ლონდონიშ ოუნივერსიტეტე კოლეჯი
ლონდონიშ ოუნივერსიტეტე კოლეჯი (ინგლ. University College London, UCL) — ოჯარალე უნივერსიტეტი ლონდონს, გოართოიანაფილი ომაფეს. ლონდონიშ ოუნივერსიტეტე კოლეჯი ლონდონიშ ფედერალური უნივერსიტეტიშ მაკათური ინსტიტუტი რე. ლონდონიშ ოუნივერსიტეტე კოლეჯიქ დირსხუ 1826 წანას დო თინა რდჷ ლონდონიშ მაართა ომენცარე ინსტიტუტი დო ინგლისიშ მაართა სეკულარული უნივერსიტეტი. სიჯვეშათ ლონდონიშ ოუნივერსიტეტე კოლეჯი ინგლისიშ მასშტაბით მასუმა რე დო თინა რდჷ მაართა უნივერსიტეტი ნამუთ ოსურეფს ხოლო ღებულენდჷ.
| ლონდონიშ ოუნივერსიტეტე კოლეჯი ინგლ. University College London | |
 .jpg)
| |
| დევიზი | Cuncti adsint meritaeque expectent praemia palmae (ლათ.) |
|---|---|
| დირსხუ | 1826 |
| ტიპი | ოჯარალე |
| ფონდეფი | £ 1.544 მლრდ. (2020) |
| წორომახანდე | 4,620 (აკადემიური) |
| კანცლერი | ანა (ომაფე პრინცესა) |
| პროვოსტი | მაიკლ ჯეიმს სპენსერი |
| სტუდენტი | 41,095 (2019) |
| ორენი | .svg){kind=small} ლონდონი, ინგლისი, გოართოიანაფილი ომაფე
|
| კამპუსი | ურბანული |
| საიტი | ucl.ac.uk |
ლონდონიშ ოუნივერსიტეტე კოლეჯის შხვადოშხვა წანეფს შხვადოშხვა ინსტიტუტუცია მიაძინუდჷ. 1995 წანას უნივერსიტეტის ქიმიაძინჷ ოფთალმოლოგიაშ ინსტიტუტიქ, 1997 წანას ნევროლოგიაშ ინსტიტუტიქ, 1998 წანას ომაფე ზოხორინელ ჰოსპიტალქ, 1999 წანას ისტმენიშ სტომატოლოგიურ ინსტიტუტიქ დო ბჟაეიოლი ევროპაშ რკვიებეფიშ ცენტრიქ, 2012 წანას ფარმაციაშ სკოლაქ დო 2014 წანას გონათაფაშ ინსტიტუტიქ.
ლონდონიშ ოუნივერსიტეტე კოლეჯიშ თარი კამპუსი იდვალუაფჷ ცენტრალურ ლონდონს, ბლუმსბერიშ რაიონს. უნივერსიტეტი იკათუანს 11 ფაკულტეტის დო დოხოლაფირო 100 დეპარტამენტის, ინსტიტუტეფს დო რკვიებეფიშ ცენტრეფს. ლონდონიშ ოუნივერსიტეტე კოლეჯი ადმინისტრირენს შხვადოშხვა ტიპიშ მუზეუმეფს: პეტრიშ ეგვიპტური არქეოლოგიაშ მუზეუმს, გრანტიშ ზოოლოგიაშ დო ანატომიაშ მუზეუმს დო შხვეფს. უნივერსიტეტი ადმინისტრირენს ორუელიშ პრემიას, ნამუთ ირწანური პრემია რე პოლიტიკური ჭარალუაშ დარგის.
2019 წანაშ მუნაჩემეფით ლონდონიშ ოუნივერსიტეტე კოლეჯის ჸუნს 41,095 სტუდენტი. სტუდენტეფიშ მუდანობათ უნივერსიტეტი რე მაჟირა გოართოიანაფილ ომაფეს. უნივერსიტეტის ჸუნს 4,620 აკადემიური პერსონალი დო 5,375 ადმინისტრაციული პერსონალი. უნივერსიტეტიშ ფინანსური მუშნალი დოხოლაფირო 1,5 მლრდ. ფუნტი სტერლინგი რე, ჸათავრეშე 468 მილიარდი გრანტეფიშე დო კონტრაქტეფიშე რე.
ლონდონიშ ოუნივერსიტეტე კოლეჯი რე მაკათური შხვადოშხვა აკადემიური ორგანიზაციეფიშ: რასელიშ ბუნაშ, რკვიებეფიშ ევროპული უნივერსიტეტეფიშ ლიგაშ დო შხვა ორგანიზაციეფიშ.
2020 წანაშ მუნაჩემეფით ლონდონიშ ოუნივერსიტეტე კოლეჯიშ კურსნათებუეფი დო უნივერსიტეტიწკჷმა აფილირებულეფი რდეს: ნობელიშ პრემიაშ 34 ლაურეატი დო ფილდსიშ მენდალიშ 3 ლაურეატი. უნივერსიტეტის გურაფულენდეს: მაჰათმა განდი, ალექსანდერ გრეიამ ბელი, ფრენსის კრიკი, ჯონ სტიუარტ მილი, ალფრედ ედვარდ ჰაუამანი, უილიამ სტენლი ჯევონსი, მარი სტოპსი, რაბინდრანათ თაგორი, ჯოზეფ ლისტერი, ოტო ჰანი, პიტერ ჰიგსი, კრისტოფერ ნოლანი დო შხვა გიშარჩქინელი ადამიერეფი.
ლიტერატურა
რედაქტირაფა- Bellot, H. Hale (1929). University College, London 1826–1926. London: University of London Press.