დემნა გვასალია
დემნა გვასალია (დ. 25 მელახი, 1981, სოხუმი) — ქორთუ მოდაშ დიზაინერი. გურაფულენდჷ ქართიშ სახენწჷფო უნივერსიტეტის დო ანტვერპენიშ ომაფე აკადემიას, ხელუანობაშ ფაკულტეტის. დუდენდჷ „Maison Martin Margiela“-შ დო „Louis Vuitton“-იშ ბუნეფს. ასე რე ფრანგული მოდაშ ჸუდეშ, „Balenciaga“-შ გოჭყაფური მადუდე.[1]
| დემნა გვასალია | |
|---|---|
| საქვარუა | მოდაშ დიზაინერი |
| ლეიბლი |
Balenciaga (2015.10－ასეშა) Louis Vuitton (2013－2015) VETEMENTS (2014-ასეშა) |
| დაბადებაშ თარიღი | 25 მელახი, 1981 |
| დაბადებაშ აბანი | სოხუმი, აფხაზეთიშ ასსრ, საქორთუოშ სსრ |
| ერუანობა | ქორთუ |
| ჯილდოეფი დო პრემიეფი | 2016 წანაშ Fashion Awards-იშ წანაშ ზათი მუკაქუნალიშ ოერეფოშქაშე დიზაინერი |
| ოფიციალური ვებ-ხასჷლა | |
ბიოგრაფია
რედაქტირაფადემნა გვასალიაქ დებადჷ 1981 წანაშ 25 მელახის, ნოღა სოხუმს, საქორთუოს. ბაღანობაშე რდჷ დოინტერესაფილი ხანტუათ დო მუკაქუნალით, მარა ფანიაშ მოთხირით ქართიშ სახენწჷფო უნივერსიტეტიშ ოერეფოშქაშე ეკონომიკაშ ფაკულტეტის ჩერიცხჷ. 4 წანაშ უკული, ეკონომიკაშ ფაკულტეტის სტიპენდიანტი კურნათებუ რდჷ. გინოჭყვიდირელჷ აფუდჷ გურაფაშ გაგჷნძორაფა მაგისტრატურას ეკონომიკაშ მალობათ, მარა თიშ ფანიაქ ოხორინეთ გერმანიაშა მიდართჷ, სოდე გეგნოჭყვიდჷ ეკონომიკაშ მაგისტრატურიშ მანგიორო, ანტვერპენს ხელუანობაშ აკადემიაშა ჩაბარება.[2]
გვასალიაქ მიდართჷ ანტვერპენშა, თექიან ომაფე აკადემიაშ ხელუანობაშ ფაკულტეტშა ჩარიცხებელო. 800 მაკორინეშე თიქ თი 70-ის ქჷმოხვადუ, ნამუეფქჷთ ომაფე აკადემიას გურაფა დიჭყესჷნ. პირველი კურსიშ ბოლოს თინა 70 სტუდენტიშე 16 გიშაგორილეფს ქჷდიტუეს, გურაფაშ თებაშ უკული, ვალტერ ვან ბეირენდონკიქ, ნამუთ აკადემიაშ რექტორი დო დემნაშ პროფესორი რდჲნ, თიქ მუშ ბრენდის ქომოლკოჩიშ მუკაქუნალიშ დიზაინერალა მიარზიუ. გვასალია ბელგიას, ბეირენდოკწკჷმა წანმოწანა დო გვერდის მჯუშენდჷ, თეშ უკული — დორხველი ნამუშერეფი პარიზშა მიდაჯღონჷ. თეშნერო თინა პარიზიშა ქიმიჭანუეს, სოდე „Maison Margiela“-ს დეკჷ აბანი. თიშ ოფიციალური კარიერაქ მოდაშ სფეროს მარჯიელას დიჭყჷ.
დემნა გვასალიაქ პარიზის, მარჯიელაშ ოსურიოშ დო ქომოლკოჩიშ ღოზიშ მაჸვენჯ დიზაინერო სუმ წანაშ ქიმუშჷ. დუდენდჷ „H&M & Margiela“-შ კოლაბორაციას 2012 წანას. უკული მიარზიუეს წოროხანდა „Louis Vuitton“-იშ კრეატიული დირექტორიშე, მარკ ჯეიკობსიშე. მაღალი გასწორებაშ დო ჯგირი პიჯალეფიშ უმკუჯინალო, გვასალიას ლუი ვიტონს მუშობაქ ვემეწონჷ დო მუშ მაჸალეეფწლჷმა (Margiela-შე) ართო, გაჭყჷ დორხველი ბრენდი, „Vetements“ (ფრანგულო „მუკაქუნალი“).[3]
2015 წანაშ გჷმათუთას, დემნა „Balenciaga“-შ გოჭყაფურ დირექტორო ქჷდარინეს. [4][5]
ჯილდოეფი
რედაქტირაფა2016 წანას, გიშაშქუმალა „Business of Fashion“-ქ დემნა გვასალია წანაშ პერსონათ აღიარჷ. 2016 წანაშ „Fashion Awards“-იშ დოჯილდაფას თიქ წანაშ ზათი მუკაქუნალიშ ოერეფოშქაშე დიზაინერიშ ჯილდო გეჭოფჷ, „Vetements“-იქ წანაშ ოერეფოშქაშე ნოღურ ლუქს კლასიშ ბრენდო გჷნირთუ.
- საქორთუოშ ჭარაფაშ მენდალი (2021) „მოდაშ სფეროს წჷმოძინელი მოღალობაშ დო ხურგაშ გალე საქორთუოშ პოპულარიზაციაშო მიშნაღელი პიჯული თიაშ გეშა“[6]
- უკრაინაშ III ხარისხიშ ორდენი „დოინალაფაშო“ (2022) „შანულამი პიჯული დოინალაფაშო ოერეფოშქაშე წოროხანდაშ განმტკიცებაშ, უკრაინაშ სახენწჷფო სუვერენიტეტიშ დო ტერიტორიული თელუანობაშ ხუჯიშ დოკინაშ დო უკრაინაშ სახენწფოშ პოპულარიზაციაშო შანუყლამი თიაშ გეშა“[7]
- ქართიშ პატჷცემული მენოღალე (2022)[8]
რესურსეფი ინტერნეტის
რედაქტირაფასქოლიო
რედაქტირაფა- ↑ The Greats: Demna. The New York Times.
- ↑ Demna Gvasalia, creative Director of Balenciaga. Kerring.
- ↑ Miles Socha (September 16, 2019). EXCLUSIVE: Demna Gvasalia Exits Vetements. WWD.
- ↑ Milligan, Lauren (October 7, 2015) Vetements Designer Named At Balenciaga Archived 2016-08-23 ვებ-ხასჷლას Wayback Machine. Vogue
- ↑ Cartner-Morley, Jess (October 7, 2015) Balenciaga appoints Demna Gvasalia as new creative director The Guardian
- ↑ “სალომე ზურაბიშვილმა დემნა გვასალია ღირსების მედლით დააჯილდოვა“, On.ge, 27 სექტემბერი, 2021. კითხირიშ თარიღი: 3 ოქტომბერი, 2022. (ka)
- ↑ “Зеленский наградил Демну Гвасалия за поддержку Украины“, Новости Грузия, 29 აგვისტო, 2022. კითხირიშ თარიღი: 3 ოქტომბერი, 2022. (ru)
- ↑ “საპატიო თბილისელის ჯილდო 20 ადამიანს გადაეცა“, netgazeti.ge, 2 ოქტომბერი, 2022. კითხირიშ თარიღი: 3 ოქტომბერი, 2022. (ka)