ევროპული სხუნუ
ევროპული სხუნუ (ინგლ. European Council, ვაფორმალურო EUCO) — ევროპაშ რსხუშ კოლეგიალური ორგანო, ნამუთ გჷთმოთანჯუნს რსხუშ პოლიტიკურ მალობას დო პრიორიტეტეფს. გიჭყჷ 1974 წანაშ 10 ქირსეთუთას, მუჟანსჷთ სახენწჷფოეფიშ მადუდეეფქ გეგნოჭყვიდეს, უმანჯებჷდესკონ რეგულარული შეხვალამეფი, ნამუეფიშ მუშობას ოკათუდესკონ იჸი სახენწჷფოეფიშ გალენური საქვარეფიშ მინისტრეფი, ევროპაშ წორომაჸალობაშ კომისიეფიშ დუდმახვენჯეფი დო თინეფიშ გამაკოჩეფი. თეშ უკული, ევროპული სხუნუშ როლქ ჭიე-ჭიეთ მიძინჷ დო მაასტრიხტიშ მორაგადეფიშ შედეგო დენტკიცჷ თიშ სტატუსიქ.
| ევროპული სხუნუ ინგლ. European Council ფრანგ. Conseil européen | |
 | |
| ტიპი | |
|---|---|
| შტაბ-ორენი | |
| ონინალჷ რეგიონს | |
| ოფიციალური ნინეფი | |
| პრეზიდენტი | |
| საიტი | |
.svg){kind=small}
ევროპული სხუნუ წჷმარინუანს ევროპაშ რსხუშ უმაღალაშ პოლიტიკურ ორგანოს დო აკმოკათუნს მაკათური ქიანეფიშ სახენწჷფოეფიშ დო თარობეფიშ მადუდეეფს. თიშ აკოდგინალუაშა მიშმურს თაშნეშე ევროკომისიაშ პრეზიდენტი. ევროპული სხუნუ იშაყარუ არძაშ უკულაში წენმოწანას ჟირშა.
თარი სტატია: ევროპული სხუნუშ სამიტეფი.ევროპული სხუნუშ საქვარუა ძალამ ანდაფერუამი რე დო წორომაჸალობაშ წჷმი გემარენჯი პრობლემეფიშ ფართო სპექტრის იკათუანს:
- თინა წჷმარინუანს ოდავითეშ ევროპაშ “კონსტიტუციონალური არქიტექტურაშ” შემუშებაშ ოკითხირეეფს;
- თინა ამუშენს რეკომენდაციეფს დო მიოწურუანს ეკონომიკურ დო სოციალურ ოკითხირეეფშა, თაშნეშე უშანულამაშ გალენურპოლიტიკურ ოკითხირეეფშა;
- თინა გჷთმოსხუნუნს წორომაჸალობაშ ფინანსურ, ინსტიტუციონალურ დო შხვა სახეშ დისპუტეფს, ნამუთ პრაქტიკულო გჷთმოთანჯუნს ევროპაშ რსხუშით მეღებული ოკანონმადვალე აქტეფიშ დინორეს.
ევროპული სხუნუქ წორომაალობაშ გჷნოჭყვიდირეფიშ მემაღებე ცენტრალურ ორგანოთ გჷნირთუ, თიშ უმკუჯინალო, ნამჷ-და თის მუთუნნერი ლეგალური ვარ-და ოფიციალური გინოჭყვიდირი დღას ვემუღებუნ. ევროპულ სხუნუს ჸუნს დუდმახვენჯი („პრეზიდენტი“), ნამუთ ვეშილებე მერჩქინელქ იჸუას მუჭოთ ევროპაშ რსხუშ, მუჭოთ ოერეფოშქაშე ორგანიზაციაშ ვარ-და სახენწჷფობური აკოკათუაშ, ხემანჯღვერი. თენა რე პოსტიშ როლი, თ.ჯ. primus inter pares ანუ „პირველი წორწეფს შქას“. თე პოსტის ამშვი თუთათ იკენს თი სახენწჷფოშ მადუდე (ვარ-და თარობაშ) მადუდე, ნამუ ქიანათ თე პერიოდის დუდენს ევროპულ სხუნუსჷნ.