დანტე ალიგიერი

დანტე ალიგიერი (იტალ. Dante Alighieri; დ. 1265, – ღ. 14, ვარა 13 ეკენია, 1321) — იტალიარი ჭარუ. პოეტი ფლორენციაშე. თიში თარი ნაწარმეფი „კომედია“ (უკულნეშის გიაძინჷ ეპითეტიქ „ღორონთიელი“) ნამუთ ოირკოჩეთ მიარზებაფუაფუ, მუჭოთ იტალიურ ნინაშა ქიმინელი უდიდაში ლიტერატურული ნახანდი დო მოსოფელიშ ლიტერატურაშ შედევრი. იტალიურო თის შინანა მუჭოთ „უჟინაშ პოეტის“ (იტალ. il Sommo Poeta).

დანტე ალიგიერი, ჯოტო დი ბონდონეშ ნახანტა

ბიოგრაფია

დანტე ალიგიერიშ დაბადებაშ ზუსტი თარიღი უჩინებუ რე, მორო 1265 წანას ვარაუდენა. თეს ავტობიოგრაფიული ინფორმაცია ხოლო რე აწათოლორაფალი. ეჭარილი La Vita Nuova-ს (1300 წანაშო დოჭარილ ფრაზას „წუნოფუტეშ გვერდი შარა მუსჷთ მუკმურთ“, ფხვადუთ, ნამდა დანტე 35 წანერი ოკო რდჷკო, რახან შურდგჷმაშ ბიბლიური ხანგინძარობა 70 წანა რე (ფსალმუნეფი, 89,10) დო თე მუწოსახაფათ შარალუა 1300 წანას ოკო ჸოფედჷკო.

სამოთხეშ მუდგაზმარენი ვერსია ხოლო მითმიოწურუანს დანტეშ დაბადებაშ დღაშა დო შინანს, ნამდა თინაქ ნაჟირაშ შინით დებადჷ, ანუ მესიშ 21-იშ დო მანგიშ 21-იშ შქას.

რესურსეფი ინტერნეტის

ვიკიოწკარუეს^? რე ხასჷლა თემაშენ:

დანტე ალიგიერი

• დანტე ალიგიერი, რინა, შემოქმენდალა, ილუსტრაციეფი
• სტენფორდიშ ფილოსოფიაშ ენციკლოპედია: ბიოგრაფია,თიშ ნახანდეფშე დო ბიბლიოგრაფიაშე (ინგლისურ ნინაშა)