დენიელ კრეიგი
დენიელ რაფტონ კრეიგი[1] (დ. 1968 წანაშ 2 მელახის) — ინგლისარი არტისტი, არძაშე უმოსო ჩინებული 2006 წანაშე, ბრიტანალი ფულირი აგენტიშ, ჯეიმზ ბონდიშ, როლით.
| დენიელ კრეიგი | |
 კრეიგი ფილმიშ „სკაიფოლი“ პრემიერას სიდნეის, 2012 წანაშ 16 გერგობათუთას | |
| დაბადებაშ ჯოხო | დენიელ რაფტონ კრეიგი |
| დაბადებაშ აბანი | ჩესტერი, ჩეშირი, ინგლისი |
| დებადჷ | 2 მელახი, 1968 |
| საქვარუა | არტისტი |
| აკოქიმინჯალაშ წანეფი | 1992–ასეშა |
| ალმასქუ(ეფი) | ფიონა ლაუდონი (1992–1994) რეიჩელ ვაისი (2011-ამდღარშა) |
ბიოგრაფია
რედაქტირაფაკრეიგი ერუანული ახალური თეატრიშ ჸოფილი სტუდენტი რე, ნამუქჷთ ხოლო ლონდონიშ მუსიკაშ დო დრამაშ გილდიაშ სკოლა გათუ დო ოსცენე კარიერა დიჭყჷ. თიშ ორდოიან როლეფს შქას ოშინალი რე „ართიშ ნძალა“, „ბოში მაფა ართურიშ კარს“ დო „ელისაბედი“. ოტელევიზიე როლეფს შქას ჩინებული რე „შარპიშ არწი“ დო „ზორო“. ბრიტანულ ფილმეფქ „ჸოროფა ეშმაკი რე“, „ტრანშეა“ დო „მუდგარენ ხონარეფი“ ინდუსტრიაშ თოლჸუჯი მიკიჭოფუ, მუსჷთ მაჸუნ როლეფქ უმოს მასშტაბურ ფილმეფს - „ლარა კროფტი: ონთხორუეფიშ მარჩვალი“, „ჭყელი შარა“, „ფამ ჭვილი“ დო „მიუნხენი“.
ოერეფოშქაშე წჷმოძინა კრეიგიქ მიპალუ ჯეიმზ ბონდიშ როლს გიშაგორუას, მუთით თიქ პირს ბროსნანს დოთირუ. დუდშეიანი სკეპტიკური არზეფიშ უმიკუჯინუო , თიში დებიუტიქ ფილმის „კაზინო როიალი“ დადებითო იჸუ ფასებულქ დო მუღჷ BAFTA-შ ჯილდო მაჸონაფალი როლიშ საუჯგუშო არტისტიშო. ამდღარშო ათე ფილმი ბონდიშ არძა ფილმის შქას არძაშე მაღალი მიშმალუამი რე. „პოტიკი ნიგეში“, უკულ ფილმი, გიშართჷ ჟირი წანაშ უკული, „სკაიფოლი“ - 2012 წანაშ 23 გჷმათუთას,[2] მორო გიშართჷ გვიანო, MGM-იშ ფინანსური პრობლემეფიშ გეშა.[3] კრეიგიქ ბონდიშ როლს ხოლო გიშარჩქინდჷ 2012 წანაშ ზარხულიშ ოლიმპიური ლაჸაფეფიშ ცერემონიაშ გონწყჷმას, დიაფალ ელისაბედ II-შ მარქაფაშ სახეთ. ბონდიშ როლიშ მიღებაშ უკული კრეიგი შხვა ფილმეფსჷთ რჩქინდუდჷ. თინეფ შქას ოშინალი რე ეკონია პერიოდის რომანიშ „ძღაბი დრაკონიშ ტატუთ“ 2011 წანაშ ეკრანიზაცია.
ფილმოგრაფია
რედაქტირაფა| წანა | მარგალურო | ოდაბადური ჯოხოდვალა | როლი | |
|---|---|---|---|---|
| 1992 | ფ | ართიშ ნძალა | The Power of One | სერჟანტი ჯეიპი ბოთა |
| 1993 | ს | ზორო | Zorro | ლეიტენანტი იდალგო |
| 1995 | ფ | ბოშ მაფა ართურიშ კარს | A Kid in King Arthur's Court | მასტერ კეინი |
| 1998 | ფ | ჸოროფა ეშმაკი რე: ფრენსის ბეიკონიშ პორტრეტიშ მუნაღოზეფი | Love Is the Devil: Study for a Portrait of Francis Bacon | ჯორჯ დაიერი |
| 1998 | ფ | ელისაბედი | Elizabeth | ჯონ ბალარდი |
| 1999 | ფ | ტრანშეა | The Trench | სერჟანტი ტელფორდ ვინტერი |
| 2000 | ფ | მუდგარენ ხონარეფი | Some Voices | რეი |
| 2001 | ფ | ლარა კროფტი: ონთხორუეფიშ მარჩვალი | Lara Croft: Tomb Raider | ალექს ვესტი |
| 2002 | ფ | ჭყელი შარა | Road to Perdition | კონორ რუნი |
| 2003 | ფ | სილვია | Sylvia | ტედ ჰიუზი |
| 2003 | ფ | დიდა | The Mother | დარენი |
| 2004 | ფ | ფამ ჭვილი | Layer Cake | XXXX |
| 2005 | ფ | მიუნხენი | Munich | სტივი |
| 2006 | ფ | კაზინო როიალი | Casino Royale | ჯეიმზ ბონდი |
| 2007 | ფ | ორქოშ კომპასი | The Golden Compass | ლორდ ასრიელი |
| 2008 | ფ | მუთა მოლექინაფა | Quantum of Solace | ჯეიმზ ბონდი |
| 2011 | ფ | ძღაბი დრაკონიშ ტატუთ | The Girl with the Dragon Tattoo | მაიკლ ბლუმკვისტი |
| 2012 | ფ | სკაიფოლი | Skyfall | ჯეიმზ ბონდი |
| 2015 | ფ | სპექტრი | Spectre | ჯეიმზ ბონდი |
პიჯული რინა
რედაქტირაფაკრეიგი გურგინუას რე არტისტი რეიჩელ ვაისწკჷმა[4], მაჟირა ალმასქუწკჷმა. წოხოლენ ალმასქუ ფიონა ლაუდონიშე თის ჸუნს ცირასქუა ელა. 2006 წანას კრეიგიქ აკათჷ კინოხელუანუაშ დო მენცარობეფიშ აკადემიას.
რესურსეფი ინტერნეტის
რედაქტირაფა
სქოლიო
რედაქტირაფა- ↑ GRO Birth Registration Index. Ancestry.co.uk. კითხირიშ თარიღი: 17 February 2009.
- ↑ IMDB Release Info. imdb.com. კითხირიშ თარიღი: 14 October 2012.
- ↑ Hoyle, Ben. “'Best Bond ever' vanquishes his greatest foe – the critics“, The Times, 15 November 2006. კითხირიშ თარიღი: 15 November 2006.
- ↑ Daniel Craig and Rachel Weisz get married. guardian.co.uk (26 June 2011). კითხირიშ თარიღი: 13 October 2012.