჰარვარდიშ უნივერსიტეტის, სოდეთ მიპალუ მედიცინაშ დოქტორიშ ხარისხი 1946 წანას. გურაფაშ თებაშ უკულ მუშენდჷ კოლუმბიაშ უნივერსიტეტის დო კალიფორნიაშ ტექნოლოგიაშ ინსტიტუტის. 1951-1953 წანეფს მსახურენდჷ ამერიკაშ არმიას. 1954 წანას ავსტრალიაშა მიდართჷ, სოდეთ მუშენდჷ ვოლტერ დო ელიზა ჰოლიშ მედიცინაშ რკვიებაშ ინსტიტუტის, მელბურნის. ჸათე პერიოდის გაიდუზეკიქ დეინტერესჷ კურუშ ლახარათ დო დიჭყჷ თიში მენცარული რკვიება. კურუშ ლახარა გოფაჩილი რდჷ 1950-1960-იან წანეფს, ახალი გვინეას, უმოსო ფორეშ ნაცია ოხორანდუნ თექ. ფორეშ კათას უღუდჷ კანიბალიზმიშ ტრადიცია. კოჩი დოღურუდუნ, ღურელიშ მოჯგირეეფი ღურელს დოხაშუნდეს დო თიში ორგანოეფს დო ტვინს ჭკომუნდეს. ჸათე პროცესიშ უკულ, თინეფი კურუშ ლახარათ ილახებუდეს, უმოსო თინეფი ნამუთ კოჩიშ ტვინს ჭკომუნდუნჷ. გაიდუზეკიქ კურუშ ლახარაშ მიზეზო კანიბალიზმი, ღურელიშ ტვინიშ ჭკომუა, მირჩქინჷ. გაიდუზეკიქ ართ-ართი ექსპერიმენტით ღურელი კოჩიშ ტვინი შიმპანზეშ დუდიშა გემშიღჷ დო ოკვირუდჷ მაიმუნეფს კურუშ ლახალა ქაღოლედესო. მუდგარენ პერიოდიშ უკულ მაიმუნეფს კურუშ სიმპტომეფქ გემკურჩქინდეს. გაიდუზეკიშ აზრით კურუშ ლახარაშ მიზეზი რდჷ ვირუსი, ნამუსჷთ შეულებუდ ლახარაშ გჷმოჭანაფა. მენცარეფიშ უკულიან რკვიებეფქ დანტკიცჷ ნამდა კურუშ ლახარაშ მიზეზი ვირუსი ვარდჷ დო ლახარაშ მიზეზი პრიონეფი რდჷ.
გაიდუზეკის ამერიკაშა გვიანეაშე ბაღანეფი მოჸუნდო დო თინეფ სკოლეფშა დო კოლეჯეფშა მიშმაჸუნდჷ, ოგურუანდჷ. გაიდუზეკიქ ამერიკაშა მიჸონ 56 ბაღანა. 1997 წანას გაიდუზეკი ბაღანეფიშ სექსუალური ექსპლუატაციაშ დო პედოფილიაშ გეშა ოჭოფეს დო 12 თუთას ციხეს ქუდახუნეს. მუჭოთ გიმირკვიუნ, გაიდუზეკის ბაღანეფწჷმა სექსი უღუდჷ. ციხეშ თებაშ უკული, გაიდუზეკიქ ევროპაშა მიდართჷ ოცხოვრებშა დო ამერიკაშა დღას ვადურთინჷ. დიო ამსტერდამს ცხოვრენდჷ დო უკულ ტრომსეს, ნორვეგიას. ღურუ 2008 წანაშ 12 ქირსეთუთას, ტრომსეს.
რესურსეფი ინტერნეტის
რედაქტირაფა
- დანიელ კარლტონ გაიდუზეკი Nobelprize.org-ის
- ავტობიოგრაფია (უნგრულო)
- D. Carleton Gajdusek Papers MSS 421. Special Collections & Archives, UC San Diego Library.