ედვარდ ბერნეტ ტაილორი
სერ ედვარდ ბერნეტ ტაილორი (ინგლ. Sir Edward Burnett Tylor; დ. 2 გჷმათუთა, 1832, კამბერუელი, ლონდონი, ინგლისი — ღ. 2 ღურთუთა, 1917, უელინგტონი, სომერსეტი, ინგლისი) — ინგლისარი ანთროპოლოგი, კულტურული ანთროპოლოგიაშ დუმარსხუაფალი.
| ედვარდ ბერნეტ ტაილორი | |
| ინგლ. Edward Burnett Tylor | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
ღურთუთა 2, 1917 (84 წანერი) |
| ღურაშ აბანი: |
უელინგტონი, სომერსეტი, ინგლისი |
| მენოღალობა: | |
| ომენცარე სფერო: | |
| სამუშაშ აბანი : | |
| ალმა-მატერი: | |
| ჩინებული რე მუჭოთ: |
კულტურული ანთროპოლოგიაშ დუმარსხუაფალი |
| ჯილდოეფი დო პრემიეფი: |
ომაფე ჯარალუაშ მაკათური (1871) |
.svg){kind=small}
ტაილორიშ იდეეფქ დიდი გოლინა იღვენუ XIX ოშწანურაშ კულტურული ევოლუციონიზმიშ გოვითარაფაშა. მუში ნახანდეფს პრიმიტიული კულტურა (1871) დო ანთროპოლოგია (1881) ტაილორი ეთმოჭარუნს ანთროპოლოგიური რკვიებეფიშ დეფინიციას. თიში აზრით არძო რელიგიაშო დო ჯარალუაშო არსებენდჷ ფუნქციური, უნივერსალური ბაზისი. ტაილორიშ ნტკიცებათ არძო ჯარალუა მიკმიშჷ გოვითარაფაშ სუმი სტადიას: ტყარულს, ბარბაროსულს დო ცივილურს.
ტაილორი რდჷ სოციალური ანთროპოლოგიაშ ართ-ართი დუმარსხუაფალი. ტაილორიშ რკვიებეფქ დო იდეეფქ მიშეღჷ დიდი კონტრიბუცია XIX ოშწანურაშ ანთროპოლოგიაშ გოვითარაფაშა. ტაილორიშ აზრი პრეისტორიაშ რკვიებას უღუდჷ დიდი შანულობა მუშენდა შილებედჷ თიში გიმორინაფა ბრიტანული ჯარალუაშ რეფორმირაფაშო.
ტაილორიქ აკეთჷ ტერმინი ანიმიზმიშ თეხანური დეფინიცია. თის ანიმიზმი რელიგიაშ გოვითარაფაშ დაჭყაფურო მიოჩქუდჷ.
ედვარდ ბერნეტ ტაილორიქ დებადჷ ლონდონს დინდარი კვაკერეფიშ ფანიას. გურაფულენდჷ გროუვ-ჰაუსიშ სკოლას, ნამუთ ვაუთებუ. 23 წანერი რდუნ თეშ ტუბერკულოზით ქიდელახჷ დო კურნალობაშ გეშათ 1855 წანას ამერიკაშა მიდართჷ. ამერიკას შარალუას ბორჯის თიქ გეჩინებაფუ ეთნოლოგი დო არქეოლოგი ჰენრი კრისტი დო თიში გოლინათ ანთროპოლოგიათ დეინტერესჷ. ჸათე პერიოდიშ შარალუეფს დო არქეოლოგიურ რკვიებეფს რე გერსხილი ტაილორიშ მენცარული ნახანდეფი.
ინგლისიშა დორთინაშ უკულ, 1861 წანას ტაილორიქ გჷმაბჟინუ წინგი ანაუაკი: მექსიკა დო მექსიკარეფი, ანტიკური დო თეხანური. 1865 წანას გიშართჷ ტაილორიშ მაჟირა წინგიქ კოჩიშობაშ ორდოიანი ისტორიაშ რკვიება დო ცივილიზაციაშ გოვითარაფა. 1871 წანას გიშართჷ ტაილორიშ არძაშე უმოს გოლინიან ნახანდიქ პრიმიტიული კულტურა.
ტაილორი 1880-იან წანეფიშე ხემანჯღვერენდჷ ოქსფორდიშ უნივერსიტეტიშ ორთაშობური ისტორიაშ მუზეუმს. 1896 წანაშე რდჷ ოქსფორდიშ უნივერსიტეტიშ ანთროპოლოგიაშ პროფესორი.
გიშნაგორა პუბლიკაციეფი
რედაქტირაფა- ანაუაკი: მექსიკა დო მექსიკარეფი, ანტიკური დო თეხანური (1861)
- კოჩიშობაშ ორდოიანი ისტორიაშ რკვიება დო ცივილიზაციაშ გოვითარაფა (1865)
- პრიმიტიული კულტურა (1871)
- ანთროპოლოგია (1881)