ეპიკურე
ეპიკურე (ბერ. Ἐπίκουρος, დ. დოხოლაფირო ჯვ.წ. 341, სამოსი, საბერძნეთი — ღ. დოხოლაფირო ჯვ. წ. 270, ათენი, საბერძნეთი) — ჯვეში ბერძენი ფილოსოფოსი, ეპიკურეიზმიშ დუმარსხუაფალი.
| ეპიკურე | |
| ბერ. Ἐπίκουρος | |
 ეპიკურეშ ბიუსტი | |
| დაბადებაშ თარიღი: |
დოხოლაფირო ჯვ.წ. 341 |
|---|---|
| დაბადებაშ აბანი: |
სამოსი, საბერძნეთი |
| ღურაშ თარიღი: |
დოხოლაფირო ჯვ. წ. 270 (72 წანერი) |
| ღურაშ აბანი: |
ათენი, საბერძნეთი |
| ომენცარე სფერო: | |
| ომენცარე ხემანჯღვერი: | |
| ჯოხოშინელი მოგურაფეეფი: | |
ეპიკურე დაბადებე სამოსის. ბაღანობას ჯგირი ფილოსოფიური გონათაფა მეუღებუ. უკულიან პერიოდის, ათენს დურსხუაფჷ მუში ფილოსოფიური სკოლა.
ეპიკურე რე ავტორი დოხოლაფირო 300 ნახანდიშ, ნამუეფიშ დიდი უმეტაშობა დინაფილი რე დო ასეიან ბორჯიშა ვამუჭირინუაფჷ.
ეპიკურეშ აზრით ფილოსოფიაშ ღანკი რე ბედინერი რინაშ მეჭირინაფა, რინაშ ნამუთ იხასიათებუ "ათარაქსია"-თ დო "აპონია"-თ. ეპიკურეშ აზრით ღურათ ითებუ ადამიერიშ რსხული დო შური დო ადამიერეფს თიშა ოკო ვაშქურუდან. ეპიკურეს ჯერდჷ ნამდა ღორონთეფი არსებენა მარა თინეფი ვერიებუნა ადამიერეფიშ ცხოვრებას. ეპიკურე ოგურუანდჷ ნამდა ადამიერეფქ ოკო იცხოვრან ეთიკურო, იშგურშენ ვარ გლახა ცხოვრებაშ გეშა თინეფს ღორონთი დასაჯენსინჷ, ხვალე თიშენ ნამდა გლახათ ცხოვრებას უკულ მაჸუნუ ნარღი დო ჸათაშ ცხოვრებათ "ათარაქსია"-შა ვემიჭირინე.
ეპიკურე რდჷ ემპირიზმიშ პროპონენტი. ეპიკურეშ ფილოსოფიური იდეეფიშა დიდი გოლინა იღვენუ დემოკრიტექ.
რესურსეფი ინტერნეტის რედაქტირაფა
- ეპიკურე ენციკლოპედია ბრიტანიკას
- ეპიკურე სტენფორდიშ ფილოსოფიაშ ენციკლოპედიას
- ეპიკურე ფილოსოფიაშ ინტერნეტ ენციკლოპედიას
- ეპიკურეშ ნახანდეფი LibriVox-ის
- ეპიკურეშ მაჸალეეფიშ ჯარალუა