მარიონ კოტიარი

მარიონ კოტიარი (ფრანგ. Marion Cotillard; დ. 30 ეკენია, 1975) — ფრანგი კინოარტისტი, ნამუქჷთ დახე 40 კინო დო ოტელევიზიე ფილმის გიშარჩქინდჷ 1993 წანაშე.

მარიონ კოტიარტი
დაბადებაშ ჯოხო	მარიონ კოტიარტი
დაბადებაშ აბანი	პარიზი, საფრანგეთი
დებადჷ	30 ეკენია, 1975 (1975-09-30)
საქვარუა	არტისტი, მუსიკოსი
აკოქიმინჯალაშ წანეფი	1993–ასეშა

ბიოგრაფია

მარიონქ დებადჷ არტისტეფიშ ფანიას. თიქ სცენას ლაჸაფი ბაღანობაშე დიჭყჷ, თინეიჯერალაშ პერიოდის ტელეფილმეფშე კინოშა გინორთჷ. 1990-იან წანეფიშ დათებუს თიქ, მუჭოთ ფრანგი კინოარტისტიქ, წჷმოძინას მიოჭირინუ ფილმეფით: „ჩქიმი სექსუალური რინა... ანუ მუჭო ჩავერთი ნირზის“ (1996) დო „ტაქსი“ (1998), ხოლო, თინა უმოსო ფართე აუდიტორიაქ ძირუ ფილმეფს: „დიდიჩხომი“ (2003), „გირძეხანიანი მერჩქინა“ (2004), ნამუშოთ თიქ სეზარიშ პრემია დეინალუ, მუჭოთ საუჯგუშო არტისტი ოსურქ მაჟირახარისხამი როლს დო „ჯგირი წანა“ (2006).

თიშე აკოქიმინელი ედიტ პიაფიშ პორტრეტიქ ფილმის „რინა ვარდიშფერ ფერეფს“ (2007) თის საირქიანო ჩინება დო მიარე ჯილდო მუღჷ, თინეფ შქას: BAFTA—შ, სეზარიშ, ორქოშ გლობუსიშ ჯილდოეფი დო გვალო ათე ფილმით თინა მაართა არტისიტქ იჸუ, ნამუქჷთ ეჭოფუ ოსკარი ფრანგულნინამი როლიშ სრულებაშო.

მარიონქ ინტერესი გალენოშ საქვარეფსჷთ გჷმარჩქინჷ დო გრინპისიშ ორატორო იმოინალუ. თინა მუში კომპანიონი არტისტი დო რეჟისორი გიიომ კანეწკჷმა ართო ოხორანს.

ფილმოგრაფია

წანა		მარგალურო	ოდაბადური ჯოხოდვალა	როლი
1996	ფ	ჩქიმი სექსუალური რინა... ანუ მუჭო ჩავერთი ნირზის	My Sex Life... or How I Got Into an Argument	სტუდენტი
1998	ფ	ტაქსი	Taxi	ლილი
2003	ფ	დიდი ჩხომი	Big Fish	ჟოზეფინ ბლუმი
2003	ფ	ქომიჸოროფე გაბედუქ-და	Jeux d'enfants	სოფი კოვალსკი
2004	ფ	გირძეხანიან მერჩქინა	Un long dimanche de fiançailles	ტინა ლომბარდი
2006	ფ	ჯგირი წანა	A Good Year	ფანი შენალი
2007	ფ	რინა ვარდიშფერ ფერეფს	La Vie en rose	ედიტ პიაფი
2009	ფ	ჯარალუაშ ნტერეფი	Public Enemies	ბილი ფრეჩიტი
2009	ფ	ჩხორო	Nine	ლუიზა კონტინი
2010	ფ	დაჭყაფური	Inception	მელორი „მოლ“ კობი
2010	ფ	ჭიჭე ფულირეფი	Les petits mouchoirs	მარი
2011	ფ	შქასერი პარიზის	Midnight in Paris	ადრიანა
2012	ფ	წკურუმია აიარი: ეულა	The Dark Knight Rises	მირანდა ტეიტი
2012	ფ	ღანჯი დო ძვალი	De rouille et d'os	სტეფანი
2013	ფ	იმიგრანტი	The Immigrant	ევა საიბულსკი
2014	ფ	ჟირი დღა, ართი სერი	Deux jours, une nuit	სანდრა

რესურსეფი ინტერნეტის

ვიკიოწკარუეს^? რე ხასჷლა თემაშენ:

მარიონ კოტიარი

• მარიონ კოტიარი — კინოფილმეფიშ ინტერნეტ მუნაჩემეფიშ ბაზას (ინგლისური)