ედვარდ ალბერტ შარპეი-შაფერი
ედვარდ ალბერტ შარპეი-შაფერი (ინგლ. Sir Edward Albert Sharpey-Schafer; დ. 2 მანგი, 1850, ჰორნზი, მიდლსექსი, ინგლისი — ღ. 29 მელახი, 1935, ნორთ-ბერიკი, ისტ-ლოტიანი, შოტლანდია) — ინგლისარი ფიზიოლოგი. შარპეი-შაფერიქ ჯორჯ ოლივერიწკჷმა ართო ძირუ დო გიმირკვიუ ადრენალინი. შარპეი-შაფერიქ მიშეღჷ ტერმინეფი "ენდოკრინული" დო "ინსულინი". აკიმუშუ ხელუანური შურიშღალაშ ახალი მეთოდი, ნამუსჷთ შაფერიშ მეთოდის უძახჷნა. შარპეი-შაფერი მერჩქინელი რე ენდოკრინოლოგიაშ დუმარსხუაფალო.
| ედვარდ ალბერტ შარპეი-შაფერი | |
| ინგლ. Edward Albert Sharpey-Schafer | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
მელახი 29, 1935 (84 წანერი) |
| ღურაშ აბანი: | |
| მენოღალობა: | |
| ომენცარე სფერო: | |
| სამუშაშ აბანი : | |
| ალმა-მატერი: | |
| ომენცარე ხემანჯღვერი: | |
| ჯილდოეფი დო პრემიეფი: |
ომაფე მენდალი (1902) |
.svg){kind=small}
ედვარდ ალბერტ შარპეი-შაფერი გურაფულენდჷ ლონდონიშ ოუნივერსიტეტე კოლეჯის, სოდეთ თიში ომენცარე ხემანჯღვერი რდჷ გიშარჩქინელი ინგლისარი ფიზიოლოგი უილიამ შარპეი. გურაფაშ თებაშ უკულ შარპეი-შაფერი მუშენდჷ ომაფე ინსტიტუტიშ ფიზიოლოგიაშ პროფესორო. 1899 წანაშე მუშენდჷ ედინბურგიშ უნივერსიტეტიშ ფიზიოლოგაშ პროფესორო. 1933 წანაშე რდჷ ედინბურგიშ უნივერსიტეტიშ პროფესორი-ემერიტუსი. 1878 წანას შარპეი-შაფერიქ გინირთჷ ლონდონიშ ომაფე ჯარალუაშ მაკათურო. 1902 წანაშე რდჷ ედინბურგიშ ომაფე ჯარალუაშ მაკათური. შარპეი-შაფერი რდჷ ბრიტანეთიშ ფსიქოლოგიური ჯარალუაშ ართ-ართი დუმარსხუაფალი. 1911-1912 წანეფს მუშენდჷ ბრიტანეთიშ მენცარობეფიშ ასოციაციაშ პრეზიდენტო დო 1912 წანას ბრიტანეთიშ მედიცინაშ ასოციაციაშ პრეზიდენტო. 1913 წანას ბრიტანეთიშ მაფა ჯორჯ V-ქ შარპეი-შაფერის გინოჩჷ რაინდიშ ტიტული. ედვარდ ალბერტ შარპეი-შაფერი რდჷ ომაფე მენდალიშ, კოპლიშ მენდალიშ დო კამერონიშ პრემიაშ ლაურეატი.
გიშნაგორა პუბლიკაციეფი
რედაქტირაფა- A Course of Practical Histology (1877)
- Essentials of Histology (1885)
- Advanced Text-Book of Physiology by British Physiologists (1898)
- Experimental Physiology (1910)