ედუარდ სეფირი
ედუარდ სეფირი (ინგლ. Edward Sapir; დ. 26 ღურთუთა, 1884, ლემბორკი, გერმანიაშ იმპერია — ღ. 4 ფურთუთა, 1939, ნიუ-ჰეივენი, კონექტიკუტი, ააშ) — ამერიკალი ანთროპოლოგი დო ლინგვისტი.
| ედუარდ სეფირი | |
| ინგლ. Edward Sapir | |
 ედუარდ სეფირი 1910 წანას | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
ფურთუთა 4, 1939 (55 წანერი) |
| ღურაშ აბანი: | |
| მენოღალობა: | |
| ომენცარე სფერო: | |
| სამუშაშ აბანი : |
ჩიკაგოშ უნივერსიტეტი |
| ალმა-მატერი: | |
| ომენცარე ხემანჯღვერი: | |
| ჯოხოშინელი მოგურაფეეფი: |
მერი ჰაასი |
| ჯილდოეფი დო პრემიეფი: |
მენცარობეფიშ ერუანული აკადემიაშ მაკათური (1934) |
ედუარდ სეფირიქ დებადჷ პომერანიას, ურიეფიშ ფანიას. თიში ფანიაქ 1890 წანას ოცხოვრებშა ამერიკაშა მიდართჷ. სეფირი გურაფულენდჷ გერმანულ ლინგვისტიკას კოლუმბიაშ უნივერსიტეტის. გიშარჩქინელი ანთროპოლოგიშ ფრანც ბოასიშ ინიციატივათ, სეფირიქ ამერიკალი ინდიარეფიშ ნინეფით დეინტერესჷ დო დიჭყჷ თინეფიშ მენცარული რკვიება. გურაფაშ თებაშ უკული სეფირიქ კალიფორნიაშა მიდართჷ დო ალფრედ კრებერიწკჷმა ართო მუშენდჷ ინდიარეფიშ ნინეფიშ დოკუმენტირაფაშო.
ედუარდ სეფირი შხვადოშხვა პერიოდეფს მოღალენდჷ კანადაშ ისტორიაშ მუზეუმს, ჩიკაგოშ, კოლუმბიაშ დო იელიშ უნივერსიტეტეფს.
სეფირიქ მიშეღჷ დიდი თია ლინგვისტიკაშ დო ანთროპოლოგიაშ ურთიართობეფიშ გოვითარაფაშა, გიმირკვიუ ნინაშ დო კულტურაშ გოლინეფი ართიანწკჷმა. სეფირიშ ჸათე რკვიებეფს რე გერსხილი ლინგვისტური ფარდობითობაშ პრინციპი, ნამუსჷთ სეფირ-უორფიშ ჰიპოთეზაშ ჯოხონობათ რე შინელი.
სეფირიქ მიშეღჷ დიდი კონტრიბუცია ამერიკაშ ინდიარეფიშ ნინეფიშ კლასიფიკაციაშა, ფონემაშ თეხანური კონცეფციაშ გოვითარაფაშა, ფონოლოგიაშ მუჭოთ ლინგვისტური დისციპლინაშ გაგებაშა.
სეფირიშახ მერჩქინელი რდჷ ნამდა აბორიგენული ნინეფიშ რკვიებაშო ვეგმოდირთუდჷ ისტორიული ლინგვისტიკაშ მეთოდეფი, მუშენდა ჸათე ნინეფი რდჷ პრიმიტიული. სეფირიქ დანტკიცჷ ისტორიული ლინგვისტიკაშ მეთოდეფიშ შანულობა აბორიგენეფიშ ნინეფიშო.