დარჩელი — თემი საქორთუოს, სამარგალო-ჟიმოლენი შონეშ აკანიშ ზუგდიდიშ მუნიციპალიტეტის. ზუგდიდიშე 20 კმ–ით, უჩა ზუღაშ პიჯიშე (ანარკიაშე) 10 კმ–ით რე დოჩილითაფირი. ოორუეშე დარჩელს თანჯანს ახალკახათი, კოკი დო ორსანტია, ბჟაეიოლშე ოფუტე ცაიშიშ კახათი დო დიდი ნეძი, ობჟათეშე ორულუ დო ანარკია, ოდო ბჟადალუშე წყარმალუ ინგირი მუში ნადუეფით, ოდო წყარმალუ ჯუმი ბჟაეიოლშე–ბჟადალუშა, დახე ოფუტეშ ტერიტორიას შქას რთჷნს დო თაქინეშეს აკათუ წყარმალუ ინგირს.

ოფუტე
დარჩელი
SZS-Zugdidi-ka.svg
ქიანა საქორთუო
აკანი სამარგალო-ჟიმოლენი შონე
მუნიციპალიტეტი ზუგდიდიშ მუნიციპალიტეტი
მაართა მოშინაფა XVII ოშწანურა
ზუღაშ დონეშე 10
მახორობა 2781 კოჩი 2014
Georgia location map2.svg

იდვალუაფუ ზუღაშ დონეშე 8-10 მეტრაშ სიმაღალას. ღურთუთას ოშქაშე ტემპერტურა +4 –7 გრადუსიე, ზარხული ტიბუე. კვირკვეშ დო მარაშინათუთაშ ოშქაშე ტემპერატურა 22-24 გრადუსის ომანგჷ. 2014 წანაშ[1] ეჭარუაშ მუნაჩემეფით ოფუტეს ოხორანც 2781 ადამიერი.

ოფუტეშ ჯოხოშ ისტორიარედაქტირაფა

დარჩელიშ ჯოხოშ გედვალაშ ამბე ეკონიაშა ვარე დუდგედგჷმილი. არძაშ უმოსი დაჯერაფალი რე ტოპონიმი "დორჩელი" ("დორჩაფილი"), ნამუთ ბონი, უგვალე დიხას ჯოხო.[2]. ყაზახი კოჩი თქუანდჷ ,,დორჩელი“–იან, წორეთ თე მარგალური ზიტყვა ,,დორჩელი“–შე ეშულირო მიორჩქჷდ ჩინებული კალიგრაფის დო პედაგოგის იოსებ ქობალიას ჯოხოდვალა ,,დარჩელი“.

მახორუეფირედაქტირაფა

მახორუეფი უმოსო ქორთუეფი რენა. მეთხოზჷნა შხუ მეორინჯალას, ჯგირო რე გოვითარაფილი მეღეჯობა, მემაფურინჯობა, აფხვადუნა ფანიეფი ნამუეფით მეთხოზჷნა მეფსკალობას. ნოტყეფშე ხე მუხვი, თრია, ძღაბქურცამი, აღიაღი, ტურა.

ისტორიარედაქტირაფა

დარჩელი დიო ხოლო XVII უკუნს რე შინელი. ოფუტე დარჩელს გინოდგვე ჯაშ ოხვამე. სხუნუეფიშ პერიოდის ჯაშ ოხვამე აკურღვაფუნა დო დარჩელიშ ვარსული სკოლაშა გეგნუჩამუნა, ნამუთ თი პერიოდის იკიდუდჷ. 2008 წანას ოსხირი ენურღვეს ოხვამეშ კიდუას, ნამუთ მოთებას ეხოლებუ. დარჩელი ტრადიციულო ეთმოშანჷნდჷ მარიობაშ დღახუს ,,მარაშინას“. თე დღახუს ოფუტე ირწანურო მანჯუნდჷ 15 მარაშინათუთაშე ჟირი მარაშ გოძვენას. ედომუშამი დარჩელი მიშმაკათუდჷ მარაშინა–ჯარალუაშო ხაზირაფას. მარულაშო გჷმორთილი რდჷ 11 კმ–ამი ორულუ გოძვენა, ჟირხოლო განშე გონწკარილი ჯალეფით. ბოლო დღალეფს მარაშინა–ჯარალუა იკილუდჷ სპორტული ღონისძიებეფით.

1992-94 წანეფიშ ომენოღალური ლჷმაშ ბორჯის ოურდუმე ფორმირაფაქ "მხედრიონქ" ოფუტეს 26 ჸუდე გეგნოჭვჷ.

2008 წანაშ რუსეთი-საქორთუოშ ლჷმაშ უკული დარჩელს მუსხირენ დღას რუსეთიშ არმიას აფუდჷ ოკუპირაფილი სამარგალოშ შხვა ნოღეფი დო ოფუტეეფიშ წორო.

სპორტირედაქტირაფა

XX უკუნიშ ეკონიას დარჩელს ჸუნდჷ კუჩხბურთიშ ბუნა "ჩელა", ნამუთ ლაჸაფენდჷ დიო სხუნუეფიშ დო უკული დუდიშული საქორთუოშ ჩემპიონატიშ თუდონ ლიგეფს დო თასის.

ოფუტე ამდღარედაქტირაფა

ოფუტე დარჩელს რე ჟირი ოშქაშე სკოლა, სოდეთ თეჟამო გურაფულენს 800–შე უმოსი მოგურაფე დო პედაგოგიური საქვარუას მეჸუნს 80–შე უმოსი მაგურაფალი, ობაღანე ბაღი 100 ბაღანაშა, პოლიციაშ გჷნორთი, ოფუტეს რე ოვაჭარე დო ოჸოფარინე მოინალაფაშ ობიექტეფი, ოლეხე, აფთიაქი, ფურნე შ.პ.ს ,,ფუნდუკი,“ თხირიშ გინმამუშებელი ქარხანა ,,ქესქია“, კულტურაშ ჸუდე, ბიბლიოთეკა დინდარი წინგიერი ფონდით.

წყუეფირედაქტირაფა

  1. მოსახლეობის საყოველთაო აღწერა 2014. საქართველოს სტატისტიკის ეროვნული სამსახური (ნოემბერი 2014). კითხირიშ თარიღი: 7 ნოემბერი, 2016.
  2. ნინო ხუფენია - დარჩელი