დონგი

დონგი — ოდიარამი ჩანარეფი ლუყუშობურეფიშ ფანიაშ Sinapis დო Brassica-შ გვარეფშე. Sinapis გვარი იკათუანს 7-10 ართწანიან ვარდა ოშა-გოშათ, მიარეწანიან გვარობას. გოფაჩილი რე ევროპას, ოორუე აფრიკას დო აზიას. უმენტაშო ჟვერი ჩანარეეფი რე. ჸოფილ სსრრ-ს თიში 2-3 გვარობა რდჷ, საქორთუოს — 2: ჩე დონგი (Sinapis alba) ირდუ მინდორეფს დო მოჩაჩანელ აბანეფს, გვალაშ შქა ორტყაფუშახ. მინდორიშ დონგი (Sinapis arvensis) ნათასეფიშ ჟვერი რე დო კანკალეშა რზაშ პიჯეფს დო ორტვინეფსჷთ მუთმოფხვადჷნა. Brassica-შ გვარშე დონგის ორხველჷ სარეპტიშ დონგი (Brassica juncea), ნამუშ სიმაღალა 1,5 მ-შახ რე. მოჸუნა ევროპას დო აზიას. ჩქინწკჷმა ნათასეფიშ ჟვერი რე. ირდუ აფხაზეთის დო აჭარას. უჩა დონგი (Brassica nigra) მოჸუნა მორჩილ აზიას, ევროპას დო ამერიკას. ჸოფილ სსრრ-ს ჟვერი რე.

დონგი მოჸუნა თასშე ზეთიშ მიოღებელო (სარეპტიშ დონგიშ თასის 35-40% ზეთი რე, ჩე დონგის — 25-34%), თაშნეშე გიმირინუანა ქობალიშ ოჭვალ, საკონდიტრო, საკონსერვო დო საპარფიუმერიო რეწუალას. დონგიშ კოპტონშე აკეთენა დონგიშ ქარღადის დო სუფრაშ დონგის. სარეპტიშ დონგის ძირხვამ დო ფურცელამ ჯიშეფს ორტვინობაშნერო ჭკომჷნა. ჩე დონგის ჭოტეფიშ წჷმოქიმინუაშა შილებე ორინჯიშ ოჩამალო გიმორინაფა. საქორთუოს ფურცელამი დონგი მპჸუნა ოსალათეთ.

ლიტერატურა

• ქორთული სხუნუეფიშ ენციკლოპედია, ტ. 6, ხს. 530-532, ქართი, 1983 წანა.