დიანე კრუგერი (გერმ. Diane Kruger; დ. 15 კვირკვე, 1976, ალგერმისენი, გერმანია) — გერმანალი არტისტი დო ჸოფირი მოდელი. საირქიანო ჩინებაქ აშუ „ტროას“ (2004) გასახიერებული ელენეშ როლით დო „გენაძახა ნაფეშერეფს“ რსულებური ბრიჯითიშ როლით. დიანეს შხირო უძახუნა „დაიანით“ — თიში ჯოხოშ ინგლისური ვარიანტიშ მეჯინათ.

დიანე კრუგერი

კრუგერი 2014 წანას
დაბადებაშ ჯოხო დიანე ჰეიდკრუგერი
დაბადებაშ აბანიალგერმისენი, ბჟადალი გერმანია
დებადჷ 15 გერგობათუთა, 1976 (1976-11-15) (47 წანერი)
საქვარუა არტისტი, მოდელი
აკოქიმინჯალაშ წანეფი 1992–ასეშა

ბიოგრაფია რედაქტირაფა

დიანექ გერმანიაშ დაბა ალგერმისენს დებადჷ ჰაიდკრუგერიშ გვარით. დიამუში მარია-თერეზა ბანკიშ მამუშე რე, მუამუში ჰანს-ჰაინრიხ ჰაიდკრუგერი კომპიუტერეფიშ სპეციალისტი. დიანე რომაულ-კათოლიკური ზალამით მირდჷ დო კათოლიკური სკოლა გათუ. დიანეშ ალკოჰოლი 20 წანაშა ნამორსებუ ვაფუდჷ, თიშენ ნამდა მუამუშიშე ვართ ფერი ონჯარაფალი მაგალითი უღუდჷ თოლიშწოხოლე. დიანეწკჷმა ართო ირდუდჷ თიში უკლაში ჯიმა შტეფანი. დიამუშიქ ხირასქუა სტუდენტურ გოთირუათ პროგრამას მახვამილუ, თიშენ ნამდა დიანეშ ინგლისური ნინაშ რჩქინა გუუჯგუშებუდუკონ. მარდუობას დიანეს ბალერინობა ოკოდჷ, ათეშენ ლონდონიშ ომაფე ობალეტე სკოლას ქინიჭარჷ კურსეფს, მარა კუჩხი იწყუნუ დო ბალერინაშ კარიერასჷთ დეთხუ. დიანექ პარიზიშა მიდართჷ დო მოდელიშ კარიერა დიჭყჷ.

კარიერაშ დაჭყაფური რედაქტირაფა

1991-92 წანეფს დიანექ სერიოზული ნობიჯგუ გინოდგჷ მოდაშ ბიზნესის. თიქ პრესტიჟულ კონკურს "წანაშ მეჯინას" ქაკათჷ დო მაართა აბანი დეკინჷ. დიანექ ფოტომოდელქ იჸუ დო ოაგენტე „Elite“-წკჷმა გაფორმჷ კონტრაქტი. დიანექ თიჯგურა გრანდეფიშ ბარგიში ძირაფა დიჭყჷ, მუჭომეფით რენა: Christian Dior, Yves Saint Laurent, Jil Sander, Dolce & Gabbana, Armani. პოდიუმიშ მეტი, დიანე რჩქინდუდჷ ჟურნალეფიშ „Vogue“ დო „ELLE“ კაბრას. ათეშ უკულ თიქ გინოჭყვიდჷ კინოს უცადებუდუკო ბედი.

1997 წანას თიქ ლუკ ბესონიშ „მახუთა ელემენტიშ“ გინოღალას მორსებეფი მიკილჷ, მარა თიმწკჷმა ფრანგული ნინაშ უბაღებუ რჩქინაშ გეშა როლქ ვემიაჩჷ. მორო წორას ბესონქ ალუჩჷ დიანეს გვარი დაუკუნტარებუდუკო დო კრუგერი ქოჸოფედუკო. პარიზის რდჷნ, École Florent-იშ არტისტიშ ორსანტობაშ კურსეფიშ მიკულა დიჭყჷ დო პედაგოგეფიშ ცქვაფა დეინალჷ.

დინეშ დებიუტიქ 2002 წანას იჸუ აკაბუცხაბიუჯეტამ ფილმის „ვირტუოზი“, ნამუთ რეჟისორქ ჟან-პიერ რუქ გინიღჷ, თარი როლეფს დენის ჰოპერი დო ქრისტოფერ ლამ,ბერტი რდესჷ დაკინებულეფი. ფილმიშ პრემიერაქ თურქულ ტელეარხის რდჷ, მუში უკულით VHS-იშ დო DVD-ს ინიჭარჷ დო შხვადოშხვა ქიანეფს გიმიჩჷ ჭიჭე ტირაჟეფით. ფილმის 2002 წანას ხოლო ართი ეპიზოდურ როლქ მაჸუნჷ სედრიკ კლაპიშიშ ფილმის "ვართ ჰოია დო ვართ მოვარიე (გვალო კვარჩხიშე)". 2003 წანაქ დასურო წჷმოძინელქ იჸუ დიანეშო — ფილმიქ „მიშელ ვალიანი — სიჩქარეშ ჸუმენი“ თისი ევროპაშ მასშტაბით ჩინება მეჩჷ.

ჭარაფა რედაქტირაფა

 
2009 წანაშ ვენეციაშ კინოფესტივალს

მოსოფელი ფასებაქ არტისტის 2004 წანას ეჭანუ, მუჟამსჷთ მეჸუნელო 4 ფილმის ქაკათჷ, თინეფ შქას, ისტორიული ფილმიშ „ტროაშ“ გინოღალას წჷმოძინათ მიკილჷ გიშაგორუა დო ელენეშ როლი მიღჷ. დიანეწკჷმა ართო ფილმის ჰოლივუდიშ მაართა კლასიშ თიჯგურა არტისტეფი არსულენა როლეფს, მუჭომეფით რენა: ბრედ პიტი, შონ პენი, ორლანდო ბლუმი დო შხვეფი.

მორო თე როლი დიანეს ანდვილო ვაშუ, თიშენ ნამდა ელენეშ სხუნუს 3000 ოსურქ მიკილჷ მორსებეფი. გინმაჭყვადალი ფაქტორი თიქი იყუ, ნამდა ელენე ძალამ სქვამი, მარა უჩუნებ არტისტ ოსურს ოკო უსახიერებუდუკო. რეჟისორ ვოლფგანგ პეტერსონიშ მოთხუალათ, დიანეს 7 კგ მაძინალქ აყუ, ელენექ ეკრანს უმოსო ბისქვალქ გიშარჩქინდუკონ. მორო დიანეშ ოკიბირალქ გამართჷ, 2004 წანას მოსოფელიშ ეკრანეფს გიშულირი „ტროაქ“ 500 მლნ დოლარი მოუღჷ. პრემიერაშ უკული პრესაქ დიანეშ „ჰოლივუდიშ მეგორუა“ გიოდჷ. თიში უკული დიანექ მიარე მაღალბიუჯეტამ ფილმის აკათჷ, მარა მაჟირა გიშახონარებაქ ფილმი იშენი კვენტინ ტარანტინოშ გენაძახა ნაფეშერეფი რე, ნამუქჷთ 2009 წანას გიშართჷ მოსოფელიშ ეკრანეფს.

რესურსეფი ინტერნეტის რედაქტირაფა