დენის რითჩი
დენის მაკალისტერ რითჩი (ინგლ. Dennis MacAlistair Ritchie; დ. 9 ეკენია, 1941, ბრონქსვილი, ნიუ-იორკი, ააშ — ღ. 12 გჷმათუთა, 2011, ბერკლი-ჰაიტსი, ნიუ-ჯერსი, ააშ) — ამერიკალი ინფორმატიკოსი.
| დენის რითჩი | |
| ინგლ. Dennis Ritchie | |
 დენის რითჩი 2011 წანას | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
გჷმათუთა 12, 2011 (70 წანერი) |
| ღურაშ აბანი: |
ბერკლი-ჰაიტსი, ნიუ-ჯერსი, ააშ |
| მენოღალობა: | |
| ომენცარე სფერო: | |
| სამუშაშ აბანი : | |
| ალმა-მატერი: | |
| ჯილდოეფი დო პრემიეფი: |
ემანუელ პიორიშ პრემია (1982) |
ბიოგრაფია
რედაქტირაფადენის რითჩიქ დებადჷ 1941 წანაშ 9 ეკენიას. გურაფულენდჷ ფიზიკას დო მათემატიკას ჰარვარდიშ უნივერსიტეტის, სოდეთ თხილუ ოდოქტორე დისერტაცია 1968 წანას, პატრიკ კარლ ფიშერიშ ხემანჯღვერობათ. დენის რითჩი მუშენდჷ ბელიშ ლაბორატორიას დო კომპანია Lucent-ის. რითჩი რე ავტორი C პროგრამირაფაშ ნინაშ. რითჩიქ, კოლეგა კენ ტომფსონიწკჷმა ართო აკადგინჷ Unix-იშ ოპერატიული სისტემა დო B პროგრამირაფაშ ნინა. ჸათე დო შხვა კომპიუტერული კონტრიბუციაშ გეშა კომპიუტერული ტექნიკაშ ასოციაციაქ რითჩის დო ტომფსონს გინოჩჷ პრესტიჟული ჯილდო ტიურინგიშ პრემია. რითჩი რდჷ კომპანია Lucent-იშ პროგრამული სისტემეფიშ რკვიებაშ დეპარტამენტიშ დირექტორი. დენის რითჩი ბრაიან კერნიგანიწკჷმა ართო, რდჷ კომპიუტერული პროგრამირაფაშ წინგიშ K&R-იშ ავტორი. ინფორმატიკაშ მენცარობაშ ისტორიკოსიშ პოლ სერუზიშ აზრით, კომპიუტერს მიკროსკოპით ქინვოჯინათინჷ, ირ დიხას ბძირუნთ დენის რითჩიშ ნახანდის. დენის რითჩიქ ღურუ 2011 წანას, 70 წანერქ. რითჩიშ ჯოხონობაშ რე ართ-ართი ასტეოიდი.
ჯილდოეფი დო პრემიეფი
რედაქტირაფა- ემანუელ პიორიშ პრემია (1982)
- ტიურინგიშ პრემია (1983)
- C&C პრემია (1989)
- ტექნოლოგიაშ ერუანული მენდალი (1998)
- რიჩარდ ჰემინგიშ მენდალი (1990)
- კომპიუტერული ტექნიკაშ პიონერიშ პრემია (1994)
- კომპიუტერიშ ისტორიაშ მუზეუმიშ მაკათური (1997)
- ჰაროლდ პენდერიშ პრემია (2003)
- იაპონიაშ პრემია (2011)
რესურსეფი ინტერნეტის
რედაქტირაფა
- დენის რითჩიშ ოფიციალური ხასჷლა ბელიშ ლაბორატორიაშ ვებსაიტის
- "The C Family of Languages: Interview with Dennis Ritchie, Bjarne Stroustrup, and James Gosling" – article in Java Report, 5(7), July 2000 and C++ Report, 12(7), July/August 2000
- Dennis Ritchie's video interview June 2011
- დენის რითჩი ბიბლიოთეკაშ WorldCat კატალოგის
- დენის რითჩი — Find a Grave-ს