დიმაშ კუდაიბერგენი
დინმუჰამედ კანატული კუდაიბერგენი (ჩინებული, მუჭოთ დიმაშ კუდაიბერგენი, დ.24 მესი, 1994, აქტობე, ყაზახეთი) — ყაზახი მობირე, კომპოზიტორი დო მულტიინსტრუმენტალისტი.
| დიმაშ კუდაიბერგენი ყაზახ. Дінмұхаммед Құдайберген | ||
|---|---|---|
 დიმაშ კუდაიბერგენი, 2019 წანა | ||
| ბიოგრაფია | ||
| თახმი ჯოხო | Дінмұхаммед Қанатұлы Құдайберген დინმუჰამედ კანატული კუდაიბერგენი | |
| დებადჷ | 24 მესი, 1994 | |
| დაბადებაშ აბანი | აქტობე, ყაზახეთი | |
| ჟანრ(ეფ)ი | * პოპ-მუსიკა | |
| საქვარუა | მობირე | |
| ობირეში ხონარი | კონტრატენორი, ბარიტონული ტენორი | |
| ინსტრუმენტ(ეფ)ი | დომბრა, ფორტეპიანო, მიოგამალი მუსიკალური ინსტრუმენტეფი | |
| აქტიური | 2014 წანაშე ასეშა | |
| ვებ-ხასჷლა | ოფიციალური ვებ-ხასჷლა | |
დიმაშ კუდაიბერგენქ პოპულარობა მიპალუ ჩინურ ტელეშოუს სინგერ-2017 კათაფათ, ნამუთ 21 ღურთუთაშე 22 პირელიშამო მიშჷ 2017 წანას. ნდიებას თიქ ფინალშახ ქიმიოჭირინუ დო მაჟირა აბანი დეკინჷ. დიმაშიქ მაართა ბანი მიპალუ მაართა, მაჟირა დო მაამშვა გიშულას, ბირეფით - SOS d’un terrien en détress, ადაჟიო, ოპერა 2. თიშ კონკურსშა გიშულაქ დო სინგლიქ პოპულარულ რსულებეფს შქას მოხვადჷ. დიმაშიშ ბირაქ Eternal Memories გიშულაშ დღას QQ iTunes-ის მაართა აბანი დეკინჷ. თინა რე კინოფილმიშ შინეფწკჷმა ბურჯაფიშ ბირა. 2017 წანას დიმაშიქ მიარე შოუს დო ღონისძიებას გიშარჩქინდჷ მუჭოთ ჩინეთის, თაშნეშე ყაზახეთის დო საფრანგეთის. 2017 წანაშ 27 მანგის ნოღა ასტანას, ყაზახეთის იმანჯჷ დიმაშიშ მაართა სოლო კონცერტიქ, ნამუსჷთ 30 000 ადამიერი ოკათუდჷ. მაჯინეეფიშ ფასებათ ჯგირი რდჷ. 2017 წანას, კუდაიბერგენქ მიღჷ მუსხირენი მუსიკალური პრემია, თინეფს შქას საუჯგუშო აზიალი არტისტიშ წოდება მიღჷ ეჩდომაართა ჩინურ პრემიას. თაშნეშე არძაშე პოპულარული ურცხოალი მობირეშ წოდება Tencent MTV Asia-შ მუსიკალურ ფესტივალს.
რესურსეფი ინტერნეტის
რედაქტირაფა
|
ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ. |