ეჟენ დელაკრუა
ფერდინან ვიქტორ ეჟენ დელაკრუა (ფრანგ. Ferdinand Victor Eugène Delacroix; დ. 26 აპრილი, 1798, სენ-მორისი, პარიზიშ გოხოლუას — ღ. 13 აგვისტო 1863, პარიზი) — ფრანგი ფერჭარუ დო გრაფიკოსი. ფრანგული რომანტიზმიშ გჷმაჭყაფალი.
| ეჟენ დელაკრუა ფრანგ. Eugène Delacroix | |
 ავტოპორტრეტი, 1837 წანა. | |
| ედომუშამი ჯოხო: | ფერდინანდ ვიქტორ ეჟენ დელაკრუა |
| დებადჷ: | 26 პირელი, 1798 პარიზი |
| ღურუ: | მარაშინათუთა 13, 1863 (65 წანერი) პარიზი |
| ერუანობა: | ფრანგი |
| სფერო: | ისტორიული ფერჭარუა; ნატურმორტი |
| მიმალუობა: | რომანტიზმი |
ბაღანობა დო ომორდუალა
რედაქტირაფაეჟენ დელაკრუაქ დებადჷ პარიზიშ გალეგანობას, 1798 წანაშ 26 პირელს. ოფიციალურო თიშ მუმათ იკოროცხჷ ოშქაშე რანგიშ მოხელე შარლ დელაკრუა, უჯია ხონარქ გისიმჷ, ნამჷ-და სინანდულეს ეჟენი ირშემალებე ტალეირანიშ უკანონე სქუა რდჷნ.
ფრანგულ რომანტიზმიქ 1820 წანაშ დაჭყაფუს გიჭყჷ, ახალი რევოლუციური ეჸონუაშ კინოხპერიოდის. ფრანგ ხანტუეფს ოინტერესჷდეს ჭყანიერი დო აქტიური გერგეზეფი, ტომბა მორსეფიშ დო ბარბანჩა ტემპერამენტიშ ადამიერეფი. თე გერგეზეფს თინეფი მუნეფიშ წორომოხანეეფს შქას, ლიტერატურას, მუნეფიშ ქიანაშ ისტორიას გორუნდეს. „ორთაშ, სამართალიშ დო ინსპირაციაშ დოჸუნაფა“, – თენა რდჷ რომანტიკოსეფიშ თარი კანონი.
ფერჭარუას ფრანგული რომანტიზმიშ ბაბადიდი რდჷ ეჟენ დელაკრუა (1798-1863). თე ხანტუშ უგუხურგუ ინსპირაციაქ მალიმორი, ნებაშონთაფით გოფშა სახეეფიშ ნთელი ოქიანუ გაჭყჷ, თაქ ძირჷნთ სცენას დანტეშ ჯოჯოხეთშეთ, ჭყანიერი მორსეფით გოჭოფილ გერგეზეფს გოეთეშ, შექსპირიშ დო ბაირონიშ ნახანდეფშე. დელაკრუაქ ანდა ბჟაეიოლიშ სახე გაჭყჷ, გიშაკერზაფილო ალჟირალეფიშ დო მაროკოალეფიშ, ნამუეფსჷთ დელაკრუა აფრიკას შარალუაშ ბორჯის აუხავდუდესჷნ. ტილოს „ზისხირწჷმა კოკ ქიოსის“ დელაკრუაქ ეხანტჷ ბერძენეფიშ ბურკაფი თურქეთიშ პატჷნალაშ სააწმარენჯოთ, ნამუთ თინწკჷმა ედომუშამ ევროპას აშონთენდჷნ. სურათიშ წჷმი აწოკინელი რე ტანჯებულ ბერძენ ჭკორეფიშ ბუნა, ნამუეფს შქას რე გახანგებული ოსურეფჷთ, ბაღანათ ღურელი ნანაშ კიდირშა ინჭაფუფერი, ხანტუქ ქაწურინჷ გემაძიცინე, გურქუა მაჸვილარეფიშ ფიგურეფი. სურათიქ გაკვირჷ თეხანური ადამიერული ტანჯაფაშ ეხანტუაშ სიჭყანეთ.
რესურსები ინტერნეტში
რედაქტირაფა
- Eugène Delacroix (1798-1863): Paintings, Drawings, and Prints from North American Collections
- Bibliothèque numérique de l'INHA - Journal et Correspondance d'Eugène Delacroix
- Eugène Delacroix's biography, context, style and technique
- The National Gallery: Delacroix
- Brief biography at the Getty Museum Archived 2007-09-26 ვებ-ხასჷლას Wayback Machine.
- Le musée national Eugène Delacroix (ფრანგული)
- Delacroix at Web Gallery of Art
- Delacroix at Web Museum