დაჭყაფური (ფილმი)
დაჭყაფური (ინგლ. Inception) — 2010 წანაშ ომენცარე ფანტასტიკური ფილმი, ნამუშ რეჟისორი, პროდიუსერი დო სცენარიშ ავტორი რე კრისტოფერ ნოლანი. ფილმი მომთხობუანა მახინჯიშ, დომ კობიშ გეშა, ნამუთ სიზმარეფიშ მოხვარათ იღენს შხვა ადამიარეფიშე ინფორმაციას, ნამუთ მუჭოთ წესინ მეუჭირნაფუ რე. ფილმის თარი როლეფს არსულენა ლეონარდო დიკაპრიო, კენ ვატანაბე, ჯოზეფ გორდონ-ლევიტი, მარიონ კოტიარი, ელენ პეიჯი, ტომ ჰარდი, კილიან მერფი, მაიკლ კეინი.
| დაჭყაფური | |
 კინოფილმის პოსტერი | |
| რეჟისორი: | |
|---|---|
| პროდიუსერი: |
კრისტოფერ ნოლანი |
| სცენარიშ ავტორი: |
კრისტოფერ ნოლანი |
| თარ როლეფს: |
ლეონარდო დიკაპრიო |
| კომპოზიტორი: | |
| კინოსტუდია: |
Syncopy Films |
| გჷშულაშ თარიღი: |
London premiere: |
| ხანგჷნძარალა: |
148 წნ |
| ქიანა | |
| ნინა: | |
| მუშნალი: |
825.5 მლნ $ |
| ვებხასჷლა: | |
ოსკარიშ 83-ა დოჯილდაფას ფილმიქ დეინალჷ 8 ნომინაცია, თინეფ შქას საუჯგუშო სურათიშ კატეგორიას, მორო მუკორჩქინელო კრისტოფერ ნოლანქ ვამოხვადჷ ნომინანტ რეჟისორეფიშ ერკებულს.[1]
როლეფს
რედაქტირაფა- ლეონარდო დიკაპრიო - დომ კობი, (ეშმაღალარი) მორსებული მახინჯი, ნამუსით შეულებ ობიექტი მიშეჸონას ოკათური სიზმარს დო უკულ იხირას ინფორმაცია თიშე.
- ჯოზეფ გორდონ-ლევიტი - ართური, (მაზარებელი) დომიშ არძაშე სანდო პარტნიორი, ნამუშ მისია რე ობიექტიშ გეშა დეტალეფიშ შაყარუა.
- ელენ პეიჯი - არიადნე, (არქიტექტორი) სტუდენტი, ნამუსით დექირენს დომი თიშ უკული, მუთ მიოდინუანს მუში ჯვეშ არქიტექტორს, ნაშის. თის ოვალჷ თონწყუეფს ქიმინას ოქიანუ ნამუთ სინანდულას ვარე.
- ტომ ჰარდი - იმსი, (მატყურაია) დომიშ ჯვეში მაჸალე დო თიში ბუნაშ მაკათური, ნამუსჷთ შეულებჷ თონწყუს მიღას შხვა ადამიერიშ ფორმა დო ათეთ გარკვიებული გავალი უღუდას თინეფშე.
- დილეპ რაო - იუსუფი, (ქიმიკოსი) ბუნაშ მაკათური, ნამუთ ზადუნს წამალეფს ბუნაშ მაკათურეფიშ ოკათური თონწყუს მახვამლაფარო.
- მარიონ კოტიარი - მელორი „მოლ“ კობი, (აგაგა) დომიშ ღურელი ალმასქუ, ნამუთ პროექციაშ სახეთ ოჭირინუანს თი თონწყუეფს, ნამუეფსიჷ დომით რე.
- კენ ვატანაბე - საიტო, (ტურისტი) აზიარი ბიზნესმენი, ნამუთ მიარზიენს კობის საქვარს, მანგიორო ააშ-შა უშქურანჯი დორთინას ოპიჯჷ.
- კილიან მერფი - რობერტ ფიშერი, (ღანკი) საიტოშ კონკურენტი, ნამუთ მუამუშიშ იმპერიაშ ჯინჯიერი დო ბუნაშ ღანკი რე.
- ტომ ბერენჯერი - პიტერ ბროუინგი, რობერტიშ მორდია დო ფიშერეფიშ კომპანიაშ მაღალჩინოსანი.
- პიტ პოსტლეთუეიტი - მორის ფიშერი, რობერტიშ მაღურუ მუმა.
- ლუკას ჰაასი - ნეში, კობიშ დუდშეიანი არქიტექტორი, ნამუთ არიადნექ თირუ.
- მაიკლ კეინი - მაილსი, დომიშ მაგურაფალი დო მუანთილი.
ჯილდოეფი
რედაქტირაფაოსკარი
- საუჯგუშო ხონარიშ მონტაჟი: რიჩარდ კინგი
- საუჯგუშო ხონარი: ლორა ჰირშბერგი, გარი რიცო, ედ ნოვიკი
- საუჯგუშო ოპერატურა: უოლი პფისტერი
- საუჯგუშო ვიზუალური ეფექტეფი: პოლ ფრანკლინი, კრის კორბოული, ენდრიუ ლოკლი, პიტერ ბები
BAFTA
- საუჯგუშო დიზაინი: გეი ჰენდრიქს დიასი, ლარი დიასი, დაგ მოვატი
რესურსეფი ინტერნეტის
რედაქტირაფასქოლიო
რედაქტირაფა
- ↑ Nominations by Category - 83rd Awards. კითხირიშ თარიღი: 2011-01-25.