ენ ბოლეინი
ენ ბოლეინი (ინგლ. Anne Boleyn, დ. 1501 ვარდა 1507 — ღ. 19 მესი, 1536) — ინგლისიშ დიაფალი, ჰენრი VIII-შ მაჟირა ოსური 1533-1536 წანეფს, ბოლეინეფიშ არისტოკრატიული ფანიაშ წჷმმარინაფალი.
| ენ ბოლეინი Anne Boleyn | ||
 ენ ბოლეინიშ პორტრეტი ჰივერიშ ჯიხას | ||
| ინგლისიშ დიაფალი | ||
|---|---|---|
| პოსტის გერინაშ ბორჯი | ||
| 28 მესი, 1533 – 17 მესი, 1536 | ||
| წიმოხონი | კატალინა არაგონალი | |
| მონძე | ჯეინ სეიმური | |
| დუნაბადი | 1501 ვარდა 1507 ბლიკლინგ-ჰოლი, ნორფოლკი, ინგლისი | |
| ნაღურა | 19 მესი, 1536 (29 ვარდა 35 წანერი) ლონდონიშ ტაუერი, ლონდონი, ინგლისი | |
| ნთხორუ აბანი | ლონდონიშ ტაუერი, ლონდონი | |
| მუმა | თომას ბოლეინი | |
| ნანა | ელისაბედ ჰოვარდი | |
| ალმასქუ | ჰენრი VIII | |
| სქუალეფი | ელისაბედ I | |
| ხეშმოჭარუა |  | |
რდჷ დიპლომატიშ დო პოლიტიკოსიშ თომას ბოლეინიშ დო თიში ალმასქუ ელისაბედ ჰოვარდიშ ცირასქუა. ენის ჯგირი გონათაფა მეუღებუ. გურაფულენდჷ ნიდერლანდეფს დო საფრანგეთის. 1522 წანას ინგლისიშა დირთჷ. ნინალენდჷ ჰენრი VIII-შ ომაფე კარს, რდჷ დიაფალი კატალინა არაგონალიშ ფრეილინა. ჰენრის ენი მოწონდჷ დო თიში ოსურო მოჸონაფა ოკოდჷ. ჸათეშ გეშათ ჰენრი ოცადუდჷ კატალინაშ დათხინაფას, მარა თეშ ნებას რომიშ პაპი კლემენტ VII ვარძენდჷ. ჰენრიქ ენი იშენ ქიმიჸონჷ ოსურო 1533 წანას. რომიშ პაპი თეს კანონიერო ვაჩინებულენდჷ. ჰენრიშ ინიციატივათ ინგლისიშ ეკლესიაქ დეთხუ რომიშ კათოლიკური ეკლესიას. ჸათე ბორჯიშე იჭყაფჷ ინგლისური რეფორმაციაშ პროცესი. 1533 წანაშ 7 ეკენიას ჰენრის დო ენის ქეშეძინეს ძღაბიქ - ელისაბედიქ. ჰენრის ოკოდჷ მონძე ქომოლსქუა ჸუნდუკო. უკულიანი პერიოდის ჰენრიშ დო ენიშ ურთიართალაქ გეუარეს. 1536 წანაშო ჰენრის ენიშ დათხინაფა დო ოსურო ჯეინ სეიმურიშ მოჸონაფა ოკოდჷ. ენის ქეკადვეს მაფაშ გითოჩამა დო ინცესტური ურთიართალა მუში ჯიმა ჯორჯიწკჷმა. 1536 წანაშ 2 მესის ენი ოჭოფეს, 15 მესის გასამართეს დო ოთხი დღაშ უკულ ეშაფოტის დუდი მეკვათეს.