ემილიანე

მარკუს ემილიუს ემილიანუსი (ლათ. Marcus Aemilius Aemilianus; დ. დოხ. 210 — ღ. ეკენია, 253), შინელი რე მუჭოთ ემილიანე — რომიშ იმპერატორი 253 წანას, სუმი თუთაშ გოძვენას.

ემილიანე ლათ. Aemilianus
რომიშ იმპერატორი
პოსტის გერინაშ ბორჯი
მანგი – ეკენია, 253
წიმოხონი	ტრებონიანუს გალუსი ვოლუზიანე
მონძე	ვალერიანე გალიენუსი
დუნაბადი	დოხ. 210 ჯერბა, აფრიკა
ნაღურა	ეკენია, 253 (43 წანერი) სპოლეტიუმიშ გოხოლუას, იტალია
ალმასქუ	კორნელია სუპერა
რელიგია	ჯვეშრომაული რელიგია

რდჷ სენატორი დო კონსული. უკულ ხემანჯღვერენდჷ რომიშ ლეგიონეფს მეზიაშ პროვინციას. ჸათაქ თიქ დამარცხჷ მეზიაშა მიშაჭკირილი გოთეფი დო პროვინციაშე გეგშარაჸუ. ემილიანექ დუდი გიმირჩქინჷ მუჭოთ ნიჭიერი ოურდუმე მოღალექ. 253 წანაშ ზარხულს, ემილიანექ ეარყჷ მოქიმინჯე იმპერატორიშ ტრებონიანუს გალუსიშ მეხჷ დო იტალიაშა გემშეჭკირჷ. გალუსი კინ მუში ჯარიშკოჩეფქ დოჸვილეს. ხეშულობა ემილიანექ ქაშეჸოთჷ ხეშა დო იმპერატორო გინირთჷ. ბორჯიშ კუნტა პერიოდიშ უკულ, ჟიმოლენი რაინიშ პროვინციაშ ლეგიონეფქ იმპერატორო გეგმაცხადეს ვალერიანე. ემილიანეშ მოხუჯეეფქ, ნამუეფსჷთ ვალერიანეშა ოშქურუდეს, ეარყეს, გეგთოჩეს ემილიანე დო დოჸვილეს. 354 წანაშ ქრონოგრაფიშ მეჯინათ, ემილიანეშ მართუალა იგინძარებუდჷ ხვალე 88 დღაშ გოძვენას.

ლიტერატურა

• ენციკლოპედია ბრიტანიკა